1 Samwil 2:3 - The Holy Bible In Alur (Lur) Revised Orthography

³ Kud wuwec ku kuhaya m’apila kumeno kendo; Kud wuwek tingri wok woko kud i dhogwu; Kum Yehova en e Mungu mi ng’eyong’ec, Man tic pore ni kume.

1 Samwil 2:3 ပူးပေါင်းရင်းမြစ်များ

1 Ubimo 8:39

ilund iwinj kud i polo ma kabedo peri, man iwek lembene woko, man itim, imi ni dhanu de kubang’gi kubang’gi ng’atuman calku yo pare, m’ing’eyo adundene; (kum in, in i kendi, ing’eyo adunde mi nyithi dhanu ceke;)

Kitabu Pa Yob 31:6

(Wek jupora i mukero ma rom rom, Kara Mungu ng’ei bedocu para);

Zaburi 147:5

Rwoth mwa e dwong’, man e tek i tego; Man ng’eyothelembe pare mukerone mbe.

Zaburi 17:10

Gitwio adundegi: Giyero kuhaya ku dhoggi.

Zaburi 31:18

Wek dendhok mi ndra ubed ajuba, Ma yero lem ma tek kum weg bedopwe, Ku kuhaya man cac.

Zaburi 44:21

Mungu biyenyo maeni ngo? Kum eng’eyo lembamung’a mir adunde.

Zaburi 75:5

Kud wuting’ tung mu malu: Kud wuyer ku ng’ut m’ucikre.

Zaburi 94:4

Gilulo, giyero ku tingri: Jutimkier ceke giluli gigi.

Lembrieko 16:2

Yo ceke mi dhanu leng’ i wang’e gire; Ento Yehova poro tipo ku mukero.

Lembrieko 24:12

Tek iwacu kumae, Nen, wang’eyo maeni ngo; Ng’atu m’uporo adunde ng’eyo maeni ngo? Man ng’atu m’ugwoko ng’eyong ec peri, ng’eyo maeni ngo? Man ebiculo ni dhanu kubang’gi kubang’gi ngo ng’atuman calku tic pare?

Lembrieko 8:13

Lworo Yehova en e dagu dubo: Adagu kuhaya, man tingri, ku yo mi dubo, Man dhok ma kite mbe.

Isaya 26:7

Yo pa won bedopwe en e atira: in m’ibedo atira itiro yo pa won bedopwe.

Isaya 37:23

Icayu man icido ng’a? man iting’o dwendi ing’ayu weng’i de malu kum ng’a? en e kum Ng’atu Maleng’ mir Israel.

Yeremia 17:10

An, an a Yehova, ayenyo pidoic, aponjo adunde, kara ami ni dhanu kubang’gi kubang’gi ng’atuman calku yo pare, calku nying’ mi giratima pare.

Ezekiel 35:13

Man wutingru giwu i kuma ku dhogwu, man wumedo lembe mu i kuma: awinjo maeni.

Daniel 4:37

Kawono, an a Nebukadnezar, apaku man afoyo man ayungo Ubimo m’i polo; kum tic pare ceke en e andha, man yo pare pwe; e ju m’uwotho ku kuhaya ecopo jwigo.

Daniel 5:27

TEKEL; jupori i mukero, man junwang’u irem.

Malaki 3:13

Lembe mu bedo tek i kuma, Yehova wacu. Ento wuwacu kumae, Wayero ang’o i kumi?

Juebrania 4:12

Kum lembe pa Mungu e kwo, man etimo, man e bith ma sagu palamularu moko ma lake kun ku kun, m’ecobo ko cil ku poko ng’eyong’ec ku tipo, man ujonj ku mio ma yor i ie bende, man e yot kum ng’io pidoic ku lembapora mir adunde.

Yocuwa 22:22

Ng’atu ma Jatego, Mungu, Yehova, Ng’atu ma Jatego, Mungu, Yehova, eng’eyo; e Israel ebing’eyo: tek en e i jai, kadi tek en e i kier kum Yehova (kud ilarwa i ceng’ maeni),

Lembanyutha 2:23

Man abinego nyithindho pare ku tho; man kanisa ceke gibing’eyo nia an a ng’atu ma sayu i ic kud adunde: man abimio iwu kubeng’wu kubeng’wu calku tic mu.

Jupoklembe 9:38

Zebul ulund uwacu ire kumae, Kawono dhogi ni kani, m’iweco ko kumae, Abimelek en e ng’a, ma maku watim ire? maeni gi dhanu m’icayugi ngo? akwei, kawono cidh woko man ikied kugi.

1 Samwil 16:7

Ento Yehova wacu ni Samwil kumae, Kud inen wang’e, kadi kadongone; kum akwere: kum Yehova neno calu dhanu neno ngo; kum dhanu neno ayi ma yo woko, ento Yehova neno yo i adunde.