1 Samwil 16:1 - The Holy Bible In Alur (Lur) Revised Orthography

¹ Man Yehova wacu ni Samwil kumae, Ibiywak pi Saul rokani, kum akwere kud ebed ubimo wi Israeli? pong’ tung peri ku mo, man icidhi: abiori ba Yese ma Jabeth-lehemi; kum anwang’u ira ubimo i kind wote.

1 Samwil 16:1 ပူးပေါင်းရင်းမြစ်များ

1 Ubimo 8:16

Ugambre i ceng’ m’awodho ie dhanu para Israel woko kud i Misiri, agoyo wi adhura moko ngo, kud i suru ceke mir Israel ya jugom ie ot, kara nyinga bed keca; ento agoyo wi Daudi kara ebed wi dhanu para Israel.

2 Ubimo 9:1

Man Elica ma jabila lwong’o ng’atu acel ma kind wot jubila, ewacu ire kumae, Twi pieri, man iting’ cupa mi mo maeni i cingi, e icidh Ramoth-gilead.

2 Ubimo 9:3

Ilund iting’ cupa mi mo, man ikonje i wie, e iwac kumae, Yehova wacu kumae, Awiri ni ubimo wi Israel. E kan iyab dhugola, iringi, kud igal de.

2 Ubimo 9:6

E eai malu, man emondo i ot; e ekonjo mo i wie, man ewacu kumae, Yehova, Mungu mir Israel, uwacu kumae, Awiri ni ubimo wi dhanu pa Yehova, en e wi Israel.

I Lemkei 11:3

Ka kumeno judongo mir Israel ceke gibino bang’ ubimo i Hebron; man Daudi timo lembariba kugi i Hebron i wang’ Yehova; e gikonjo mo wi Daudi gikethe ko ni ubimo wi Israel, calku lembe pa Yehova ku dhu Samwil.

I Lemkei 28:4

Ento Yehova, Mungu mir Israel, egoyo wia kud i ot ceke pa vwa kara abed ubimo wi Israel mi nja: kum egoyo wi Yuda ya ebed jaditmawijo; man i ot pa Yuda, ot pa vwa; man i kind wot vwa mutoro nege i kuma nia eketha ni ubimo wi Israel ceke;

Isaya 11:1

Man giralotha biloth ku kum dund Yese, man jange m’uai i ulage bicego nyinge.

Isaya 11:10

Man ebitimbre i ceng’ maeca, nia ulag Yese, m’ucungo ni abera ni kodhidhanu, thek biyenyo i bang’e; man kayom pare bibedo mi dwong’.

Isaya 55:4

Nen, amie ni mulembe ni kodhidhanu, jatelwic man jego ni kodhidhanu.

Yeremia 11:14

Ka kumeno kud irwo pi dhanu maeni, kadi kud iting’ ywak kadi rwo pigi; kum abiwinjogi ngo i nindo ma giywak i bang’a kum can migi.

Yeremia 15:1

Yehova lund uwacu ira kumae, Kadok Musa giku Samwil gicungo i wang’a, ento kuno di pidoia bedo yo ba dhanu maeni ngo: baigi woko kud i wang’a, man wek gici cen.

Yeremia 6:30

Dhanu bilwong’ogi usau mola ma tar, kum Yehova kwerogi.

Yeremia 7:16

Ka kumeno kud irwo pi dhanu maeni, kadi kud iting’ ywak kadi rwo pigi, kadi kud itim kwayukwac ira; kum abiwinji ngo.

Zekaria 4:14

Elund ewacu kumae, Maeni juario ma juwirogi, m’ucungo kum Rwoth mi ng’om ngung’.

Jurumi 15:12

Man kendo, Isaya wacu kumae, Ulag Yese bibedo nuti, Man ng’atu ma biwok nibimo wi Thekdhanumange; Thekdhanumange de bigeno i kume.

Juebrania 11:32

E kan ayer ang’o kendo? kum nindo biromo ira ngo tek ayero pi Gideon, man Barak, man Samson, man Yeftha; man pi Daudi man Samwil ku pi jubila:

1 Yohana 5:16

Tek ng’atu moko neno umin ubedubo dubo ma mi tho ngo, ebikwayu, man Mungu bimio ire kwo pi ju m’udubo ma mi tho ngo. Dubo nuti ma mi tho: awacu ngo nia ekwai pi maeni.

1 Samwil 10:1

Samwil ulund uting’o cupa mi mo, man ekonje i wie, ecwio limbe de, man ewacu kumae, En e kum Yehova wiri ngo nia ibed jatelwic mir aba pare?

1 Samwil 15:11

Alokra kum ating’o Saul ni ubimo; kum elokre cen kum luba, man etimo lembang’ola para ngo. Man kwinyo nego Samwil; man eywak ba Yehova diewor soro.

1 Samwil 15:23

Kum camuco en e calu dubo mir ajoga, man udhing’ en e calu rwo ma ni mungu m’araga kud ayi gin m’acwiya. Kum ikwero lembe pa Yehova, en bende ekwerl kud ibed ubimo.

1 Samwil 15:26

Man Samwil uwacu ni Saul kumae, Abidwogo karacelo kudi ngo; kum ikwero lembe pa Yehova, man Yehova kweri kud ibed ubimo wi Israel.

1 Samwil 15:35

Man Samwil ubino kendo ngo nineno Saul cil i ceng’ mi tho pare; kum Samwil uywak pi Saul: man Yehova lokre kum eketho Saul ni ubimo wi Israel.

1 Samwil 16:15

Man jutic pa Saul uwacu ire kumae, Nen kawono, tipo ma rac m’uai ba Mungu besendi.

1 Samwil 16:23

Man etimbre kinde ma tipo ma rac m’uai ba Mungu uwok wi Saul, nia Daudi ting’o adungu, man egoyo ku cinge: kum kumeno cwiny Saul udwogo, man ebedo ber, man tipo ma rac uai kud i bang’e.

1 Samwil 17:12

Nwang’u Daudi en c wod Jaefrathi maeno ma Beth-lehem-yuda, ma nyinge Yese; man wote abora: man ng’atuno ti i nindo pa Saul, ma rundi pare doko dupa i kind dhanu.

1 Samwil 9:16

Urwo unyoni abioro ng’atu acel i beng’i kud i ng’om Benyamin, e ibiwire ebed jatelwic mi dhanu para Israel; man ebibodho dhanu para kud i cing’ Jufilisti: kum aneno wi dhanu para, kum ywak migi wok i bang’a.