1 Samwil 2:2 - The Holy Bible In Alur (Lur) Revised Orthography

² Ng’atu moko mbe ma leng’ calu Yehova; Kum ng’atu moko mbe m’umedo in, Kadok cana moko de mbe ma calu Mungu mwa.

1 Samwil 2:2 ပူးပေါင်းရင်းမြစ်များ

2 Samwil 22:3

Mungu, ma cana para, abipondo i ie; Ban para, man tung mi both para, ot ma wiu para, man kapondo para; Jabodhna, ibodha ni rop.

2 Samwil 22:32

Kum Mungu en e ng’a, ma ku Yehova ngo? Man ng’a ma cana, ma ku Mungu mwa ngo?

2 Samwil 7:22

Kum kumeno in i dwong’, E Yehova Mungu: kum moko mbe ma calu in, kadok mungu mange de mbe ndhu in kendi, calku gin ceke ma wawinjo ku ithwa.

1 Ubimo 8:23

man ewacu kumae, E Yehova, Mungu mir Israel, Mungu moko mbe ma calu in, malu i polo, kadi piny i ng’om; m’ugwoko lembariba ku mer mi bero Jeu jutic peri, m’uwotho i weng’i kud adundegi ceke;

Zaburi 111:9

Eoro war ba dhanu pare; Eng’olo lembariba pare mi nja: Nyinge leng’ man mi yung.

Zaburi 18:2

Yehova en e cana para, man ot ma tek para, man jabodhna; Munguna, cana para, m’abipondo i bang’e; Ban para, man tung mi both para, man otkur para ma wiu.

Zaburi 18:31

Kum ng’a ma Mungu, ma ku Yehova ngo Man ng’a ma cana, ma ku Mungu mwa ngo

Zaburi 71:19

Bedopwe peri bende, E Mungu, eni malu hai; In m’itimo gin ma dwong’, E Mungu, ng’a ma calu ini?

Zaburi 71:3

Bed ira ni cana mi bedo, ka m’acidh i ie thiri thiri; Ing’olo lembe mi bodha; Kum in i cana para man ot ma tek para.

Zaburi 73:25

Abedo ku ng’a i polo? Man ng’atu moko mbe i ng’om m’ayenyo ma sagu in.

Zaburi 86:8

Ng’atu moko mbe ma calu in i kind udul mungu, E Rwoth; Kadok tic moko de mbe ma calu tic peri.

Zaburi 89:6

Kum ng’a m’i polo ma jucopo poro ku Yehova? Ng’a ma kind wot ju ma tek ma calu Yehova,

Zaburi 89:8

E Yehova Mungu mir udul, Ng’a ma ng’atu ma tek, ma calu in, E Yehova? Man bedo mandha peri tieki gbur.

Zaburi 99:3

Wek gipak nyingi ma dwong’ ma ng’oyo ndiri de: E leng’.

Zaburi 99:5

Wudod Yehova Mungu mwa. Man wurwo kum kom mi tiende: E leng’.

Zaburi 99:9

Wudod Yehova Mungu mwa, Man wurwo kum got pare ma leng’ Kum Yehova Mungu mwa e leng’.

Ai 15:11

Ng’a ma calu in i kind mungu, E Yehova? Ng’a ma calu in, ma dwong’ i leng’ne, Ma janyai ndiri i pak, m’ibetimo musana?

Isaya 40:18

Wubilund poro Mungu kud ang’o? kadi wubipore kud ayi ma nedi?

Isaya 44:6

Yehova, m’Ubimo mir Israel, man Jawar pare, Yehova mir udul, uwacu kumae: An a ma kwong’a, man kajik; man Mungu moko mbe m’umeda.

Isaya 44:8

Lworo kud unegwu, bebe de kud utimwu: ayero iri ugambre con ungo, man anyuthe? man wun wu jumulembe para. Mungu moko nuti m’umeda? eyo, Cana moko mbe; ang’eyo moko ngo.

Isaya 57:15

Kum Ng’atu ma malu ma jabedo mi nja ma nyinge Leng’, uwacu kumae: Abedo i ka ma malu ma leng’ de, karacelo ku ng’atu ma cwinye lokre ma cwinye mol bende, kara adwok tipo ng’atu ma mol, man kara adwok cwiny ng’atu m’ulokre.

Isaya 6:3

Man acel ulwong’o ba wadi, man ewacu kumae, Yehova mir udul leng’, leng’, leng’: ng’om ngung’ upong’ ku dwong’ pare.

Yeremia 10:6

Ng’atu moko mbe ma calu in, E Yehova; in i dit, man nyingi dit i tego.

Lembe Mi Julawi 11:44

Kum an a Yehova Mungu mu: ka kumeno wudwokru giwu leng’, man wubed leng’; kum an a leng’: kadok acida de kud wucidru ku kwond gin moko ma lak ma wotho wi ng’om.

Lembe Mi Julawi 11:45

Kum an a Yehova m’uwodhowu woko kud i ng’om Misiri, kara abed Mungu mu: ka kumeno wubed leng’, kum an a leng’.

Lembe Mi Julawi 19:2

Yer ni udul mi nyithindho mir Israel ceke, man iwac igi kumae, Wubed leng’; kum an a Yehova ma Mungu mu a leng’.

Jurumi 15:4

Kum gin ma yang’ ugore egore pi ponji mwa, kara ni kum twiocwiny man ni kum jukojuk mi lembagora pa Mungu wabed ku genogen.

Jurumi 4:8

Mugisa ni ng’atu ma Mungu bikwanu dubo ire ngo.

Poi Mi Cik 3:24

E Rwoth Yehova, imaku nyutho dwong’ peri, ku cingi ma tek ni jatic peri: kum Mungu ma nedi m’i polo kadi m’i ng’om, ma copo timo calku tic peri, man calku tic peri ma teki?

Poi Mi Cik 32:20

Man ewacu kumae, Abipanu wang’a i kumgi, Abineno maram kajik migi bibedo ko: Kum gi dhanum’utuk ma ng’oc dit, Nyithindho ma lemandha mbe i igi.

Poi Mi Cik 32:39

Nen kawono nia an, cil an, an a en, Man mungu moko mbe ma wakude: Anego, man aketho cer; Atong’o lero, man acangu: Man ng’atu moko mbe ma copo bodho kud i cinga.

Poi Mi Cik 32:4

Cana, tic pare bedo ndhu cu; Kum yo pare ceke e pwe: Mungu mi lemandha man m’umbe dubo, En e pwe man atira.

Poi Mi Cik 4:35

Junyutho maeni iri, kara ing’ei nia Yehova en e Mungu; mange mbe en e kende.

Poi Mi Cik 4:39

Ka kumeno ng’ei tin, man iketh adundeni i kume, nia Yehova en e Mungu ma malu i polo man ma piny i ng’om; mange mbe.

1 Petro 1:16

kum egore kumae, Wubibedo leng’; kum an a leng’.