1 Samwil 14:12 - The Holy Bible In Alur (Lur) Revised Orthography

¹² Man dhanu m’i ot ma tek giloko lembe ni Yonathan ku jayei jambali pare, man giwacu kumae, Wuidh malu i bang’wa, man wabinyutho iwu lembe moko. Man Yonathan uwacu ni jayei jambali pare, Idh malu i toka; kum Yehova miogi i cing’ Israel.

1 Samwil 14:12 ပူးပေါင်းရင်းမြစ်များ

Thangambere 24:42

Man abino ceng’ maeni ba kulo, man awacu kumae, E Yehova, Mungu pa rwoth para Ibrahim, tek kawono iketho yo para m’acidho i ie bed miero:

Thangambere 24:48

Man akulo wia, e arwo ni Yehova, man amio mugisa ni Yehova, ma Mungu pa rwoth para Ibrahim, m’utelo wia i yo ma ber kara agam nyar umin rwoth para ni wode.

2 Samwil 5:24

Man ebibedo, kinde m’iwinjo ba woth wi yen m’udinyo, ibilund yikri; kum i kinde maeca nwang’u Yehova wok woko i weng’i kara egoi udul mi Jufilisti.

2 Ubimo 14:8

Amazia lund uoro jukwenda ba Yehoac, ma wod Yehoahaz ma wod Yehu, ubimo mir Israel, ewacu kumae, Wubin, wek wanendra ku wang’wa.

Jupoklembe 4:14

Man Debora wacu ni Barak kumae, Ai malu; kum maeni en e ceng’ ma Yehova mio ie Sisera i cingi: Yehova cidho woko i weng’i ngo? Kum kumeno Barak uloro ku wi got Tabor, ku dhanu rubanga apar m’ulubo ng’eye.

Jupoklembe 7:14

Man jal wadi loko lembe man ewacu kumae, Maeni gin mange ngo ndhu palamularu pa Gideon ma wod Yoac, ma dhanu mir Israel: Mungu ketho Midian, kud udul dhanu ceke i cinge.

Jupoklembe 7:15

Man ebedo kumeno, ka Gideon uwinjo lembe mi lek, ku there de, ya erwo; man edwogo ba gonjo mir Israel, man ewacu kumae, Wuai malu; kum Yehova ketho udul mi Midian i cingwu.

Jupoklembe 9:54

Elund elwong’o jalawobi ma jayei jamtho pare pio, man ewacu ire kumae, Wodh palamularu peri, man inega, kara dhanu kud uwac pira kumae, Dhaku nege. Man jalawobi pare dhuye plu, e etho.

1 Samwil 14:10

Ento tek giwacu kumae, Wuidh malu i bang’wa; wabilund idho malu; kum Yehova miogi i cingwa: man maeni bibedo giranyutha iwa.

1 Samwil 14:13

Man Yonathan umulo amula ku cinge ku tiende de, man jayei jamb ali pare yor i ng’eye: e gipodho i wang’ Yonathan; man jayei jambali pare negogi yor i ng’eye.