1 Samwil 17:51 - The Holy Bible In Alur (Lur) Revised Orthography

⁵¹ Daudi lund uringo, man ecungo wi Jafilistine, man eting’o palamularu pare, man ewodhe kud i ukorone, man enege, ethumo kudo wie de. E kinde ma Jufilisti gineno nia jarukara migi tho, e giringo.

1 Samwil 17:51 ပူးပေါင်းရင်းမြစ်များ

2 Samwil 23:21

E enego Jamisiri, ma ng’atu ma tek: e Jamisirine bedo ku tong’ i cinge; ento eloro piny i bang’e kud uluth, man emayu tong’ kud i cing’ Jamisirine, e enege jeu tong’ pare gire.

2 Samwil 4:7

Nie ka gibino i ot, kan evuto wi kavuto pare i odnindo pare, gigoye, e ginege, man githumo wie woko, man gicidho yo bang’ Araba ku diewor soro.

Ester 7:10

Ka kumeno giliero Haman wi yen m’agura m’eyiko pi Mordekai. E ka kwinyo p’ubimo kwio.

Juebrania 11:34

gikwio wi tego mi mac, giboth ku lak palamularu, giai i ng’ic gidoko tek, gidoko jukero i ali, giriemo njuru asikari ma juwirok.

Juebrania 2:14

Kum nwang’u nyithindho gr jurib ring’o ku rimo, en gire bende egamu maeno nino kumeca; kara ni kum tho ethir ng’atu ma jatego mi tho, ma en e wonabali;

1 Samwil 17:50

Kum kumeno Daudi voyo Jafilistine ku jungbe man ku kidi, man egoyo Jafilistine, e enege; ento palamularu mbe i cing’ Daudi.

1 Samwil 21:10

E Daudi ai malu, man eringo i ceng’ maeca ni lworo pa Saul, man ecidho ba Akic m’ubimo mi Gath.

1 Samwil 21:9

Man jalam uwacu kumae, Palamularu pa Goliath ma Jafilisti, m’inego i poga mi Ela e ma nuti, nen, ebedo aboya ku bongu keni i ng’ei ugoke: tek ibigamu maeno, game; kum mange mbe ndhu maeno e ma ni keni. Man Daudi wacu kumae, Moko mbe ma calu maeno, mie ira.

1 Samwil 31:9

Man githumo wie woko, man giwodho jambali pare, e giore i ng’om mi Jufilisti gbur kara urwei lembe i udi mi mungu migi m’araga, man ba dhanu.