1 Samwil 2:21 - The Holy Bible In Alur (Lur) Revised Orthography

²¹ Man Yehova liewo Hana, man egamu ie, e enyolo nyithindho ma co adek ku nyir ario. Man nyathin Samwil udongo i wang’ Yehova.

1 Samwil 2:21 ပူးပေါင်းရင်းမြစ်များ

Thangambere 21:1

Man Yehova liewo Sara calu ewacu, man Yehova timo ni Sara calu eyero.

Zaburi 127:3

Nen, nyithindho gi musolu pa Yehova; Man nying’ ic en e sukulia pare.

Lembrieko 3:4

Kum kumeno ibinwang’u bero man ng’eyothelembe ma ber I wang’ Mungu ku dhanu.

Luka 1:68

Mugisa ni Rwoth, Mungu pa Israel; Kum eliewo dhanu pare etimo war de igi,

Luka 1:80

Nyathin udongo, cwinye de doko tek, ebedo i yamba de cil i ceng’ m’enyuthre ie ni Israel.

Luka 2:40

Nyathin udongo, tego medre ire, rieko de pong’e: man bero pa Mungu ni i wie.

Luka 2:52

E Yesu dongo man ecikucidho i rieko, man i bero ni Mungu ku dhanu bende.

Jupoklembe 13:24

Man dhakune nyolo nyathin ma nico, man elwong’o nyinge Samson: man nyathin udongo, e Yehova mio mugisa ire.

1 Samwil 2:26

E nyathi Samwil ucikudongo, man emedre i bero ku Yehova, man ku dhanu bende.

1 Samwil 3:19

E Samwil udongo, man Yehova ni kude, e eweko lem pare moko ngo upodh i ng’om.