1 Samwil 2:27 - The Holy Bible In Alur (Lur) Revised Orthography

²⁷ Man dhanu pa Mungu bino ba Eli, man ewacu ire kumae, Yehova wacu kumae, Anyuthra gira ngo ni ot pa wuru, kinde ma gini i Misiri i ng’eca ni ot pa Farao?

1 Samwil 2:27 ပူးပေါင်းရင်းမြစ်များ

1 Ubimo 13:1

Man, nen, dhanu pa Mungu ai kud i Yuda ku lembe pa Yehova i Beth-el: e Yeroboam ucungo ng’et pemblam kara ewang’ udok ma ng’wice ng’ar.

1 Ubimo 2:27

Kum kumeno Suleman uriemo Abiathar kud ebed jalam ni Yehova, kara eketh lembe pa Yehova timbre kakare, m’eyero pi ot pa Eli i Cilo.

Ai 12:1

E Yehova yero ni Musa giku Harun i ng’om Misiri, ewacu kumae,

Ai 12:43

E Yehova wacu ni Musa giku Harun kumae, Maeni lembapoka mi kadhukuwijo: jawirok umbe ma bicamu kume moko;

Ai 4:27

Man Yehova wacu ni Harun kumae, Cidh i langa kara iromb ku Musa. E ecidho, man erombo kude wi got pa Mungu, e ecwio limbe.

Poi Mi Cik 33:1

Man mugisa maeni en e mugisa ma Musa ma dhanu pa Mungu mio ni nyithindho mir Israel ma fodi etho ngo.

1 Timoteo 6:11

Ento in re, in i dhanu pa Mungu, ring gini; man ilub peri tok bedopwe, ku bedo ma ayi Mungu ni kume, ku yioyic, ku mer, ku twiocwiny, ku molcwiny.

2 Petro 1:21

Kum lembila moko mbe ma fodubino ku yeny ma dhanu yenyo: ento dhanu yero lembe m’uai ba Mungu, ma Tipo Maleng’ ucung’o kogi en.

Jupoklembe 13:6

Dhakune lund ubino eyero ni cware, ewacu kumae, Dhanu pa Mungu bino i bang’a, man wang’e bedo va wang’ malaika pa Mungu, m’ung’oi ndiri; man apenje ngo pi ka m’eai i ie, kadok nyinge de eyero ira ngo:

Jupoklembe 6:8

nia Yehova oro jabila ba nyithindho mir Israel: man ewacu igi kumae, Yehova Mungu mir Israel uwacu kumae, Akelowu malu ku i Misiri, man awodhowu woko kud i ot mi ng’eca;

1 Samwil 3:12

I ceng’ maeno abitimo kum Eli gin ceke m’ayero pi ot pare, ugambre i thekrine cil kum kajikne.

1 Samwil 9:4

E ekadhu kud i ng’om gudi pa Efraim, man ekadhu kud i ng’om Calica, ento ginwang’ugi ngo: gilund gikadhu kud i ng’om Calim, e gini keca ngo: man ekadhu kud i ng’om mi Jubenyamini, ento ginwang’ugi ngo.

1 Samwil 9:6

E ewacu ire kumae, Nen kawono, dhanu pa Mungu nuti i adhura maeni, man en e ng’atu ma won yung; gin ceke m’ewacu timbre andha: kawono dong’ wacidh keca; kuno nyo ecopo yero iwa pi woth ma wacidho i ie.