1 Samwil 15:11 - The Holy Bible In Alur (Lur) Revised Orthography

¹¹ Alokra kum ating’o Saul ni ubimo; kum elokre cen kum luba, man etimo lembang’ola para ngo. Man kwinyo nego Samwil; man eywak ba Yehova diewor soro.

1 Samwil 15:11 ပူးပေါင်းရင်းမြစ်များ

Thangambere 6:6

Man Yehova lokre kum etimo dhanu wi ng’om, man can unege i adundene.

Thangambere 6:7

E Yehova wacu kumae, Abinyotho dhanu m’acwio kud i wang’ ng’om; dhanu, ku yedi, ku gin ma lak i ng’om, ku winyo ma kor polo; kum alokra rac atimogi.

2 Samwil 24:16

Man kinde ma malaika rieyo cinge yo ba Yerusalem kara enyothe, Yehova lokre gire kum lem ma rac, man ewacu ni malaika m’unyotho dhanu kumae, Eromo; kawono dol cingi. Man malaika pa Yehova ni i ng’ei lelacam pa Arauna ma Jayebusi.

1 Ubimo 11:9

Man ng’ecwiny unego Yehova kum Suleman, kum adundene lokre cen ku ba Yehova, Mungu mir Israel, m’unyuthre ire wang’ ario,

I Lemkei 10:13

Kum kumeno Saul utho kum dubo pare m’edubo ni Yehova, kum lembe pa Yehova, m’eworo ngo: man kum ekwayu lembapora bende ba ng’atu ma won tipo, kara epenje,

I Lemkei 21:15

Man Mungu oro malaika ba Yerusalem kara enyothe: e kinde m’eyenyo nyothe, Yehova neno, man elokre kum lembene ma rac, man ewacu ni malaika mi nyothone kumae, Eromo; kawono wek cingi bedi. Man malaika pa Yehova cungo ng’et lelacam pa Oman ma Jayebusi.

Kitabu Pa Yob 34:27

Kum gilokri cen ku lubo ng’eye, Man gikwero paru pi yo pare moko:

Zaburi 109:4

Adegi en e giracula mi mer para; Ento amira gira ni rwo.

Zaburi 110:4

Yehova kwong’o, man ebilokre ngo: In i jalam mi nja Calku kura Melkizedek.

Zaburi 119:136

Kulo mi pi mol kud i wang’a, Kum giketho cwinygi ngo kum cik peri.

Zaburi 125:5

Ento ni wadi ju m’ulokri cen ba yo migi mi gondri, Yehova bitelo wigi karacelo ku jutimkier. Kwiocwiny ubed wi Israel.

Zaburi 36:3

Lembe mi dhoge gikier man abombi: Eweko bedo riek man timo ber.

Zaburi 78:41

Man gilokri kendo gibidho Mungu de, Man ginyayu ng’ecwiny i Ng’atu Maleng’ mir Israel.

Zaburi 78:57

Ento gilokri, man gitimo awondi calu kwarugi; Gilokri cen calu atum ma rac.

Ai 32:11

E Musa paku dhoge ni Yehova Mungu pare, man ewacu kumae, Yehova, nedi kwinyo peri bogre kum dhanu peri, m’iwodhogi woko kud i ng’om Misiri ku tego ma dit man ku cing’ ma teki?

Ai 32:14

E Yehova lokre ni lem ma rac m’ewacu nia ebitimo kum dhanu pare.

Yeremia 11:10

Gilokri cen ba kier pa kwarugi, m’ukwero winjo lembe para; man gilubo tok mungu mange kara gitim igi: ot mir Israel man ot mi Yuda gituro lembariba para m’atimo ku kwarugi.

Yeremia 13:17

Ento tek wubiwinjo maeni ngo, ng’eyong’ec para biywak mung’ mung’ pi kuhaya mu; man wang’a biywak hai, man ebimolo piwang’, kum juyaku udul pa Yehova.

Yeremia 34:16

ento wulokru man wucido nyinga, man ku ba dhanu ku ba dhanu ng’atuman uketho jamiru pare dwogi, man ku ba dhanu ku ba dhanu ng’atuman bong’ pare, m’egonyo ku yeny ma ie yenyo; e wukelogi i ng’eca, kara ubed iwu ni jumiru man ni bong’.

