1 Samwil 2:1 - The Holy Bible In Alur (Lur) Revised Orthography

¹ Man Hana rwo, ewacu kumae: Adundena ufoire i Yehova; Judodo tunga i Yehova; Dhoga medre wi judegi para; Kum anyong’a nega i both peri.

1 Samwil 2:1 ပူးပေါင်းရင်းမြစ်များ

2 Lemkei 20:27

Gilund gidwogo, ku ba dhanu ceke mi Yuda ku Yerusalem, man Yehocafat i wang’gi, kara gidok kendo i Yerusalem ku mutoro; kum Yehova ketho anyong’a negogi kum judegi migi.

Nehemia 11:17

man Matania ma wod Mika, ma wod Zabdi, ma wod Asaf, ma en e jadit mi theko foyofoc i rwo, man Bakbukia, ma ng’atu mir arionde i kind utumin mire; man Abda ma wod Camua, ma wod Galal, ma wod Yeduthun.

Kitabu Pa Yob 16:15

Akwoyo usuba wi dendkuma, Man aketho tung para i utur.

Zaburi 118:14

Yehova en e tego para man wer para; Man edoko ni both para.

Zaburi 13:5

Ento ageno mer mi bero peri; Anyong’a binego adundena ni kum both peri.

Zaburi 148:14

Man eting’o tung mi dhanu pare, Pak mi jumaleng’ pare ceke: En e mi nyithindho mir Israel, dhanu ma ni ceng’ni kude. Wupak Yehova.

Zaburi 18:2

Yehova en e cana para, man ot ma tek para, man jabodhna; Munguna, cana para, m’abipondo i bang’e; Ban para, man tung mi both para, man otkur para ma wiu.

Zaburi 20:5

Wabisagu ni kum both peri, Man wabiting’o abera mwa malu i nying’ Mungu mwa: Dong’ Yehova tim penji peri ceke kakare.

Zaburi 21:2

Imio ire yeny ma adundene yenyo, Man ikwero penji mi dendhoge ngo. [Sela.

Zaburi 35:9

Man anyong’a binego ng’eyong’ec para ni kum Yehova: Anyong’a binege ni kum both pare.

Zaburi 51:15

E Rwoth, yab dendhoga; Man dhoga binyutho pak peri.

Zaburi 71:8

Dhoga bipong’ ku pak peri, Man ku yung peri ceng’ du.

Zaburi 75:10

Abithumo tung ceke mi judubo woko bende; Ento tung mi weg bedopwe bitingre malu.

Zaburi 89:17

Kum in i dwong’ mi tego migi; Man jubidodo tung mwa ni kum bero peri.

Zaburi 89:18

Kum ban mwa en e pa Yehova; Man ubimo mwa en e pa Ng’atu Maleng’ mir Israel.

Zaburi 89:24

Ento bedo mandha para ku mer mi bero para bibedo i bang’e; Man tung pare bidodre ni kum nyinga.

Zaburi 9:14

Kara anyuth pak peri ceke, I dhugang’ pa nya Sayuni Anyong’a binega i both peri.

Zaburi 92:10

Ento idodo tung para calu tung kon dhiang’ m’i thim: Juwira ku mo ma nyen.

Ai 15:1

Musa ku nyithindho mir Israel gilund giwero wer maeni ni Yehova, man giyero, giwacu kumae, Abiwero ni Yehova, kum eloyo m’usagu: Riuni ku ng’atu m’i wie ebolo i nam.

Ai 15:21

Man Miriem uloko igi lembe kumae, Wuwer ni Yehova, kum eloyo m’usagu; Riuni ku ng’atu ma ni i wie ebolo i nam.

Habakuk 3:1

Rwo pa Habakuk ma jabila, ni Cigionoth.

Habakuk 3:18

Ento anyong’a binega ni kum Yehova, Mutoro de binega ni kum Mungu mi both para.

Luka 1:69

Man eting’o tung mi both iwa I ot pa jatic pare Daudi

Jurumi 5:11

man kumeni kende ngo, ento anyong’a negowa bende i Mungu ni kum Rwoth mwa Yesu Kristu, ma ni kume wajolo kawono pot ma cwinyjo poto ko.

Poi Mi Cik 33:17

Kayu mi dhok pare, dwong’ en e pare; Man tunge gi tung jobi: Ebicwalu kugi kodhidhanu ceke, cil i tung’ ng’om: Man gin gi rubanga apar pa Efraim, Man gin gi rubanga pa Manase.

Jufilipi 3:3

kum wan wa weg yaa, ma warwo ku Tipo pa Mungu, e walula i Kristu Yesu, man wageno mwa kum ungo:

Jufilipi 4:4

Anyong’a negwu thiri thiri i Rwoth: awacu kendo, Anyong’a negwu.

Jufilipi 4:6

Cwinywu kud uring kum gin moko ki; ento i gin ceke ku rwo man kwayukwac ku foyofoc wuwek penji mu ung’eire ni Mungu.

1 Petro 1:8

ma wumare, ma fodi wukunene ngo; ma kadok wunene ngo kawono, ento ma wuyie, anyong’a negowu dit kud anyong’a ma wecre ngo m’upong’ ku dwong’ de;

Lembanyutha 18:20

Anyong’a negwu i kume, in i polo, ku wun wu jumaleng’, man wu jukwenda, ku wu jubila; kum Mungu poko lembe mu i wie.

1 Samwil 1:6

Man nyeke timo nyeko i kume, kara esendre, kum Yehova twio ie.

1 Samwil 1:7

E kan etimo kumeni ku ba rundi ku ba rundi, kinde m’eidho malu ba ot pa Yehova, etimo nyeko i kume kumeca; ka kumeno eywak, man ecamu ngo.