1 Samwil 22:16 - The Holy Bible In Alur (Lur) Revised Orthography

¹⁶ Man ubimo wacu kumae, Ibitho andha, Ahimelek, in, ku ot pa wuru ceke.

1 Samwil 22:16 ပူးပေါင်းရင်းမြစ်များ

1 Ubimo 18:4

kum ebedo kumeno, kinde ma Yezebel ukabu jubila pa Yehova woko, nia Obadia gamu jubila dak acel, man ekanugi pier abic pier abic i odng’om, man emio igi kwen ku pi.)

1 Ubimo 19:2

Yezebel ulund uoro jakwenda bang’ Elia, ewacu kumae, Dong’ mungu tim kumeni i bang’a, man mange bende, tek aketho kwo peri bedo ngo calu kwo pa ng’atu acel m’i kindgi urwo unyoni.

Ester 3:6

Ento eneno nia en e gin moko ngo ya eketh cinge kum Mordekai kende; kum giketho eng’eyo juthugi Mordekai: kum kumeno Haman uyenyo enyoth Juyahudi ceke ma gini i ker ceke pa Ahasuerus, en e juthugi Mordekai.

Lembrieko 28:15

Calu umvor ma rundo, ku wai m’urwokni, E jabim ma rac ubedo kumeno wi dhanu ma sai.

Daniel 2:12

Kum lembe maeni ng’ecwiny umaku ubimo ku kwinyo ma dit apila, man eng’olo ya junyoth jurieko ceke mi Babeli.

Daniel 2:5

Ubimo dwoko lembe man ewacu ni Jukaldayo kumae, Lembene rwinyo i ia: tek wuketho lekne ng’eire ngo ira ku there de, jubithumowu nziki nziki man jubidwoko udi mu ni uvuru mi weyo.

Matayo 2:16

Ka Herode lund uneno nia Jurieko gicaye, kwinyo ma apila nege, man eoro dhanu ucidh uneg nyithindho ma co ceke ma gini i Beth-lehem, cil ku m’i kieune ceke, ma oro migi ario ku ma fodi de, calu kanindo m’epenjo cu ba Jurieko.

Tic Mi Jukwenda 12:19

E ka Herode yenye, enwang’e de ngo, erondo jukur, man eng’olo ya juneggi anega. Man eai i Yahudi eloro Kaisaria, ebedo kuca de.

Poi Mi Cik 24:16

Ku juketh wego tho pi nyithindho, kadok nyithindho de ku juketh githo pi wego: ku ba dhanu ku ba dhanu juketh etho pi dubo pare gire.

1 Samwil 14:44

E Saul uwacu kumae, Mungu tim kumeni man mange bende; kum ibitho andha, Yonathan.

1 Samwil 20:31

Kum ma fodi wod Yese bedo kwo wi ng’om, ibicungo ngo, kadi ker peri de. Kum kumeno kawono ior kwenda man ikele i bang’a, kum ebitho andha.

1 Samwil 22:15

Atheko penjo Mungu pire tini? dong’ ebed bor i kuma: ubimo kud uketh lembe moko i wi jatic pare, kadi wi ot pa vwa ceke; kum jatic peri ng’eyo gin moko ngo kum lembe maeni ceke, ma nok kadi ma dit.

1 Samwil 22:17

Man ubimo wacu ni jukur m’ucungo i vute kumae, Wulokru, man wuneg julam pa Yehova; kum cinge bende ni karacelo ku Daudi, man kum ging’eyo nia eringo, man gituco ira ngo. Ento jutic p’ubimo giyenyo ngo giriei cing’gi ma gipodh ko wi julam pa Yehova.