1 Samwil 16:16 - The Holy Bible In Alur (Lur) Revised Orthography

¹⁶ Kawono rwoth mwa ng’ol ni jutic peri, ma gini i weng’i, kara giyeny jabodho ma cu mir adungu: man ebitimbre, kinde ma tipo ma rac m’uai ba Mungu ni i wii, nia ebigoyo ku cinge, man ibibedo ber.

1 Samwil 16:16 ပူးပေါင်းရင်းမြစ်များ

Thangambere 41:46

Man Yusuf rundi pare pier adek kinde m’ecungo i wang’ Farao m’ubimo mi Misiri. E Yusuf uai woko kud i vut Farao, man ecidho i ng’om ceke mi Misiri mba mba.

1 Ubimo 10:8

Dhanu peri gi weg mutoro, jutic peri maeni gi weg mutoro, m’ucungo thiri thiri i weng’i, m’uwinjo rieko peri.

2 Ubimo 3:15

Ento kawono kel jagoi adungu i bang’a. Man etimbre, kinde ma jagoi adungu goyo, nia cing’ Yehova bino i wie.

1 Samwil 10:5

Yo ku ng’ei maeno ibitundo ba got pa Mungu, ka ma ot ma tek mi Jufilisti ni ie: man ebitimbre, kinde m’iwok kuca i adhura, nia ibirombo kud udul jubila m’uloro piny ku ka ma malu kud adungu, kud umbukulumbu, man ungbalu man nzenze, i wang’gi; e gibibeewo giraewa:

1 Samwil 16:14

Nwang’u Tipo Yehova ai ku ba Saul, man tipo ma rac m’uai ba Yehova usende.

1 Samwil 16:15

Man jutic pa Saul uwacu ire kumae, Nen kawono, tipo ma rac m’uai ba Mungu besendi.

1 Samwil 16:17

Man Saul uwacu ni jutic pare kumae, Kawono wunwang’ ira ng’atu m’ung’ei goyo ber, man wukele i bang’a.

1 Samwil 18:10

Man etimbre urwone, nia tipo ma rac m’uai ba Mungu ubino wi Saul ku tego, man eewo lembe i die ot; man Daudi goyo ku cinge, calu ebedetimo ceng’ ku ceng’. Man Saul ubedo ku tong’ pare i cinge;

1 Samwil 19:9

Man tipo ma rac m’uai ba Yehova ni wi Saul, kinde m’ebedo i ot pare ku tong’ pare i cinge; e Daudi begoyo adungu ku cinge.