1 Samwil 2:5 - The Holy Bible In Alur (Lur) Revised Orthography

⁵ Man ju ma naka giyeng’ gimondo gigi i tic kara ginwang’ cemo; Man ju ma naka kec unegogi enegogi kendo ngo: Eyo, mugumba nyol abiro; Man ng’atu ma nyithindhe dupa jujwigo tego pare.

1 Samwil 2:5 ပူးပေါင်းရင်းမြစ်များ

Zaburi 113:9

Eketho dhaku ma jamugumba ni jagwokot, Man ni meg nyithindho ma anyong’a nege. Wupak Yehova.

Zaburi 34:10

Nyithindh umvor giyeng’ ungo, man kec unegogi; Ento ju m’uyenyo Yehova re gin moko ma ber umbe ma cande binegogi.

Isaya 33:9

Ng’om uywak man evoc; lewic umaku Lebanon man ener woko; Caron calu ng’omngele; man Bacan ku Karmel giteng’o ithgi.

Isaya 54:1

Wer, E mugumba, in m’inyol ungo; moc ku wer, man ikok ma tek, in m’isendri ngo ku nyodo: kum nyithindho pa ng’atu ma kende gi dupa ma sagu nyithindho pa dhaku ma jugamu, Yehova wacu.

Yeremia 15:9

Dhaku m’unyol abiro voc; cwinye mwony; ceng’ pare mwony kinde ma piny fodi ni dieceng’; lewic umake man cwinye ng’abre: e donge m’udong’ abimio ni palamularu i wang’ judegi migi, Yehova wacu.

Luka 1:53

Eyeng’o ju ma kec unegogi ku gin ma ber; Man eketho julonyo gidok mananu.

Luka 16:25

Ento Ibrahim wacu kumae, Woda, poi nia i rundi m’ibedo ie kwo inwang’u gin peri ma ber, Lazaro de kumeno enwang’u gin ma rac: ento kawono ejukre keni, in ke ini i ndiba.

Jugalatia 4:27

Kum egore kumae, Anyong’a negi, in i jamugumba m’inyol ungo; Goi dhogi man ikok akoka, in m’isendri ngo ku nyolo nyodo: Kum nyithindho pa ng’atu m’ubedo kende sagu pa ng’atu ma ju cware.

Ruth 4:15

Man ebibedo iri ni ng’atu ma dwoko kwo, man ng’atu m’ugwoko tio peri; kum ci wodi, m’umeri, ma en e kuloka iri ma sagu wot abiro, enyole.

1 Samwil 1:20

man etimbre, kinde ma nindo tundo, nia Hana gamu ie, man enyolo nyathin ma nico; man elwong’o nyinge Samwil, ewacu kumae, Kum apenje ba Yehova.

1 Samwil 1:6

Man nyeke timo nyeko i kume, kara esendre, kum Yehova twio ie.