Yeremia 9:1

A tek wia bedo pi, man wang’a kulo mi piwang’, kara aywak dieceng’ ku diewor kum ju ma junego pa nya dhanu para mire!

Yeremia 9:18

man wek gitim pio, e gimoc goyo nduru piwa, kara wang’wa mol ku piwang’, man biendwang’wa cor pige.

Ezekiel 18:24

Ento kinde ma ng’atu ma pwe lokre cen kud i bedopwe pare, man etimo kier, etimo calku ginmajudagu ceke ma jadubo timo, ebibedo kwo? Jubipoi ungo pi tic pare ma pwe moko m’etimo: i kier pare m’ekier, man i dubo pare m’edubo, ebitho i igi.

Amos 7:3

Yehova loko cwinye pi maeni kumae: Ebibedo nuti ngo, Yehova wacu.

Yona 3:10

E Mungu neno tic migi, nia gilokri kud i yo migi ma rac; e Mungu loko cwinye kum gin ma rac m’ewacu ebitimo i kumgi; man etime ngo.

Yona 4:2

Man erwo ni Yehova, e ewacu kumae, Akwei, E Yehova, awacu kumeni ngo, ka fodi ani i ng’om ma thuwa? Ka kumeno atimo pio kara apiei i Tarcic; kum ang’eyo nia in i Mungu ma won bero, man ipong’ ku kisa, ibedo yo ni ng’ecwiny, man isegri i mer mi bero, iloko cwinyi de kum gin ma rac.

Zefania 1:6

ku ju m’udok cen kum lubo Yehova; ku ju m’uyenyo Yehova ngo, kadi m’upenje de ngo.

Matayo 24:13

Ento ng’atu ma biciro cil i kajikne, ng’atuno biboth.

Matayo 5:44

endre awacu iwu kumae, Wumar judegiwu, wurwo de pi ju m’unyayu ragedo i kumwu;

Luka 6:12

Man etimbre i ceng’ maeni, nia ecidho i got nirwo; man ebedo diewor soro i rwo ni Mungu.

Juebrania 10:38

Ento ng’atu ma pwe para bikwo ku yioyic: Man tek edok cen, mutoro binego ng’eyong’ec para i kume ngo.

Yocuwa 22:16

Udul ceke pa Yehova wacu kumae, En e kier ma nedi ma wukier ko ni Mungu mir Israel, ma wukiewo ko tin kum lubo Yehova, ma wuguro ko iwu pemblam, ma wujai ko tin ni Yehova?

1 Samwil 12:23

Mange ke pi an, dong’ ebed bor i kuma nia adub ni Yehova kuweko rwo piwu: ento abiponjowu i yo ma ber m’atira de.

1 Samwil 13:13

Man Samwil uwacu ni Saul kumae, Itimo ma rieko mbe; iworo lembang’ola pa Yehova Mungu peri m’eng’olo iri ngo: kum nwang’u kuno di Yehova dwoko ker peri tek mi nja wi Israel.

1 Samwil 15:10

Lembe pa Yehova ulund ubino ba Samwil, uwacu kumae,

1 Samwil 15:3

Kawono icidh igoi Amalek, man inyoth gin ceke ma gibedo ko kot, man kud iwekgi; ento wuneg co ku mon bende, nyithindho ku mukere, koni dhiang’ man rombo, ngamia ku kana.

1 Samwil 15:35

Man Samwil ubino kendo ngo nineno Saul cil i ceng’ mi tho pare; kum Samwil uywak pi Saul: man Yehova lokre kum eketho Saul ni ubimo wi Israel.

1 Samwil 15:9

Ento Saul ku dhanu giweko Agag, man rombe ma beco, man mi koni dhiang’, man mi lim m’ucwe, man mi nyithi rombe, man gin ceke m’ubedo ber, man eyenyo ngo enyothgi ceke: ento gin ceke ma rac man ma jubayu, e maeno ginyotho pet.

1 Samwil 16:1

Man Yehova wacu ni Samwil kumae, Ibiywak pi Saul rokani, kum akwere kud ebed ubimo wi Israeli? pong’ tung peri ku mo, man icidhi: abiori ba Yese ma Jabeth-lehemi; kum anwang’u ira ubimo i kind wote.

1 Samwil 8:6

Ento lembene bedo rac i wang’ Samwil, ka giwacu kumae, Mi iwa ubimo m’upok lembe i wiwa. E Samwil urwo ba Yehova.