1 Samwil 20:8 - The Holy Bible In Alur (Lur) Revised Orthography

⁸ Ka kumeno tim ku bero ku jatic peri; kum ikelo jatic peri i lembariba pa Yehova karacelo kudi: ento tek kier ni i ia, nega in giri; kum nedi ikela ba wuru?

1 Samwil 20:8 ပူးပေါင်းရင်းမြစ်များ

Thangambere 24:49

Man kawono tek wubitimo ku bero man andha kum rwoth para, yer ira: man tek ungo, yer ira; kara alokra yo ku cing’ ma yor acwic, kadi yor acam.

Thangambere 47:29

E nindo dhingo ma Israel ubitho i ie be: man elwong’o Yusuf ma wode, ewacu ire de kumae, Tek kawono anwang’u bero i weng’i, akwei, keth cingi the bamba, man itim ber man mandha i bang’a: akwei, kud iyika i Misiri;

2 Samwil 14:32

Man Absalom uloko lembe ni Yoab kumae, Nen, aoro kwenda i beng’i awacu kumae, Bin keni, kara aori bang’ ubimo, kara iwac kumae, Nedi aai i Gecuri? e ber ma sagu ira tek abedo asu kuca. Ka kumeno kawono wek anen wang’ ubimo; man tek kier ni i ia, wek enega.

I Lemkei 12:17

Man Daudi wok ning’ologi, e eloko lembe ewacu igi kumae, Tek wubino i bang’a ku kwiocwiny nikonya, adundena biripo kudu; ento tek wubino niciba ni judegina, kum dubo mbe i cinga, Mungu pa kwaruwa unen wie, man ejuke.

Zaburi 116:11

Awacu i vur vur para kumae, Dhanu ceke gi jundra.

Lembrieko 3:3

Bedober ku lemandha kud uweki: Dhokgi i ng’uti; Kieugi wi ban mir adundeni:

Tic Mi Jukwenda 25:11

Ka kumeno tek an a jadubo, man atimo gin moko ma romo ku tho, akwero ngo ya atho; ento tek gin maeni andha ngo ma joni gidota ko, ng’atu moko mbe ma copo mia igi. Ayenyo ndhu ba Kaisari.

Yocuwa 2:14

E dhanune giwacu ire kumae, Kwo mwa kaka kwo mu, tek wuyero pi tic mwa maeni ngo; man ebibedo, kinde ma Yehova mio iwa ng’ombe, nia wabitimo ber man mandha i beng’i.

Yocuwa 22:22

Ng’atu ma Jatego, Mungu, Yehova, Ng’atu ma Jatego, Mungu, Yehova, eng’eyo; e Israel ebing’eyo: tek en e i jai, kadi tek en e i kier kum Yehova (kud ilarwa i ceng’ maeni),

Ruth 1:8

Man Naomi wacu ni mon wote ario kumae, Wucidhi, wudoki ng’atuman i ot pa min man i ot pa min: Yehova tim ber i beng’wu, calu wutimo ba ju m’utho, i bang’a de.

1 Samwil 18:1

Man etimbre, kinde m’edaru weco ku Saul, nia ng’eyong’ec pa Yonathan uribre ku ng’eyong’ec pa Daudi, man Yonathan umare calu ng’eyong’ec pare gire.

1 Samwil 18:3

Yonathan giku Daudi gilund gitimo lembariba, kum emare calu ng’eyong’ec pare gire.

1 Samwil 20:16

Kum kumeno Yonathan utimo lembariba ku ot pa Daudi, ewacu kumae, Man Yehova bilwong’e i cing’ judegi pa Daudi.

1 Samwil 20:9

Man Yonathan uwacu kumae, Ebed bor i kumi; kum tek ang’eyo nia vwa keco lembe ma rac moko nyanok i kumi, e ayero iri ngo?

1 Samwil 23:18

E gin ario gitimo lembariba i wang’ Yehova: man Daudi bedo i luli, man Yonathan udok i ot pare.