1 Samwil 13:5 - The Holy Bible In Alur (Lur) Revised Orthography

⁵ Man Jufilisti gicokri gigi karacelo kara gikied kud Israel, magali rubanga pier adek, man weg riuni rubanga abusiel, man dhanu calu kwio ma dhu nam ni udulgi: e giidho malu, man gigonjo i Mikmac, yo nyangu ni Beth-aven.

1 Samwil 13:5 ပူးပေါင်းရင်းမြစ်များ

Thangambere 22:17

kara i mio mugisa abin ami mugisa iri, man i medo de abin amed kodhini calu cero m’i polo, man calu kwio ma dhu nam; man kodhini bimwonyo dhugang’ pa jadegine;

2 Samwil 17:11

Ento aporo lembe nia Israel ceke jucok karacelo i beng’i, ugambre Dan cil kum Ber-ceba, calu kwio ma dhu nam ni udul; man nia icidh in ku kiti i lwiny.

1 Ubimo 20:27

E jucoko nyithindho mir Israel, ku mio igi cemo de, man gicidho i kumgi: man nyithindho mir Israel ugonjo i wang’gi calu udul ario ma nok mi nyithi diegi; ento Jucami gipong’o ng’om.

2 Lemkei 1:9

Kawono, E Yehova Mungu, wek lembang’ola peri ma ni Daudi ma vwa cungi; kum iketha ni ubimo wi dhanu ma calu utur mi ng’om ni udulgi.

Isaya 10:28

Ewok Aiath, ekadhu kud i Migron; eketho jambwoth pare malu i Mikmac;

Isaya 48:19

kuno di kodhini de bedo calu kwio, nyikwei m’i ii bedo calu nying’ kwione: kuno di nyinge kabre woko ngo kadi unyothre de i wang’a.

Yeremia 15:8

Mon migi ma coggi tho ginyai ira ma sagu kwio m’i nam; akelo janyoth i wigi kum meg awobi i dieceng’; aketho ndiba ku ndiri podho i wie pio.

Hoseya 10:5

Ju m’ubedo Samaria ndiri binegogi pi nyithi dhiang’ mi Beth-aven; kum dhanune biywage, man julamne ma anyong’a negogi pire, kum dwong’ne, kum eweke.

Hoseya 4:15

Kadok in, Israel, itimo tarwang’, ento Yuda kud ukier; man kud wubin i Gilgal, kadok kud wuidh Beth-aven, kadi kud wukwong’ kwong’ kumae, Calu Yehova bedo kwo.

Hoseya 5:8

Wukudh agwara i Gibeya, man agwara i Rama: wugoi nduru i Beth-aven; i ng’ei, E Benyamin.

Jurumi 9:27

Isaya bende ekok pir Israel kumae, Tek wel mi nyithindho p a Israel ubedo calu kwio ma dhu nam, donge e ma biboth:

Yocuwa 11:4

Man gicidho woko, gin kud udul migi ceke karacelo kugi, dhanu dupa, cil calu kwio ma dhu nam ni udulgi, karacelo ku riuni man magali dupa dupa.

Yocuwa 18:12

Man kieu migi mi ng’et ng’om ma yor ariwa ma malu gambre kum Yordan e kieu migi idho malu kum ng’et Yeriko, man eidho malu i kind ng’om gudi yo reto; e kawokne en e yamba mi Beth-aven.

Yocuwa 7:2

Man Yocuwa oro dhanu ai i Yeriko cidho i Ai, ma ni i ng’et Beth-aven, yo nyangu ni Beth-el, man eyero igi, ewacu kumae, Wuidh malu man wulib ng’ombe. E dhanu giidho malu man gilibo Ai.

Jupoklembe 7:12

Man Jumidiani ku Juamaleki man nyithindho ceke ma yo nyangu givuto i poga calu bonyo ni udulgi; man ngamia migi gibedo ma welgi mbe, calu kwio ma dhu nam ni udulgi.

1 Samwil 13:11

Man Samwil uwacu kumae, Itimo ang’o? Man Saul uwacu kumae, Kum aneno nia dhanu gilal i kuma, man nia ibino ngo i ceng’ ma jung’olo, man nia Jufilisti gicokri gigi karacelo i Mikmac;

1 Samwil 13:2

Saul ugoyo wi dhanu mir Israel rubanga adek ire, kind dhanu maeno rubanga ario gini karacelo ku Saul i Mikmac man wi got Beth-el, man rubanga acel gini karacelo ku Yonathan i Gibeya pa Benyamin: man dong’ dhanu eorogi kubang’gi kubang’gi ng’atuman ba hema pare.

1 Samwil 14:23

Kum kumeno Yehova bodho Israel i ceng’ maeca: man lwiny ukadhu ba Beth-aven.

1 Samwil 14:52

Man ali ma tek nuti i kum Jufilisti i ceng’ pa Saul ceke: man tek Saul uneno ng’atu moko ma tek, kadi ng’atu moko ma ratego, egame i bang’e.

1 Samwil 17:1

Nie Jufilisti gicoko njuru asikari migi karacelo ba lwiny; man gicokri karacelo i Soko, ma en e piny pa Yuda, man gigonjo kind Soko kud Azeka, i Efes-damim.

1 Samwil 7:13

Kum kumeno Jufilisti kwio, man gibino kendo ngo i kieu mir Israel: man cing’ Yehova bedo i kum Jufilisti i ceng’ ceke pa Samwil.