1 Samwil 16:12 - The Holy Bible In Alur (Lur) Revised Orthography

¹² Man eoro kwenda jugame, jukele juroye. Nwang’u enne e landu, man ayine ber hai, man e ber mir anena. Man Yehova wacu kumae, Ai malu, wire; kum en e en.

1 Samwil 16:12 ပူးပေါင်းရင်းမြစ်များ

Thangambere 39:6

Man eweko gin ceke m’ebedo ko i cing’ Yusuf; man eng’eyo ngo gin ma ni kude, ndhu kwen m’ecamu. Man Yusufne wang’e leng’, man kume de leng’.

2 Samwil 23:1

Nie maeni en e lembe ma cen pa Daudi. Daudi ma wod Yese wacu kumae, Man ng’atu ma judode malu wacu kumae, Ng’atu ma juwiro pa Mungu pa Yakobo, Man jawer ma mit mir Israel:

2 Samwil 7:8

Ka kumeno kawono ibiwacu ni Daudi ma jatic para kumae, Yehova mir udul uwacu kumae, Agemi kud i kwac mi rombe, ku lubo rombe, kara idok jatelwic wi dhanu para, wi Israel;

1 Ubimo 1:34

man wek Zadok ma jalam ku Nathan ma jabila giwire keca ni ubimo wi Israel; e wukudh agwara, man wuwac kumae, Ubimo Suleman ubed kwo hai.

Zaburi 2:2

Ju m’ubimo m’i ng’om gicoko dhoggi, Man jubim giporo lembe karacelo, Kum Yehova, man kum ng’atu m’awira pare, ma giwacu ko kumae,

Zaburi 2:6

Ento aketho ubimo para Wi got para ma leng’ mi Sayuni.

Zaburi 78:70

Egoyo wi Daudi bende ma jatic pare, Man ewodhe kud i kwac mi rombe:

Ai 2:2

E dhakune gamu ie, man enyolo nyathin ma nico: e kan enene nia en e nyathin ma ber, ekane dwi adek.

Wer Pa Suleman 5:10

Jamerna tar man kwar, E jawipiro i kind rubanga apar.

Ywak 4:7

Ju pare m’ung’olo lembang’ola naka gi tar ma sagu pei, gi tar ma sagu cak; Kumgi leng’ ma sagu kidi mi ruko, rieny migi calu kidi m’ulweku.

Zekaria 4:14

Elund ewacu kumae, Maeni juario ma juwirogi, m’ucungo kum Rwoth mi ng’om ngung’.

Tic Mi Jukwenda 4:27

kum andha i adhura nini Herode giku Pontio Pilato, karacelo ku Thekdhanumange ku kodhi dhanu pa Israel de, gicoko dhoggi kum Yesu ma Jatic peri maleng’, m’iwiro mo i wie,

Tic Mi Jukwenda 7:20

I nindo nica junyolo Musa, man kite leng’ mumbe; e jugwoke i ot pa won dwi adek:

Juebrania 11:23

Ni kum yioyic, kinde ma junyolo Musa, junyodo pare gikane dwi adek, kum gineno nia en e nyathin ma ber; man lworo negogi ngo kum lembang’ola p’ubimo.

1 Samwil 16:18

Ng’atu acel ma kind awobi ulund uloko lembe, man ewacu kumae, Nen, aneno wod Yese acel ma Jabeth-lehemi, ma en e jabodho mi goyo adungu, man en e ng’atu ma tek ma ratego, man en e dhanu mir ali, ma riek kum yero lembe de, man en e ng’atu ma ber; Yehova de ni kude.

1 Samwil 17:42

E ka Jafilisti neno kun ku kun, man eneno Daudi, ecaye; kum fodi en e aradu, man e landu, en e ng’atu ma wang’e ber de.

1 Samwil 17:55

Man kinde ma Saul uneno Daudi cidho kum Jafilisti, ewacu ni Abner, ma jego mir udul dhanu kumae, Abner, aradu maeni en e wod ng’a? Man Abner uwacu kumae, Calu ng’eyong’ec peri bedo kwo, E ubimo, acopo yero ngo.

1 Samwil 9:17

Man kinde ma Samwil uneno Saul, Yehova wacu ire kumae, Nen, ng’atu m’ayero pire iri! ng’atu maeni bibedo ku ng’ol wi dhanu para.