1 Samwil 17:26 - The Holy Bible In Alur (Lur) Revised Orthography

²⁶ E Daudi yero ni dhanu m’ucungo i vute, ewacu kumae, Jubitimo ang’o ni ng’atu m’unego Jafilisti maeni, man ekabu cac woko ku wi Israeli? kum Jafilisti maeni ma jutimo yaa ngo i kume en e ng’a, ma nia ecayu njuru asikari pa Mungu ma kwo e?

1 Samwil 17:26 ပူးပေါင်းရင်းမြစ်များ

2 Ubimo 19:4

Kuno nyo Yehova Mungu peri biwinjo lembe ceke pa Rabcake, m’ubimo mir Ascur ma jadit pare oro kara ecai Mungu ma kwo, man ebijuko lembe ma Yehova Mungu peri winjo: kum kumeno ting’ rwo peri malu pi dong’ dhanu m’udong’.

2 Lemkei 32:17

Egoro waraga bende, m’ecayu ko Yehova, Mungu mir Israel, man kara eyer pire rac, ewacu kumae, Calu mungu mi thek m’i ng’om, ma gibodho dhanu migi ngo kud i cinga, e kumeno Mungu pa Hezekia de bibodho dhanu pare ngo kud i cinga.

Nehemia 5:9

Awacu bende kumae, Gin ma wutimo e ber ungo: maku wuwoth ku lworo Mungu mwa ngo, ni kum cac mi thek ma jukwojwa?

Zaburi 44:13

Idwokowa ni cac ni judhugola mwa. Cac ku ng’iero ni ju m’utiekowa gbur.

Zaburi 74:18

Poi kum maeni, nia jadegi cayu cac, E Yehova, Man nia dhanu ma kitgi mbe gicido nyingi.

Zaburi 79:12

Man icul kum judhugola mwa wang’ abiro i korgi Cac migi, ma gicei ko, E Rwoth.

Isaya 37:23

Icayu man icido ng’a? man iting’o dwendi ing’ayu weng’i de malu kum ng’a? en e kum Ng’atu Maleng’ mir Israel.

Yeremia 10:10

Ento Yehova en e Mungu mandha; en e Mungu ma kwo, man Ubimo mi nja: ng’om yengre ni kwinyo pare, man thek copo ciro ng’ecwiny pare ngo.

Yeremia 9:25

Nen, ceng’ ubino, Yehova wacu, nia abisendo dhanu ceke ma weg yaa kum yaa migi m’umbe:

Yeremia 9:26

Misiri, man Yuda, kud Edom, man nyithindho mir Amon, ku Moab, ku dhanu ceke ma julielo dhu yukwigi, m’ubedo i langa; kum thek ceke bedo umbe yaa, man ot ceke mir Israel ubedo mbe yaa yor i adundegi.

Ezekiel 28:10

Ibitho tho mi ju ma yaa mbe i kumgi ku cing’ juwirok: kum ayero maeni, Rwoth Yehova wacu.

Daniel 5:23

ento itingri giri kum Rwoth m’i polo; man gikelo agulu mi ot pare i weng’i, man in ku judongo peri, ku mon peri, man mon peri m’araga, gimadhu pigulok kud i igi; man ipaku mungu mi mola ma tar ku mola ma kwar, man mi mola, mi nyunyu, mi yen, man mi kidi, ma neno piny ungo, ma winjo de ngo, ma ng’eyo de ngo: man Mungu ma yuyo peri ni i cinge, man yo peri ceke pare, iyunge ngo.

Daniel 6:27

Ewodho man ebodho, man etimo giranyutha ku musana i polo man i ng’om m’ebodho Daniel ni tego mir umvor.

Daniel 9:16

E Rwoth, calku bedopwe peri ceke, akwei, dong’ iwek ng’ecwiny peri ku kwinyo peri lokre woko ku kum adhura peri Yerusalem, got peri ma leng’; kum ni kum dubo mwa, man ni kum dubo pa wegwa, Yerusalem ku dhanu peri gidoko ni cac ni dhanu ceke m’utiekowa gbur.

Yoel 2:19

E Yehova loko lembe man ewacu ni dhanu pare kumae, Nen, abioro cam i beng’wu, man pigulok ma nyen, ku mo, e cwinywu bikwio kudo; man abidwokowu ni cac kendo ngo kind thek;

Poi Mi Cik 5:26

Kum ng’a mi kind jo ceke ma weg kum, m’uwinjo dwand Mungu ma kwo m’ubeweco kud i die mac, calu wan wawinjo, man gibedo kwo?

1 Jutesaloniki 1:9

Kum joni giyero piwa gigi pi mondo mwa m’i beng’wu maram ebedo ko; man ke maram wulokru ko ni Mungu ku kum ayi gin m’acwia, kara wutim ni Mungu ma kwo mandha de,

Yocuwa 3:10

Man Yocuwa wacu kumae, Wubing’eyo nia Mungu ma kwo ni i kindwu ni kum maeni, man nia ebiweko riemo Jakanani, man Jahiti, ku Japerizi, man Jagirgaci, ku Jaamori, man Jayebusi woko kud i weng’wu ngo.

1 Yohana 5:20

Wang’eyo de nia Wod Mungu bino, emio iwa ng’eyong’ec de, kara wang’ei ng’atu ma en e mandha, wabedo de i ng’atu ma en e mandha, ndhu i Wode Yesu Kristu. Maeni Mungu mandha, ku kwo ma rondo ku rondo.

1 Samwil 11:2

Man Nahac ma Jaamoni uwacu igi kumae, Wabiribo lembe kudu ni kum lembe maeni, nia juwodh nying’ weng’wu ceke ma yor acwic woko; man abikethe ni cac wi Israel ceke.

1 Samwil 14:6

Man Yonathan uwacu ni jalawobi ma yeyo jambali pare kumae, Bin, man wek waci lokaca ba ot ma tek mi ju ma jutimo yaa ngo i kumgi: kuno nyo Yehova bitimo iwa; kum gin moko mbe ma cero Yehova kubodho ku dhanu dupa kadi ku ma nok.

1 Samwil 17:10

Man Jafilisti wacu kumae, Ahero njuru asikari mir Israel i ceng’ maeni; wuwodh ng’atu acel, kara wakied wakude.

1 Samwil 17:30

Man eai woko kud i bang’e man elokre yo ba ng’atu mange, man eweco ceke acel: man dhanu giloko ire lembe kendo calu ma kwong’a.

1 Samwil 17:36

Jatic peri goyo umvor kud undiek de: man Jafilisti maeni ma jutimo yaa ngo i kume ebibedo calu kindgi acel, kum ecayu njuru asikari pa Mungu ma kwo.

1 Samwil 31:4

E Saul ulund uwacu ni jayei jambali pare kumae, Wodh palamularu peri, man idhuya kudo, kara ju maeni ma yaa mbe i kumgi ku gibin gidhuya man gisenda. Ento jayei jambali pare yio ngo; kum lworo nege dit. Ka kumeno Saul ugamu palamularu pare, man epodho i wie.