1 Samwil 17:47 - The Holy Bible In Alur (Lur) Revised Orthography

⁴⁷ man kara cokri maeni ceke ging’ei nia Yehova bodho ku palamularu man ku tong’ ungo: kum lwiny en e pa Yehova, man ebimiowu i cingwa.

1 Samwil 17:47 ပူးပေါင်းရင်းမြစ်များ

2 Ubimo 5:15

E edwogo ba dhanu pa Mungu, en kud udul pare ceke, e ebino, man ecungo i wang’e; ewacu de kumae, Nen, kawono ang’eyo nia Mungu moko mbe i ng’om ceke, ndhu i kind Israel: ka kumeno kawono, akwei, gam giramia ba jatic peri.

2 Lemkei 14:11

E Asa lwong’o Yehova, Mungu pare, man ewacu kumae, Yehova, ng’atu moko mbe ma konyo calu in, i kind ng’atu ma tek ku ng’atu ma tego mbe kude: konywa, E Yehova Mungu mwa; kum wageno in, man wabino kum udul maeni i nyingi. E Yehova, in i Mungu mwa; kud iyi dhanu segi.

Zaburi 46:11

Yehova mir udul ni kudwa; Mungu pa Yakobo en e kapondo mwa. [Sela.

Isaya 9:7

Kajik mi nyai mi bim pare man mi kwiocwiny bibedo mbe, wi komker pa Daudi, man wi ker pare, kara uketh ecungi, man kara ujenge ku pokolembe man ku bedopwe ugambre kawono cil nja. Ngiri pa Yehova mir udul bitimo maeni.

Hoseya 1:7

Ento kisa binega kum ot pa Yuda, man abibodhogi ni kum Yehova Mungu migi man abibodhogi ngo ni kum atum, kadi ni kum palamularu, kadi ni kum lwiny, ni kum riuni, kadi ni kum weg riuni.

Zekaria 4:6

Elund eloko lembe ewacu ira, ewacu kumae, Maeni lembe pa Yehova ni Zerubabel, kumae, Ku kero ngo, kadi ku tego de ngo, ento ku Tipona, Yehova mir udul uwacu.

Jurumi 8:31

Wabilund yero ang’o kum gin maeni? Tek Mungu en e jabang’wa, ng’a ke ma goyo kore i kumwa?

Jurumi 8:37

Ento, i gin maeni ceke wasagu weg avoci ni kum ng’ atu m’umaruwa.

Yocuwa 10:8

E Yehova wacu ni Yocuwa kumae, Kud ilworgi: kum amiogi i cingi: ng’atu moko mbe m’i kindgi ma bicungo i weng’i.

1 Samwil 14:6

Man Yonathan uwacu ni jalawobi ma yeyo jambali pare kumae, Bin, man wek waci lokaca ba ot ma tek mi ju ma jutimo yaa ngo i kumgi: kuno nyo Yehova bitimo iwa; kum gin moko mbe ma cero Yehova kubodho ku dhanu dupa kadi ku ma nok.

1 Samwil 18:17

E Saul uwacu ni Daudi kumae, Nen, nyara ma jadit ma Merab, abimie iri ni dhaku: endre ibed jakero ira, man ikied lwiny pa Yehova. Kum Saul uwacu kumae, Cinga kud ubed i wie, ento wek cing’ Jufilisti ubed i wie.