1 Samwil 16:18 - The Holy Bible In Alur (Lur) Revised Orthography

¹⁸ Ng’atu acel ma kind awobi ulund uloko lembe, man ewacu kumae, Nen, aneno wod Yese acel ma Jabeth-lehemi, ma en e jabodho mi goyo adungu, man en e ng’atu ma tek ma ratego, man en e dhanu mir ali, ma riek kum yero lembe de, man en e ng’atu ma ber; Yehova de ni kude.

1 Samwil 16:18 ပူးပေါင်းရင်းမြစ်များ

Thangambere 39:2

E Yehova ni karacelo ku Yusuf; en e ng’atu ma won mierolembe; man eni i ot pa jadit pare ma Jamisiri.

Thangambere 39:23

Jakur otkol uneno ba gin moko ki ngo ma ni the cinge, kum Yehova ni kude; man gin m’etimo, Yehova ketho ebedo miero.

2 Samwil 14:20

jatic peri ma Yoab utimo lembe maeni kara ulok ayi lembene: e rwoth para e riek, calku rieko pa malaika pa Mungu, mi ng’eyo gin ceke ma ni i ng’om.

2 Samwil 17:10

Man cil ng’atu ma en e jarukara, ma adundene calu adunde umvor, ndiri bing’oi i ie ceke; kum Israel ceke ng’eyo nia wuru en e ng’atu ma tek, man ju ma gini kude gi dhanu ma jurukara.

2 Samwil 17:8

Hucai wacu mange kumae, Ing’eyo wuru ku dhanu pare, nia gi dhanu ma tek, man ali ni i pidoigi, calu wai ma jukwalu nyithindhe i thim; man wuru en e dhanu mir ali, e ebigonjo ku dhanu ngo.

Lembrieko 12:8

Jubifoyo dhanu calku rieko pare; Ento jubicayu ng’atu ma kit adundene mbe.

Matayo 1:23

Nen, nyaku ma sumba ma ng’won bibedo ku ic, man ebinyolo nyathin ma nico, Man gibilwong’o nyinge Imanuel; thelembene, ka juloke, Mungu wakugi.

Matayo 28:20

wuponjgi ya giwor gin ceke m’ang’olo iwu: man nen, wanuti wakudu thiri thiri, cil i kajik mi ng’om.

1 Samwil 10:7

Man wek ebed, kinde ma giranyutha maeni bibino i beng’i, nia itim calu cingi binwang’u; kum Mungu ni karacelo kudi.

1 Samwil 16:12

Man eoro kwenda jugame, jukele juroye. Nwang’u enne e landu, man ayine ber hai, man e ber mir anena. Man Yehova wacu kumae, Ai malu, wire; kum en e en.

1 Samwil 16:17

Man Saul uwacu ni jutic pare kumae, Kawono wunwang’ ira ng’atu m’ung’ei goyo ber, man wukele i bang’a.

1 Samwil 16:19

Kum kumeno Saul uoro jukwenda ba Yese, man ewacu kumae, Or Daudi ma wodi, ma bedo ku rombe, i bang’a.

1 Samwil 17:12

Nwang’u Daudi en c wod Jaefrathi maeno ma Beth-lehem-yuda, ma nyinge Yese; man wote abora: man ng’atuno ti i nindo pa Saul, ma rundi pare doko dupa i kind dhanu.

1 Samwil 3:19

E Samwil udongo, man Yehova ni kude, e eweko lem pare moko ngo upodh i ng’om.