1 Samwil 19:9 - The Holy Bible In Alur (Lur) Revised Orthography

⁹ Man tipo ma rac m’uai ba Yehova ni wi Saul, kinde m’ebedo i ot pare ku tong’ pare i cinge; e Daudi begoyo adungu ku cinge.

1 Samwil 19:9 ပူးပေါင်းရင်းမြစ်များ

1 Ubimo 22:22

E Yehova wacu ire kumae, Kud ang’o? Man ewacu kumae, Abiwok woko, man abibedo ni tipo mi ndra i dhu jubila pare ceke. Man ewacu kumae, Ibibidhe, man ibisagu bende: cidhi, man itim kumeca.

1 Samwil 16:14

Nwang’u Tipo Yehova ai ku ba Saul, man tipo ma rac m’uai ba Yehova usende.

1 Samwil 16:15

Man jutic pa Saul uwacu ire kumae, Nen kawono, tipo ma rac m’uai ba Mungu besendi.

1 Samwil 16:16

Kawono rwoth mwa ng’ol ni jutic peri, ma gini i weng’i, kara giyeny jabodho ma cu mir adungu: man ebitimbre, kinde ma tipo ma rac m’uai ba Mungu ni i wii, nia ebigoyo ku cinge, man ibibedo ber.

1 Samwil 19:8

Man ali moc kendo: e Daudi cidho woko, man ekiedo ku Jufilisti, e enegogi ku nek ma dit; man giringo i wang’e.

1 Samwil 22:6

Man Saul uwinjo nia junwang’u Daudi, ku dhanu ma ni bang’e: nwang’u Saul ubedo i Gibeya, the yen ma ni i Rama, ku tong’ pare i cinge, man jutic pare ceke gicungo i kume.