1 Samwil 2:10 - The Holy Bible In Alur (Lur) Revised Orthography

¹⁰ Ju m’upiembri ku Yehova bitur nziki nziki; Ebiwodho morpolo kud i polo i kumgi: Yehova bipoko lembe wi gund ng’om; Man ebimio tego ni ubimo pare; Man ebiyungo tung ng’atu m’ewiro.

1 Samwil 2:10 ပူးပေါင်းရင်းမြစ်များ

2 Samwil 22:14

Yehova timo morpolo kud i polo, Man Ng’atu ma Malu Ngbir uwodho dwande.

2 Samwil 7:13

Ebigomo ot pi nyinga, man abiketho komker mi ker pare ucung mi nja.

2 Samwil 7:8

Ka kumeno kawono ibiwacu ni Daudi ma jatic para kumae, Yehova mir udul uwacu kumae, Agemi kud i kwac mi rombe, ku lubo rombe, kara idok jatelwic wi dhanu para, wi Israel;

Kitabu Pa Yob 40:9

Kadi ibedo ku bot ma calu Mungu? Icopo mor ku dwal calu eni?

Zaburi 132:17

Abiketho tung pa Daudi kudo kuca: Aketho thala ni ng’atu m’awira para.

Zaburi 148:14

Man eting’o tung mi dhanu pare, Pak mi jumaleng’ pare ceke: En e mi nyithindho mir Israel, dhanu ma ni ceng’ni kude. Wupak Yehova.

Zaburi 2:2

Ju m’ubimo m’i ng’om gicoko dhoggi, Man jubim giporo lembe karacelo, Kum Yehova, man kum ng’atu m’awira pare, ma giwacu ko kumae,

Zaburi 2:6

Ento aketho ubimo para Wi got para ma leng’ mi Sayuni.

Zaburi 2:9

Ibiturogi ku dul mi nyunyu; Ibing’enyogi nziki nziki calu agulu pa jacwiagulu.

Zaburi 20:6

Kawono ang’eyo nia Yehova bodho ng’atu m’ewiro pare; Ebiloko ire lembe kud i polo pare ma leng’ Ku tego mi both mi cinge ma yor acwic.

Zaburi 20:7

Jumoko geno magali, jumoko ke riuni; Ento wabiyero pi nying’ Yehova Mungu mwa.

Zaburi 21:1

Anyong’a binego ubimo kum tego peri, E Yehova; Man anyong’a binege dit mire ma kum both peri!

Zaburi 28:8

Yehova en e tego migi, Man en e ka ma tek mi both ni ng’atu ma juwiro pare.

Zaburi 45:7

Imaru bedopwe, man idagu dubo: Ka kumeno Mungu, Mungu peri, uwiri Ku mo mi mutoro ma sagu juwedu.

Zaburi 89:17

Kum in i dwong’ mi tego migi; Man jubidodo tung mwa ni kum bero peri.

Zaburi 89:24

Ento bedo mandha para ku mer mi bero para bibedo i bang’e; Man tung pare bidodre ni kum nyinga.

Zaburi 89:25

Abiketho cinge wi nam bende, Man cinge ma yor acwic wi kulo.

Zaburi 96:13

I wang’ Yehova; kum ebino, Ebino nipoko lembe mi ng’om; Ebipoko lembe mi ng’om ku bedopwe, Man kodhidhanu ku lemandha pare.

Zaburi 98:9

wang’ Yehova; kum ebino nipoko lembe mi ng’om. Ebipoko lembe mi piny ku bedopwe, Man kodhidhanu ku lem m’atira.

Ai 15:6

Cingi ma yor acwic, E Yehova, dwong’ i tego, Cingi ma yor acwic, E Yehova, ng’enyo jadegi nziki nziki.

Eklizia 11:9

Anyong’a negi, E jalawobi, i aradu peri, man wek adundeni nyai anyong’a ii i nindo mir awobi peri, man iwoth i yo mir adundeni, man i nenopiny mi weng’i; ento ing’ei, nia Mungu biboli i pokolembe pi gin maeni ceke.

Eklizia 12:14

Kum Mungu bikelo kwai tic ceke i titi, ku gin m’ubedo amung’a ceke kubang’e kubang’e, tek ebedo ber, kadi tek ebedo rac.

Isaya 29:6

Jubihewe ku mor polo ni kum Yehova mir udul, man ku digidi, ku badwal ma dit, man kud atido, man wavuvu, ku lebmac mi mac ma wang’u.

