1 Samwil 13:9 - The Holy Bible In Alur (Lur) Revised Orthography

⁹ Man Saul uwacu kumae, Wukel lam m’awang’a keni i bang’a, man lam mi kwiocwiny. E ethiero lam m’awang’a.

1 Samwil 13:9 ပူးပေါင်းရင်းမြစ်များ

2 Samwil 24:25

Man Daudi guro pemblam keca ni Yehova, man ethiero lam m’awang’a ku lam mi kwiocwiny. Kum kumeno Yehova winjo lembe ma pi ng’om, e thong’ombe jik kum Israel.

1 Ubimo 3:4

E ubimo cidho Gibeon kara elam lam kuca; kum ka ma malu ma dit ni kuca: Suleman uthiero lam m’awang’a rubanga acel wi pemblam maeno.

Zaburi 37:7

Yom i Yehova, man ikure ku twiocwiny: Cwinyi kud uring kum ng’atu ma yo pare bedo miero, Kum ng’atu m’uketho lembapora ma rac utimbre.

Lembrieko 15:8

Lam pa jadubo en e ginmajudagu ni Yehova; Ento rwo pa ng’atu m’atira nyayu mutoro i ie.

Lembrieko 20:22

Kud iwac kumae, Abiculo wang’ dubo: Kur Yehova, man ebileri.

Lembrieko 21:27

Lam mi judubo en e ginmajudagu; Ma sagu dit, kan ekele ku pidoic mi dubo!

Lembrieko 21:3

Timo bedopwe ku pokolembe Eyire ni Yehova ma sagu lam.

Isaya 66:3

Ng’atu m’unego koni dhiang’ en e calu ng’atu m’unego dhanu; ng’atu m’ulamu nyathi rombo, calu ng’atu m’umino ng’ut gwok; ng’atu m’uthiero girathiera, calu ng’atu m’uthiero rimb kul; ng’atu m’uwang’u udok ma ng’wice ng’ar, calu ng’atu m’umio mugisa ni mungu m’araga. Eyo, gifoyo yo migi gigi, man anyong’a nego ng’eyong’ec migi kum ginmajudagu migi:

Poi Mi Cik 12:5

Ento ka ma Yehova Mungu mu bigoyo wie kud i suru mu ceke, kara eketh nyinge keca, wuyeny cil ba kabedo pare, man icidh keca;

Poi Mi Cik 12:6

man wuter lam m’awang’a mu, ku lam mu, kud apaje mu, ku lam m’ating’a mi cingwu, ku lembang’ola mu, man lam ma ku berocwiny mu, ku kayu mi dhok mu man mir udul rombe mu:

1 Samwil 14:18

Man Saul uwacu ni Ahiya kumae, Kel sanduk pa Mungu keni. Kum sanduk pa Mungu ni keca nindo maeca karacelo ku nyithindho mir Israel.