1 Samwil 22:14 - The Holy Bible In Alur (Lur) Revised Orthography

¹⁴ Ahimelek ulund uloko lembe ni ubimo, man ewacu kumae, E ka ng’a m’i kind jutic peri ceke m’ubedo mandha kumeno calu Daudi, ma en e jalwod ubimo, ma jugame i lembapora peri, man en e mi yung i ot peri?

1 Samwil 22:14 ပူးပေါင်းရင်းမြစ်များ

1 Samwil 17:25

E dhanu mir Israel giwacu kumae, Wuneno ng’atu maeni m’uwodhre? ewodhre kara ecai Israel andha: man ebibedo, nia ng’atu m’unege, ubimo bilonye ku lonyo ma dit, man ebimio ire nyare, man ebiketho ot pa won ubed agonya i kind Israel.

1 Samwil 18:13

Ka kumeno Saul ucore cen kud i kume, man ekethe ni jego pare wi rubanga; man ewok woko emondo de i wang’ dhanu.

1 Samwil 18:27

e Daudi ai man ecidho, en ku dhanu pare, man ginego kind dhanu mi Jufilisti dak ario; man Daudi kelo dendkumgi m’i kendi, man gimiogi ni ubimo ku welgi bo, kara ebed jalwod ubimo. Man Saul umio ire Mikal ma nyare ni dhaku.

1 Samwil 20:32

Man Yonathan uloko lembe ni Saul ma won, man ewacu ire kumae, Nedi juketho etho? etimo ang’o?

1 Samwil 21:2

Man Daudi wacu ni Ahimelek ma jalam kumae, Ubimo ng’olo ira tic, man ewacu ira kumae, Kud iyi ng’atu moko ng’ei gin moko pi tic m’aori i kume, man gin m’ang’olo iri: man ang’olo ni awobi i ka ma nyo, man ka ma nyo.

1 Samwil 22:13

Man Saul uwacu ire kumae, Wupido lembe i kuma nedi, wuku wod Yese, m’imio ko ire kwen, ku palamularu, man ipenjo Mungu pire, kara ejai ira, ekan adhi, calu ma tini?

1 Samwil 24:11

Mange ke, vwa, nen, eyo, nen dhu kanzu peri ni i cinga; kum athumo dhu kanzu peri, man anegi ngo, e dong’ ing’ei inen de nia kadok dubo kadi kier de mbe i cinga, man adubo iri ngo, kadok ibeyenyo kwo para kara imake.

1 Samwil 25:28

Akwei, wek kier pa bong’ peri: kum Yehova bitimo ot ma tek ni rwoth para andha, kum rwoth para kiedo lwiny pa Yehova; man jubinwang’u dubo ngo i beng’i i ceng’ peri ceke.

1 Samwil 26:23

Man Yehova biculo ni dhanu kubang’gi kubang’gi ng’atuman bedopwe pare, man mandha pare; kum nwang’u Yehova mii i cinga tinuni, man ayenyo ngo aketh cinga kum ng’atu ma Yehova wiro.