1 Samwil 13:4 - The Holy Bible In Alur (Lur) Revised Orthography

⁴ Man Israel ceke giwinjo nia Saul ugoyo ka ma tek mi Jufilisti, man bende nia Israel gibedo ni cac ni Jufilisti. Man dhanune gicokri karacelo i tok Saul i Gilgal.

1 Samwil 13:4 ပူးပေါင်းရင်းမြစ်များ

Thangambere 34:30

E Yakobo wacu ni Simeon ku Lawi kumae, Wung’abu cwinya, kara wudwoka ni gin ma judagu ni ju m’ubedo i ng’ombuni, i kind Jukanani man Juperizi: man, kum welna nok, gibicokri gigi karacelo i kuma e gibigoya; man abinyothra, an ku juot para.

Thangambere 46:34

nia wubiwacu kumae, Jutic peri naka gi jugwok lim ugambre i aradu mwa cil ku kawono de, wan, ku wegwa de: kara wubed i ng’om Gocen; kum jukwac kubang’gi kubang’gi gin gi ginmajudagu ni Jumisiri.

2 Samwil 10:6

Man ka nyithindho mir Amon gineno nia gidoko ni ginmajudagu ni Daudi, nyithindho mir Amon gioro kwenda man gimio sukulia gigamu ko Jucami ba Beth-rehob, man Jucami pa Zoba, dhany ma ku tielo rubanga pier ario, man ubimo mi Maka karacelo ku dhanu rubanga acel, man dhanu pa Tob dhanu rubanga apar wi ario.

Ai 5:21

e giwacu igi kumae, Yehova nenwu, man epok lembe; kum wuketho judagu ng’wicwa i wang’ Farao man i wang’ jutic pare, m’uketho palamularu i cing’gi kara unegwa.

Zekaria 11:8

Man athumo jukwac adek woko i dwi acel; kum ng’eyong’ec para ol kugi, man ng’eyong’ec migi daga bende.

Yocuwa 5:9

E Yehova wacu ni Yocuwa kumae, I ceng’ maeni ang’ielo lewic mi Misiri kud i kumwu cen. Kum kumeno nying’ ka maeno julwong’o Gilgal, cil i ceng’ maeni.

1 Samwil 10:8

Man ibiloro piny i wang’a ba Gilgal; man, nen, abiloro piny i beng’i, kara athier lam m’awang’a, man kara alam lam mi girathiera mi kwiocwiny: ceng’ abiro ibidong’, maram abino ko i beng’i, man anyuth iri gin m’ibitimo.

1 Samwil 27:12

Man Akic uyio Daudi, ewacu kumae, Eketho juthugi ma Israel udage hai; ka kumeno ebibedo jatic para mi nja.