1 Samwil 17:34 - The Holy Bible In Alur (Lur) Revised Orthography

³⁴ E Daudi wacu ni Saul kumae, Jatic peri bekwayu rombe pa won; man kan umvor, kadi undiek ubino, man emaku nyathi rombo ku kind udul rombe,

1 Samwil 17:34 ပူးပေါင်းရင်းမြစ်များ

Thangambere 31:39

Maeno ma yedi yeco akelo i beng’i ngo; aculo wang’e an; ilwong’e i cinga, tek jukwale ku dieceng’ kadi jukwale ku diewor.

2 Samwil 17:8

Hucai wacu mange kumae, Ing’eyo wuru ku dhanu pare, nia gi dhanu ma tek, man ali ni i pidoigi, calu wai ma jukwalu nyithindhe i thim; man wuru en e dhanu mir ali, e ebigonjo ku dhanu ngo.

2 Samwil 23:20

Man Benaya ma wod Yehoiada, ma wod ng’atu ma jakero mi Kabzel, m’etimo tic ma wang’u ijo, enego wot Ariel ario ma Moab; eloro piny bende enego umvor de i vur i nindo mi pei.

I Lemkei 11:22

Benaya ma wod Yehoiada, ma wod dhanu ma jakero ma Kabzel, m’utimo tic ma tek, enego wot ario pa Ariel ma Moab: eloro piny bende man enego umvor i die vur i nindo mi pei.

Zaburi 143:5

Apoi kum ceng’ ma con; Ia pido kum giratima peri ceke; Ia pido kum tic m’i cingi.

Ezekiel 34:12

Calu jakwac yenyo udul rombe pare i ceng’ m’eni i kind rombe pare m’ulal mba mba, abiyenyo rombe para kumeca; man abibodhogi kud i ka ceke ma gilal i ie i ceng’ mir afuru ma col de.

Amos 3:12

Yehova wacu kumae: Calu jakwac bodho tiend lim ario kud i dhu umvor, kadi ng’et ith, e nyithindho mir Israel biboth kumeca m’ubedo i Samaria i gui mi kavuto, man i Dameski i kabedo.

Zekaria 11:16

Kum, nen, abiting’o jakwac i ng’om, m’ebiliewo ju m’uthumbri woko ngo, kadok ayenya de abiyenyo maeno ma julalugi ngo, kadi ebicangu maeno m’utur de ngo, kadi ebikwayu maeno m’ubedo bo de ngo; ento ebicamu ring rombo m’ucwe, man ebiyeco kind tiendgi tung’ tung’.

Zekaria 9:7

Man abikabu rimo pare kud i dhoge, man ginmajudagu pare i kind lake: man ebibedo ni dong’ dhanu pi Mungu mwa; man ebibedo calu jabim i Yuda, man Ekron calu Jayebusi.

Luka 2:8

I ng’ombuno jukwac nuti, ma gibedo i thim, man gibekuro udul rombe migi ku diewor.

Yohana 10:11

An a jakwac ma ber: jakwac ma ber mio kwo pare pi rombe.

Jurumi 5:4

man twiocwiny nyayu girafoya; man girafoya nyayu genogen:

Juebrania 11:33

ma ni kum yioyic ginyono ker mir ubimo, gitimo bedopwe, ginwang’u lembang’ola, gimio dhu umvor,

Lembanyutha 13:2

Man yedine m’aneno ayine pamir ayi ng’u, man tiende pa tiend wai, dhoge ke pami dhu umvor: man ng’ec umio tego pare ire, ku komker pare, ku ng’ol ma dit.

Jupoklembe 14:6

Man Tipo Yehova bino i wie ku tego man eyece calu ecopo yeco nyathi diel; man ebedo ku gin moko ngo i cinge: man eyero ngo ni won kadi min pi gin m’etimo.

1 Samwil 17:15

Nwang’u Daudine ebedeai ku ba Saul kara ecidh ekwai rombe pa won i Beth-lehem.

1 Samwil 17:33

E Saul uwacu ni Daudi kumae, Icopo cidho ba Jafilisti maeni ngo ma nia wukied kude; kum fodi in aradu, man en e dhanu mir ali ugambre i aradu pare.

1 Samwil 17:35

alubo toke, e agoye, man abodhe kud i dhoge; e kan ejai ira, amake ku tike, man agoye, anege de.