1 Samwil 17:32 - The Holy Bible In Alur (Lur) Revised Orthography

³² Man Daudi wacu ni Saul kumae, Kud iyi adunde ng’atu moko miel kum ng’atuno; jatic peri bicidho bikiedo ku Jafilisti maeni.

1 Samwil 17:32 ပူးပေါင်းရင်းမြစ်များ

Zaburi 3:6

Lworo binega ngo kum dhanu rubanga apar Ma gikethri gigi i kuma gbur.

Isaya 35:4

Wuwac ni ju ma lworo nego adundegi kumae, Wubed tek, lworo kud unegwu: nen, Mungu mu bibino ku culokwor, ku culo wang’ lembe pa Mungu; ebibino man ebilaruwu.

Isaya 7:4

man iwac ire kumae, Bed ku weng’i, man ibed yo; lworo kud unegi, kadok cwinyi de kud uvoci, kum yib ario maeni mi dhumac ma dunyo yiro, kum ng’ecwiny ma lake tek pa Rezin man Cami, man pa wod Remalia.

Kitabu Mir Ang’wende Pa Musa Wel 13:30

E Kaleb ujuko dhanu gi ling’ i wang’ Musa, man ewacu kumae, Wek waidhu kawono, man wagame iwa: kum wacopo sage andha.

Kitabu Mir Ang’wende Pa Musa Wel 14:9

Ento kud wujai ni Yehova, kadok dhanu m’i ng’ombe de kud wulworgi; kum gi kwen iwa: man tipo migi kabre woko kud i wigi, man Yehova ni karacelo kudwa: kud wulworgi.

Juebrania 12:12

Kum kumeno ting’ cing’ m’uoi jeble, ku cong m’utho nding’;

Yocuwa 14:12

Ka kumeno kawono mi ira ng’om gudi maeni, ma Yehova yero pire i ceng’ maeca; kum iwinjo i ceng’ maeca maram Juanaki gini kuca, kud adhura ma dit ma tek de: kuno nyo Yehova bibedo karacelo kuda, man abiriemogi woko, calu Yehova yero.

1 Samwil 14:6

Man Yonathan uwacu ni jalawobi ma yeyo jambali pare kumae, Bin, man wek waci lokaca ba ot ma tek mi ju ma jutimo yaa ngo i kumgi: kuno nyo Yehova bitimo iwa; kum gin moko mbe ma cero Yehova kubodho ku dhanu dupa kadi ku ma nok.

1 Samwil 16:18

Ng’atu acel ma kind awobi ulund uloko lembe, man ewacu kumae, Nen, aneno wod Yese acel ma Jabeth-lehemi, ma en e jabodho mi goyo adungu, man en e ng’atu ma tek ma ratego, man en e dhanu mir ali, ma riek kum yero lembe de, man en e ng’atu ma ber; Yehova de ni kude.

1 Samwil 17:31

Man ka juwinjo lembe maeni ma Daudi yero, juyerogi i wang’ Saul; man eoro julwong’e.