1 Samwil 13:14 - The Holy Bible In Alur (Lur) Revised Orthography

¹⁴ Ento kawono ker peri bicungo ngo: kum Yehova yenyo ng’atu ma nyayu mutoro i adundene, man Yehova uketho ebed jaditmawijo wi dhanu pare, kum iworo lembe ma Yehova ng’olo iri ngo.

1 Samwil 13:14 ပူးပေါင်းရင်းမြစ်များ

2 Samwil 5:2

I nindo ma con, kinde ma Saul en e ubimo i wiwa, en e in m’utelo wi Israel woko ku dwogo de: e Yehova wacu iri kumae, Ibibedo jakwac ni dhanu para Israel, man ibibedo jatelwic wi Israel.

2 Samwil 6:21

Man Daudi wacu ni Mikal kumae, En e i wang’ Yehova, m’ugoyo wia ma sagu wuru, man ma sagu ot pare ceke, kara eketha ni jaditmawijo wi dhanu pa Yehova, wi Israel: ka kumeno abituko i wang’ Yehova.

2 Ubimo 20:5

Lokri, man iwac ni Hezekia ma jatelwic mi dhanu para kumae, Yehova, ma Mungu pa Daudi ma kwaru, wacu kumae, Awinjo rwo peri, aneno piweng’i: nen, abicengi; i ceng’ mir adege ibiidho malu ba ot pa Yehova.

I Lemkei 10:13

Kum kumeno Saul utho kum dubo pare m’edubo ni Yehova, kum lembe pa Yehova, m’eworo ngo: man kum ekwayu lembapora bende ba ng’atu ma won tipo, kara epenje,

Zaburi 78:70

Egoyo wi Daudi bende ma jatic pare, Man ewodhe kud i kwac mi rombe:

Lembrieko 27:24

Kum lonyo en e mi nja ngo; Man jamkermiwic bedo cil kum dhanum’utuk ceke?

Isaya 39:5

Isaya lund uwacu ni Hezekia kumae, Winj lembe pa Yehova mir udul:

Tic Mi Jukwenda 13:22

E kinde m’ekabe, eting’o Daudi ni ubimo migi; m’enyutho lembe pire bende ewacu kumae, Anwang’u Daudi ma wod Yese, e ng’atu ma ka cwinya, m’ebitimo ceke ma ia yenyo.

Tic Mi Jukwenda 7:46

m’unwang’u bero i wang’ Mungu, man epenjo ya enwang’ kabedo ni Mungu pa Yakobo.

Juebrania 2:10

Kum emake, ma gin ceke gi pire, ma gin ceke de wok ni kume, i kelo m’ekelo ko wot dupa i dwong’ ya eketh won both migi dok ndhu cu ni kum sendri.

1 Samwil 15:23

Kum camuco en e calu dubo mir ajoga, man udhing’ en e calu rwo ma ni mungu m’araga kud ayi gin m’acwiya. Kum ikwero lembe pa Yehova, en bende ekwerl kud ibed ubimo.

1 Samwil 15:26

Man Samwil uwacu ni Saul kumae, Abidwogo karacelo kudi ngo; kum ikwero lembe pa Yehova, man Yehova kweri kud ibed ubimo wi Israel.

1 Samwil 15:28

Man Samwil uwacu ire kumae, Yehova yeco ker mir Israel kud i beng’i tinuni, man emie ni jadhugola peri, m’e ber ma segi.

1 Samwil 16:1

Man Yehova wacu ni Samwil kumae, Ibiywak pi Saul rokani, kum akwere kud ebed ubimo wi Israeli? pong’ tung peri ku mo, man icidhi: abiori ba Yese ma Jabeth-lehemi; kum anwang’u ira ubimo i kind wote.

1 Samwil 16:12

Man eoro kwenda jugame, jukele juroye. Nwang’u enne e landu, man ayine ber hai, man e ber mir anena. Man Yehova wacu kumae, Ai malu, wire; kum en e en.

1 Samwil 2:30

Ka kumeno Yehova, Mungu mir Israel, uwacu kumae, Awacu andha nia ot peri, ku ot pa wuru, biwotho i wang’a mi nja: ento kawono Yehova wacu kumae, Dong’ ebed bor ira; kum ju m’uyunga abiyungogi, man ju m’ucaya jubikwanugi ni gin moko ngo.

1 Samwil 24:20

Man kawono, nen, ang’eyo nia ibibedo ubimo andha, man nia ker mir Israel bicungo i cingi.

1 Samwil 25:30

Man ebitimbre, kinde ma Yehova daru timo ni rwoth para calu gin ma ber ceke m’eyero pire, man edaru kethi ni jaditmawijo wi Israel,

1 Samwil 9:16

Urwo unyoni abioro ng’atu acel i beng’i kud i ng’om Benyamin, e ibiwire ebed jatelwic mi dhanu para Israel; man ebibodho dhanu para kud i cing’ Jufilisti: kum aneno wi dhanu para, kum ywak migi wok i bang’a.