1 Samwil 16:7 - The Holy Bible In Alur (Lur) Revised Orthography

⁷ Ento Yehova wacu ni Samwil kumae, Kud inen wang’e, kadi kadongone; kum akwere: kum Yehova neno calu dhanu neno ngo; kum dhanu neno ayi ma yo woko, ento Yehova neno yo i adunde.

1 Samwil 16:7 ပူးပေါင်းရင်းမြစ်များ

Thangambere 4:5

ento efoyo Kain ungo ku girathiera pare. E ng’ecwiny unego Kain dit, man emino wang’e.

2 Samwil 14:25

Nwang’u ng’atu moko mbe i Israel ceke ma jupake hai kum leng’ne ma calu Absalom: ugambre kum tiende cik i wie abala moko mbe i kume.

2 Samwil 7:20

Man Daudi copo wacu ang’o kendo i beng’i? kum ing’eyo jatic peri, E Rwoth Yehova.

1 Ubimo 8:39

ilund iwinj kud i polo ma kabedo peri, man iwek lembene woko, man itim, imi ni dhanu de kubang’gi kubang’gi ng’atuman calku yo pare, m’ing’eyo adundene; (kum in, in i kendi, ing’eyo adunde mi nyithi dhanu ceke;)

I Lemkei 17:18

Ang’o mange ma fodi Daudi copo wacu iri pi yung m’itimo ni jatic peri? kum ing’eyo jatic peri.

I Lemkei 28:9

Man in, Suleman ma woda, dong’ ing’ei Mungu pa wuru, man itim ire kud adundeni ma cu man ku pidoic ma yot; kum Yehova yenyo i adunde ceke, man eng’eyo porolembe ceke mi pidoic. Tek iyenye, ebinwangre iri; ento tek iweke, ebibei woko mi nja.

2 Lemkei 16:9

Kum wang’ Yehova ringo kun ku kun i ng’om ngung’ ma mba mba, kara enyuthre gire tek ni ju ma adundegi bedo ndhu cu yor i bang’e. I maeni itimo kasegu; kum ugambre kawono ibibedo kud ali.

2 Lemkei 6:30

dong’ ilund iwinj kud i polo ma kabedo peri, man iwek lembene woko, man imi ni dhanu kubang’gi kubang’gi ng’atuman calku woth pare ceke, m’ing’eyo adundene (kum in, in i kendi, ing’eyo adunde mi nyithi dhanu);

Kitabu Pa Yob 10:4

Ibedo ku weng’i mi ring’kumi? Kadi ineno calu dhanu neno?

Kitabu Pa Yob 35:5

Wunen yor i polo, man wung’i; Man wunen afuru, ma ni malu ma sagu in.

Zaburi 139:2

Ing’eyo bedopiny para ku aimalu para; Man ing’eyo pidoic para ku bor.

Zaburi 7:9

A wek dubo mi judubo thum, ento keth ju ma pwe cungi: Kum Mungu ma pwe mulo pidoic kud adunde.

Lembrieko 15:11

Liel ku Nyoth ni i wang’ Yehova; E kan adunde mi nyithindho mi dhanu ke bibedo i wang’e kani!

Lembrieko 16:2

Yo ceke mi dhanu leng’ i wang’e gire; Ento Yehova poro tipo ku mukero.

Lembrieko 24:12

Tek iwacu kumae, Nen, wang’eyo maeni ngo; Ng’atu m’uporo adunde ng’eyo maeni ngo? Man ng’atu m’ugwoko ng’eyong ec peri, ng’eyo maeni ngo? Man ebiculo ni dhanu kubang’gi kubang’gi ngo ng’atuman calku tic pare?

Lembrieko 31:30

Bero en e awondi, man leng’wang’ kulokane mbe; Ento dhaku ma lworo Yehova, jubipake.

Yeremia 11:20

Ento, E Yehova mir udul, m’ipoko lembe pwe, m’iponjo adunde ku pidoic, abineno culokwor peri i kumgi; kum anyutho iri lembe para.

Yeremia 17:10

An, an a Yehova, ayenyo pidoic, aponjo adunde, kara ami ni dhanu kubang’gi kubang’gi ng’atuman calku yo pare, calku nying’ mi giratima pare.

Yeremia 20:12

Ento, E Yehova mir udul, m’iponjo ju ma pwe, m’ineno adunde ku pidoic, wek anen culokwor peri i kumgi; kum anyutho lembe para iri,

Luka 16:15

Ewacu igi kumae, Wun wu ju ma wugonyo lembe m’i wiwu giwu i wang’ dhanu; ento Mungu ng’eyo adundewu: kum gin m’utingre ku ba dhanu en e gin mir adegi kud i wang’ Mungu.

Yohana 7:24

Kud wupok lembe calu m’anena, endre wupok lembapoka ma pwe.

Yohana 8:15

Wupoko lembe calku kum; an apoko lembe kum ng’atu moko ngo.

Tic Mi Jukwenda 1:24

E girwo, giwacu kumae, In, i Rwoth, m’ung’eyo adunde dhanu yu, nyuth ng’atu m’ifoyo ku kind juario maeni,

2 Jukorinto 10:10

Kum, giwacu kumae, Waraga pare gi pek gi tek de; ento ku kume e ng’ic, wec pare de en e mananu.

2 Jukorinto 10:7

Wuneno gin ma ni i weng’wu. Tek ng’atu moko begendre gire ya en e pa Kristu, dong’ ie pid maeni kendo gire, nia, cil calu en e pa Kristu, wan bende wabedo kumeno.

Juebrania 4:13

Man giracwia pa Mungu mbe ma kunyuthre ngo i wang’e: endre gin ceke gi muneru man gibedo ayaba ngbeng’ i wang’ ng’atu ma wabedo ku lembe wakugi.

1 Petro 2:4

ma wubino i bang’e, en e kidi ma kwo, ma dhanu kwere andha, ento ku ba Mungu en e ng’atu ma jugoyo wie, ma pire tek de,

1 Petro 3:4

endre dong’ ebed ng’atu m’ukandre mir adunde, i kendi ma nyothre ngo mi cwiny ma mol ku ma yo de, ma wel pinje dit i wang’ Mungu.

Lembanyutha 2:23

Man abinego nyithindho pare ku tho; man kanisa ceke gibing’eyo nia an a ng’atu ma sayu i ic kud adunde: man abimio iwu kubeng’wu kubeng’wu calku tic mu.

1 Samwil 2:3

Kud wuwec ku kuhaya m’apila kumeno kendo; Kud wuwek tingri wok woko kud i dhogwu; Kum Yehova en e Mungu mi ng’eyong’ec, Man tic pore ni kume.

1 Samwil 9:2

Man wode nuti, ma nyinge Saul, e jalawobi man en e ng’atu ma ber: man ng’atu moko mbe i kind nyithindho mir Israel ma ber ma sage: ugambre wi goke ku malu de e sagu dhanu ceke ku dongone.