1 Samwil 19:2 - The Holy Bible In Alur (Lur) Revised Orthography

² E Yonathan uyero ni Daudi, ewacu kumae, Saul ma vwa yenyo enegi: ka kumeno kawono, akwei, bed ku weng’i i kumi giri kugweno, man ibed i ka m’apana, man ipondi:

1 Samwil 19:2 ပူးပေါင်းရင်းမြစ်များ

Zaburi 16:3

Ni jumaleng’ ma gini i ng’om, Gin gi ju ma ber hai ma anyong’a para ceke ni i bang’gi.

Lembrieko 17:17

Jarimo bedo ku mer i nindo ceke; Man junyolo umego mi can.

Tic Mi Jukwenda 23:16

Ento wod nyamin Paolo winjo nia gikanu adhi, e ebino emondo i ot ma tek eyero ni Paolo.

Tic Mi Jukwenda 9:24

ento rieko migi ng’eire ni Saul. E gikuro dhugang’ dieceng’ ku diewor de kara ginege:

1 Samwil 19:1

Man Saul uyero ni Yonathan ma wode, man ni jutic pare ceke, nia gineg Daudi. Ento Yonathan, ma wod Saul, anyong’a nege dit kum Daudi.

1 Samwil 19:3

man abicidho woko abicungo de i ng’et vwa i thim ka m’ibedo i ie, man wabiweco waku vwa piri; man tek aneno gin moko, abiyero iri.

1 Samwil 20:2

Man ewacu ire kumae, Awene; ibitho ngo: nen, vwa timo gin moko ngo kadok ma dit kadi ma nok de ngo, ma k’eyero ira ngo; man vwa mung’o maeni ira mir ang’o? en e kumeno ngo.

1 Samwil 20:5

Man Daudi wacu ni Yonathan kumae, Nen, urwo dwi bipor, man maku kud akwer bedo kud ubimo dhu cemo: ento wek acidhi, kara apond i podho cil i ceng’ mir adege uthieno.