1 Samwil 15:23 - The Holy Bible In Alur (Lur) Revised Orthography

²³ Kum camuco en e calu dubo mir ajoga, man udhing’ en e calu rwo ma ni mungu m’araga kud ayi gin m’acwiya. Kum ikwero lembe pa Yehova, en bende ekwerl kud ibed ubimo.

1 Samwil 15:23 ပူးပေါင်းရင်းမြစ်များ

Thangambere 31:19

Nwang’u Laban ucinyaru yuk rombe: man Rahel ukwalu mungu m’acwia pa won.

Thangambere 31:34

Nwang’u Rahel ugamu mungu m’acwia, man ekethogi yor i jambwoth mi ngamia, e ebedo i wigi. Man Laban umulo i piny ceke mi hema, ento enwang’ugi ngo.

2 Samwil 12:9

Icayu lembe pa Yehova nedi, kutimo gin maeni ma rac i wang’e? igoyo Uria ma Jahiti ku palamularu, man igamu dhaku pare ubed dhaku peri, man inege ku palamularu ku yo ba nyithindho mir Amon.

2 Samwil 7:15

ento kisa para biai kud i bang’e ngo, calu akabe ku ba Saul, m’acore cen i weng’i.

I Lemkei 10:13

Kum kumeno Saul utho kum dubo pare m’edubo ni Yehova, kum lembe pa Yehova, m’eworo ngo: man kum ekwayu lembapora bende ba ng’atu ma won tipo, kara epenje,

I Lemkei 28:9

Man in, Suleman ma woda, dong’ ing’ei Mungu pa wuru, man itim ire kud adundeni ma cu man ku pidoic ma yot; kum Yehova yenyo i adunde ceke, man eng’eyo porolembe ceke mi pidoic. Tek iyenye, ebinwangre iri; ento tek iweke, ebibei woko mi nja.

Kitabu Pa Yob 34:37

Kum emedo jai kum dubo pare; Eteng’o cinge i kindwa, Man emedo lembe pare kum Mungu.

Zaburi 107:11

Kum gijai kum lembe pa Mungu, Man gicayu lembapora pa Ng’atu ma Malu Ngbir:

Ai 22:18

Kud iwek dhaku m’ajoga bed kwo.

Isaya 19:3

E cwiny Misiri bijik i diere; man abinyotho lembaporane: e gibiyenyo ba mungu m’araga man bang’ ajoga, man ba ju ma weg tipo, man ba jucwitho.

Isaya 8:19

Man kinde ma gibiwacu iwu kumae, Wuyeny ba ju ma weg tipo man bang’ ajoga, ma kok man ma weco mung’ mung’: maku dhanu yeny ba Mungu migi ngo? maku giyeny pi ju ma kwo ba ju m’utho?

Yeremia 16:12

man wun wutimo rac ma sagu kwaruwu; kum, nen, wuwotho kubeng’wu kubeng’wu ng’atuman tok udhuko mir adundene ma rac, ketho nia wuwinjo dwanda ngo:

Yeremia 28:16

Ka kumeno Yehova wacu kumae, Nen, abiori cen kud i wang’ ng’om: i rundi maeni ibitho, kum iyero lemjai kum Yehova.

Yeremia 29:32

ka kumeno Yehova wacu kumae, Nen, abisendo Cemaya ma Janehelami, ku kodhine; ebibedo ku ng’atu ma nico ngo ma bibedo i kind dhanu maeni, kadok lem ma ber, m’abitimo ni dhanu para de ebineno ngo, Yehova wacu, kum eyero lem jai kum Yehova.

Hoseya 13:11

Amio iri ubimo i ng’ecwiny para, man akabe woko i kwinyo para.

Hoseya 3:4

Kum nyithindho mir Israel gibibedo nindo dupa m’ubimo mbe, man ma jaditmawijo mbe, ma lam de mbe, ma mbegi de mbe, m’ugoke kadi ayi gin m’acwia de bedo mbe:

Lembe Mi Julawi 20:27

Ng’atu ma nico bende kadi ng’atu ma dhaku ma won tipo, kadi ma en e jacwitho, jubinege andha: gibicanyugi ku kidi; rimo migi bibedo i wigi.

