1 Samwil 16:4 - The Holy Bible In Alur (Lur) Revised Orthography

⁴ E Samwil utimo gin maeno ma Yehova yero, man ebino Beth-lehem. Man judongo mir adhurane gibino rombo kude ma kumgi bemiel, man giwacu kumae: Ibino ku kwiocwinyi?

1 Samwil 16:4 ပူးပေါင်းရင်းမြစ်များ

Thangambere 35:19

E Rahel utho, man juyike i yo ma tundo Efrath (ma en e Beth-lehem).

Thangambere 48:7

Man an, kinde m’aai Padan, Rahel utho i vuta i ng’om Kanan i yo, ma fodi woth ulwar i wang’wa ma jutundo ko Efrath: man ayike keca i yo ma jutundo ko Efrath (ma en e Beth-lehem).

2 Samwil 6:9

E lworo nego Daudi kum Yehova i ceng’ maeca; man ewacu kumae, Sanduk pa Yehova bitundo i bang’a nenedi?

1 Ubimo 17:18

Man ewacu ni Elia kumae, Wabedo ku lembang’o wakudi, E in m’i dhanu pa Mungu? ibino i bang’a kara jupoi kum dubo para, man kara ineg woda!

1 Ubimo 2:13

Adonija ma wod Hagith ulund ubino ba Bath-ceba ma min Suleman. Man ewacu kumae, Ibino ku kwiocwinyi? E ewacu kumae, Ku kwiocwiny.

2 Ubimo 9:22

Man etimbre kinde ma Yoram uneno Yehu, nia ewacu kumae, En e kwiocwiny Yehu? E eloko lembe kumae, Kwiocwiny ma nedi, ma nwang’u tarwang’ pa meru ma Yezebel kud ajoga pare gi dupa kumeni ngi e?

Hoseya 11:10

Gibiwotho tok Yehova, ma birundo calu umvor; kum ebirundo, e nyithindho bibino ku yo reto ma kumgi miel.

Hoseya 6:5

Ka kumeno atong’ogi ku jubila; anegogi ku lembe m’i dhoga: e lembapoka peri en e calu der ma wpk woko.

Luka 2:4

Yusuf bende idho malu m’eai i Galilaya, kud i adhura Nazareti, i Yahudi, ecidho bang’ adhura pa Daudi, ma julwong’o Beth-lehem, kum en e mi ot man wat pa Daudi;

Luka 5:8

Ento ka Simon Petro neno, epodho the cong Yesu, ewacu kumae, Koiweka, e Rwoth; kum an a jadubo.

Luka 8:37

E dhanu ceke m’i ng’et ng’om Jugadareni gipenje ya eai woko kud i bang’gi; kum lworo benegogi dit: e emondo i yei, edok.

1 Samwil 21:1

Daudi lund ubino i Nob bang’ Ahimelek ma jalam: man Ahimelek ubino kara eng’ol Daudi ma kume bemiel, man ewacu ire kumae, Nedi ibino i kendi, man ng’atu moko mbe karacelo kudi?