Isaya 32:1

Nen, ubimo bicamu ker ku bedopwe, man judongomawijo bibimo ku pokolembe.

Isaya 45:24

Juwacu pira kumae nia i Yehova kende abedo ku bedopwe man tego; cil i bang’e dhanu bibino; man dhanu ceke m’udage jubiketho lewic umakgi.

Ezekiel 29:21

I ceng’ maeca abiketho tung kudo ni ot mir Israel, man abimio iri ng’amudhok i kindgi; e gibing’eyo nia an a Yehova.

Matayo 25:34

Ubimo bilund wacu ni ju ma yo ku cinge ma yor acwic kumae, Wubin wu ju ma Vwa dwokowu jumugisa, wucam pacu mi ker m’ubedo ayika iwu ugambre i thekri mi ng’om:

Matayo 28:18

Man Yesu bino i bang’gi eweco i bang’gi, ewacu kumae, Ng’ol ceke mire ira m’i polo ku m’i ng’om bende.

Luka 1:69

Man eting’o tung mi both iwa I ot pa jatic pare Daudi

Luka 19:27

Ento jukwoja eni, ma giyio ngo nia abim wigi, wukelgi keni, wuneggi de i wang’a.

Tic Mi Jukwenda 10:38

en e Yesu ma Nazareti, maram Mungu wire ko ku Tipo Maleng’ ku tego bende: m’ebedewotho ko awotha ku timo ber, ku keyo kum dhanu ceke ma wonabali voyogi; kum Mungu ni kude.

Tic Mi Jukwenda 4:27

kum andha i adhura nini Herode giku Pontio Pilato, karacelo ku Thekdhanumange ku kodhi dhanu pa Israel de, gicoko dhoggi kum Yesu ma Jatic peri maleng’, m’iwiro mo i wie,

2 Jukorinto 5:10

Kum wan ceke wabikonyuthra be ngbeng’ i wang’ kom mi ng’olo lembe pa Kristu; kara dhanu ceke kubang’gi kubang’gi ng’atuman unwang’ gin m’utimbre i kum, rom ku gin m’etimo, kadok ebedo ber kadi rac.

Jupoklembe 5:31

Dong’ judegi peri ceke ginyothri kumeca, E Yehova: Ento dong’ ju m’umare gibed calu ceng’ kan ewok i tego pare. Man ng’om ukwio rundi pier ang’wen.

1 Samwil 12:13

Ka kumeno kawono nen ubimo ma wugoyo wie, man ma wupenjo pire: man, nen, Yehova ketho ubimo i wiwu.

1 Samwil 12:17

En e palacam mi nganu tin ungo? Abilwong’o Yehova, kara eor morpolo ku koth; e wubing’eyo wubineno de nia dubo mu e dit, ma wutimo i wang’ Yehova, i penji ma wupenjo ko ubimo iwu.

1 Samwil 12:18

Kum kumeno Samwil ulwong’o Yehova; man Yehova oro morpolo ku koth i ceng’ maeca: man lworo nego dhanu ceke dit kum Yehova man kum Samwil.

1 Samwil 12:3

Anuti eni: wunyuth lembe i kuma i wang’ Yehova, man i wang’ ng’atu ma juwiro pare: koni dhiang’ pa ng’a m’amaku? kadi kana pa ng’a m’amaku? kadi ng’a m’avugo? ng’a m’asendo? kadi agamu jamblembe i cing’ ng’a kara uum wang’a? man abidwoke iwu.

1 Samwil 15:28

Man Samwil uwacu ire kumae, Yehova yeco ker mir Israel kud i beng’i tinuni, man emie ni jadhugola peri, m’e ber ma segi.

1 Samwil 16:1

Man Yehova wacu ni Samwil kumae, Ibiywak pi Saul rokani, kum akwere kud ebed ubimo wi Israeli? pong’ tung peri ku mo, man icidhi: abiori ba Yese ma Jabeth-lehemi; kum anwang’u ira ubimo i kind wote.

1 Samwil 7:10

Man kinde ma Samwil ubethiero lam m’awang’ane, Jufilisti gicoro ceng’ni nikiedo kum Israel; ento Yehova rundo ku rund ma dit i ceng’ maeca wi Jufilisti, man eng’abu cwinygi; e jugoyogi piny i wang’ Israel.