1 Samwil 17:12 - The Holy Bible In Alur (Lur) Revised Orthography
12 Nwang’u Daudi en c wod Jaefrathi maeno ma Beth-lehem-yuda, ma nyinge Yese; man wote abora: man ng’atuno ti i nindo pa Saul, ma rundi pare doko dupa i kind dhanu.
Nie maeni en e lembe ma cen pa Daudi. Daudi ma wod Yese wacu kumae, Man ng’atu ma judode malu wacu kumae, Ng’atu ma juwiro pa Mungu pa Yakobo, Man jawer ma mit mir Israel:
Ento in, Beth-lehem Efratha, m’i nok m’ibedo kind rubanga mi Yuda, ng’atu moko biwok i bang’a kud ii ma bibedo jabim i Israel; ma wokwoko pare gambre con, ugambre mi nja.
Man nying’ ng’atuni Elimelek, man nying’ dhaku pare de Naomi, man nying’ wote ario ke Malon ku Kilion, gi Juefrathi m’i Beth-lehem-yuda. Man giwok i ng’om Moab, e gibedo keca.
Nwang’u ng’atu moko nuti m’i Ramathaim-zofim, m’i ng’om gudi pa Efraim, man nyinge Elkana, ma wod Yeroham, ma wod Elihu, ma wod Tohu, ma wod Zuf, ma Jaefraimi:
Man Yehova wacu ni Samwil kumae, Ibiywak pi Saul rokani, kum akwere kud ebed ubimo wi Israeli? pong’ tung peri ku mo, man icidhi: abiori ba Yese ma Jabeth-lehemi; kum anwang’u ira ubimo i kind wote.
Ng’atu acel ma kind awobi ulund uloko lembe, man ewacu kumae, Nen, aneno wod Yese acel ma Jabeth-lehemi, ma en e jabodho mi goyo adungu, man en e ng’atu ma tek ma ratego, man en e dhanu mir ali, ma riek kum yero lembe de, man en e ng’atu ma ber; Yehova de ni kude.