1 Samwil 20:16 - The Holy Bible In Alur (Lur) Revised Orthography

¹⁶ Kum kumeno Yonathan utimo lembariba ku ot pa Daudi, ewacu kumae, Man Yehova bilwong’e i cing’ judegi pa Daudi.

1 Samwil 20:16 ပူးပေါင်းရင်းမြစ်များ

Thangambere 15:18

I ceng’ maeca Yehova timo lembariba kud Abram, ewacu kumae, Amio ng’om maeni ni kodhini, ugambre kulo mi Misiri cik kum kulo ma dit, ma en e kulo Frati:

2 Samwil 21:8

Ento ubimo gamu wot ario pa Rizpa ma nyar Aia, m’enyolo ni Saul, gin Armoni man Mefiboceth; man wot Mikal abic ma nya Saul m’enyolo ni Adriel ma wod Barzilai ma Jameholathi:

Yeremia 40:9

Man Gedalia ma wod Ahikam ma wod Cafan, ukwong’o kwong’ igi man ni dhanu migi, ewacu kumae, Lworo timo ni Jukaldayo kud unegwu: wubed i ng’om, man wutim ni ubimo mi Babeli, e ebibedo ber iwu.

Poi Mi Cik 23:21

Kinde m’ing’olo lembang’ola ni Yehova Mungu peri, kud igal ku cule: kum Yehova Mungu peri bilwong’e i beng’i andha; man ebibedo iri ni dubo.

Yocuwa 22:23

ma nia waguro iwa pemblam kara wakier kum lubo Yehova; kadi tek mi lamu wie lam m’awang’a kadi lam mi mogo, kadi mi lamu lam mi kwiocwiny i wie, dong’ Yehova en elwong’e;

1 Samwil 18:3

Yonathan giku Daudi gilund gitimo lembariba, kum emare calu ng’eyong’ec pare gire.

1 Samwil 20:42

Man Yonathan uwacu ni Daudi kumae, Cidh ku kwiocwiny, kum wadaru kwong’o wan ario ku nying’ Yehova, wawacu kumae, Yehova bibedo i kindwa wakudi, man i kind kodhina ku kodhini, mi nja. Man eai ecidho de: man Yonathan udok i adhura.

1 Samwil 22:8

ma nia wun ceke wupid lembe i kuma, man ng’atu moko mbe m’utuco ira kinde ma woda timo lembariba ku wod Yese, man ng’atu moko mbe i kindwu ma can unege i kuma, kadi m’utuco ira nia woda upiko lembe i jatic para i kuma, kara ekan adhi, calu ma tini?

1 Samwil 23:18

E gin ario gitimo lembariba i wang’ Yehova: man Daudi bedo i luli, man Yonathan udok i ot pare.

1 Samwil 25:22

Mungu tim kumeni kum judegi pa Daudi, man m’usagu bende, tek aweko i kind piny ceke ma pare nyathin ma nico acel i kinde mi kugweno.

1 Samwil 25:26

Ka kumeno kawono, rwoth para, calu Yehova bedo kwo, man calu ng’eyong’ec peri bedo kwo, kum Yehova ceri ku ewiro rimo, man ku culo kwor peri giri ku cingi, ka kumeno kawono dong’ judegi peri, man ju m’uyenyo lem ma rac utimbre kum rwoth para, gibed calu Nabal.

1 Samwil 31:2

Man Jufilisti giriemo tok Saul areri ku wote de; man Jufilisti ginego Yonathan, kud Abinadab, man Malkicua, ma wot Saul.