Lembe Mi Julawi 20:6

Man ng’eyong’ec m’ulokre ba ju ma weg tipo, man ba jucwitho, kara utim tarwang’ kugi, abiketho wang’a kum ng’ej’ong’ec maeca, man abikabe woko ku kind juthugi.

Kitabu Mir Ang’wende Pa Musa Wel 14:9

Ento kud wujai ni Yehova, kadok dhanu m’i ng’ombe de kud wulworgi; kum gi kwen iwa: man tipo migi kabre woko kud i wigi, man Yehova ni karacelo kudwa: kud wulworgi.

Tic Mi Jukwenda 13:22

E kinde m’ekabe, eting’o Daudi ni ubimo migi; m’enyutho lembe pire bende ewacu kumae, Anwang’u Daudi ma wod Yese, e ng’atu ma ka cwinya, m’ebitimo ceke ma ia yenyo.

2 Jukorinto 6:16

Ribri manedi ma hekalu pa Mungu giribri ko gikud ayi gin m’acwia? kum wan wa hekalu pa Mungu ma kwo; cil calu Mungu wacu kumae, Abibedo i igi, man abiwotho i igi; man abibedo Mungu migi, man gibibedo dhanu para.

Jugalatia 5:20

ku rwo ni ayi gin m’acwia, kud ajoga ma jutimo, kud adegi, ku por, ku ngiri, ku kwinyo, kud ali, ku pokri, ku yic ma tung’ tung’,

Poi Mi Cik 9:24

Wujai ni Yehova ugambre i nindo m’amaku ng’eyowu i ie.

Poi Mi Cik 9:7

Poi, wii kud uwil, maram inyayu ko kwinyo i Yehova Mungu peri i langa; ugambre i ceng’ m’iwok ie woko kud i ng’om Misiri, cil m’iwok ko kakeni, wujai ni Yehova.

Yocuwa 22:15

E gibino ba nyithindho pa Ruben, man ba nyithindho pa Gad, man ba ng’et suru pa Manase, i ng’om Gilead, e giyero igi, giwacu kumae,

Lembanyutha 21:8

Ento ni julworo, ku ju ma gi juyic ungo, ku ju ma gi gin mir adegi, ku juneg nek, ku weg tarwang’, ku weg jogi, ku ju ma rwo ni ayi gin m’acwia, ku jundra ceke bende, maka migi bibedo i nam ma wang’ ku mac ku muganga bende; ma en e tho mir arionde.

Lembanyutha 22:15

Yo woko gwogi, man weg jogi, ku weg tarwang’, ku juneg nek, ku ju ma lamu ayi gin m’acwia, ku kwai dhanu ceke m’umaru ndra m’utimo de.

1 Samwil 13:14

Ento kawono ker peri bicungo ngo: kum Yehova yenyo ng’atu ma nyayu mutoro i adundene, man Yehova uketho ebed jaditmawijo wi dhanu pare, kum iworo lembe ma Yehova ng’olo iri ngo.

1 Samwil 16:1

Man Yehova wacu ni Samwil kumae, Ibiywak pi Saul rokani, kum akwere kud ebed ubimo wi Israeli? pong’ tung peri ku mo, man icidhi: abiori ba Yese ma Jabeth-lehemi; kum anwang’u ira ubimo i kind wote.

1 Samwil 2:30

Ka kumeno Yehova, Mungu mir Israel, uwacu kumae, Awacu andha nia ot peri, ku ot pa wuru, biwotho i wang’a mi nja: ento kawono Yehova wacu kumae, Dong’ ebed bor ira; kum ju m’uyunga abiyungogi, man ju m’ucaya jubikwanugi ni gin moko ngo.

1 Samwil 28:3

Nwang’u Samwil utho, man Israel ceke giywage, man giyike i Rama, en e adhura pare ma dhe. Man Saul ukabu weg pajogi, ku weg ajoga, woko kud i ng’ombe.