1 Samwil 18:30 - The Holy Bible In Alur (Lur) Revised Orthography

³⁰ Judongomawijo mi Jufilisti gilund giwok woko: man etimbre, ku ba wok ma giwok ko woko, nia Daudi timbre gire ku rieko ma sagu jutic ceke pa Saul; kum kumeno nyinge bedo ku pak ma dit.

1 Samwil 18:30 ပူးပေါင်းရင်းမြစ်များ

2 Samwil 11:1

Man etimbre, ka rundi wok kendo, i nindo m’ubimo cidho yo lwiny, nia Daudi oro Yoab, ku jutic pare gikugi, man Israel ceke; man ginyotho nyithindho mir Amon, man gitieko Raba kud ali. Ento Daudi dong’ i Yerusalem.

2 Samwil 7:9

man wabedo karacelo kudi i ka ceke m’icidho i ie, man akabu judegini ceke kud i weng’i; man abidwoki ni nying’ ma dit, calu nying’ ju ma dwong’ ma gini i ng’om.

2 Ubimo 1:13

Man eoro jego kendo mir asikari pier abic mir adege kud asikari pier abic pare. Man jego mir adege mir asikari pier abic uidho malu, man ebino epodho wi conge i wang’ Elia, man epaku dhoge ire, man ewacu ire kumae, E dhanu pa Mungu, akwei, wek kwo para, ku kwo mir asikari pier abic maeni ma jutic peri, ubed ma pire tek i weng’i.

Zaburi 116:15

Tho mi jumaleng’ pare Pire tek i wang’ Yehova.

Zaburi 119:99

Ng’eyothelembe para dit ma sagu mi juponji para ceke; Kum lembatuca peri gi lembapida para,

Lembrieko 12:8

Jubifoyo dhanu calku rieko pare; Ento jubicayu ng’atu ma kit adundene mbe.

Daniel 1:20

Man ku ba lembe ceke mi rieko ku ng’eyothelembe, m’ubimo penjo kogi, enwang’u nia gisagu weg ajoga ku juwodhtho ma ni i ker pare ceke wang’ apar.

Luka 21:15

kum abimio iwu dhok man rieko, ma judegi mu ceke bicopo piemo ngo kadi ajaya de.

Juefeso 5:15

Ka kumeno wubed ku weng’wu maram wuwotho ko, calu ju ma jurieko ngo ngo, endre calu jurieko;

1 Petro 2:4

ma wubino i bang’e, en e kidi ma kwo, ma dhanu kwere andha, ento ku ba Mungu en e ng’atu ma jugoyo wie, ma pire tek de,

1 Petro 2:7

Ka kumeno pire ma tekne en e iwu wu ju m’uyio: ento ni wagi ju m’uyio ngo re kumae, Kidi ma jugomot gikwero, Eni juketho ni wi gui;

1 Samwil 18:29

Man lworo nego Saul m’usagu kum Daudi; e Saul en e jadegi pa Daudi thiri thiri.

1 Samwil 18:5

Man Daudi cidho ka ma tek Saul uore, man etimbre gire ku rieko: man Saul ukethe wi dhanu mir ali, man ebedo ber i wang’ dhanu ceke, man i wang’ jutic pa Saul bende.

1 Samwil 19:8

Man ali moc kendo: e Daudi cidho woko, man ekiedo ku Jufilisti, e enegogi ku nek ma dit; man giringo i wang’e.

1 Samwil 2:30

Ka kumeno Yehova, Mungu mir Israel, uwacu kumae, Awacu andha nia ot peri, ku ot pa wuru, biwotho i wang’a mi nja: ento kawono Yehova wacu kumae, Dong’ ebed bor ira; kum ju m’uyunga abiyungogi, man ju m’ucaya jubikwanugi ni gin moko ngo.

1 Samwil 26:21

Saul ulund uwacu kumae, Adubo: dwogi, woda Daudi; kum abitimi rac kendo ngo kum pi kwo para bedo tek i weng’i tin: nen, atimo calu adhura, e akier apila.

1 Samwil 26:24

Man, nen, calu pi kwo peri bedo tek i wang’a tini, e kumeno dong’ kwo para de pire bed tek i wang’ Yehova, man dong’ ebodha kud i lem ma tek ceke.