1 Samwil 17:25 - The Holy Bible In Alur (Lur) Revised Orthography

²⁵ E dhanu mir Israel giwacu kumae, Wuneno ng’atu maeni m’uwodhre? ewodhre kara ecai Israel andha: man ebibedo, nia ng’atu m’unege, ubimo bilonye ku lonyo ma dit, man ebimio ire nyare, man ebiketho ot pa won ubed agonya i kind Israel.

1 Samwil 17:25 ပူးပေါင်းရင်းမြစ်များ

Yocuwa 15:16

E Kaleb uwacu kumae, Ng’atu m’ugoyo Kiriath-sefer, man emake, abimio Aksa ma nyara ire ni dhaku.

Lembanyutha 3:12

Ng’atu m’uloyo, abikethe ni mbegi i hekalu pa Mungu para, man ebiwok woko ku keca kendo ngo: man abigoro nying’ Mungu para i wie, man nying adhura pa Mungu para, ma Yerusalem ma nyen, m’uai i polo ba Mungu para loro piny, ku nyinga ma nyen an gira.

Lembanyutha 2:7

Ng’atu ma ithe nuti, dong’ ewinj lembe ma Tipo yero ni kanisa. Ni ng’atu m’uloyo, abimie ecam kum yen mi kwo, ma ni i Paradis pa Mungu.

Lembanyutha 3:21

Ng’atu m’uloyo, abimie ejany kuda i komker para, calu an bende aloyo, man ajany waku Vwa i komker pare.

Lembanyutha 3:5

Ng’atu m’uloyo bironyo kendi ma tar kumeni; man abiruco nyinge woko kud i kitabu mi kwo ki ngo, man abituco nyinge i wang’ Vwa, kud i wang’ malaika pare.

Lembanyutha 2:17

Ng’atu ma ithe nuti, dong’ ewinj gin ma Tipo yero ni kanisa. Ni ng’atu m’uloyo, abimio ire kum mana m’akana, man abimio ire kidi ma tar, man wi kidine nying’ ma nyen m’ukieure, ma ng’atu moko mbe m’ung’eye ndhu ng’atu m’ujole.

Matayo 17:26

Kan ewacu ire kumae, Bang’ umondo, Yesu wacu ire kumae, Ka kumeno wot gibedo agonya.

Ezra 7:24

Man wapoyowu bende, nia pi julam moko ku Julawi, ku juwer, man jukur dhugola, ku Junethini, kadi jutic mi ot maeni pa Mungu, cik uyio ngo ya juketh ajok, kadi jamng’om, kadi piny de, i wigi.

1 Samwil 17:24

E dhanu mir Israel ceke, ka gineno ng’atuno, giringe, man lworo negogi dit.

1 Samwil 17:27

E dhanu giloko lembe ire calu maeni, giwacu kumae, Jubitimo kumeni ni ng’atu m’unege.