1 Samwil 18:7 - The Holy Bible In Alur (Lur) Revised Orthography

⁷ E mon giwero wer man ni wadi man ni wadi ka gibegoyo, man giwacu kumae, Saul unego rubanga pare, Man Daudi rubanga apar pare.

1 Samwil 18:7 ပူးပေါင်းရင်းမြစ်များ

2 Samwil 18:3

Ento dhanu wacu kumae, Ibicidho ngo: kum tek waringo, gibipido piwa ngo; kadok tek ng’etwa kucel utho, gibiparu piwa ngo: ento in i rom ku kindwa rubanga apar; ka kumeno kawono e ber ma sagu tek ibedo ayika mi kelo kony iwa ku i adhura.

2 Samwil 23:1

Nie maeni en e lembe ma cen pa Daudi. Daudi ma wod Yese wacu kumae, Man ng’atu ma judode malu wacu kumae, Ng’atu ma juwiro pa Mungu pa Yakobo, Man jawer ma mit mir Israel:

2 Samwil 6:5

E Daudi ku ot mir Israel ceke gituko i wang’ Yehova ku kwond jamb wer ceke ma jutimo ku yen Sipre, man ku nanga, man kud adungu, man kud umbukulumbu, man ku ngara, man ku sasi.

Ai 15:21

Man Miriem uloko igi lembe kumae, Wuwer ni Yehova, kum eloyo m’usagu; Riuni ku ng’atu ma ni i wie ebolo i nam.

1 Samwil 21:11

Man jutic pa Akic giwacu ire kumae, Maeni en e Daudi m’ubimo mi ng’om ungo? giwero pire man ni wadi man ni wadi i miel ungo giwacu kumae, Saul unego pare rubanga, Man Daudi pare rubanga apar ungo?

1 Samwil 21:12

E Daudi kanu lembe maeni i adundene, man lworo nege dit kum Akic m’ubimo mi Gath.

1 Samwil 29:5

Maeni Daudi ngo, ma giwero pire man ni wadi man ni wadi ngo i mieli, giwacu kumae, Saul unego pare rubanga, Man Daudi pare rubanga apari?