1 Samwil 13:13 - The Holy Bible In Alur (Lur) Revised Orthography

¹³ Man Samwil uwacu ni Saul kumae, Itimo ma rieko mbe; iworo lembang’ola pa Yehova Mungu peri m’eng’olo iri ngo: kum nwang’u kuno di Yehova dwoko ker peri tek mi nja wi Israel.

1 Samwil 13:13 ပူးပေါင်းရင်းမြစ်များ

Thangambere 31:28

man iyio ngo nia acwi limb wota ku nyiga? kawono itimo kasegu.

2 Samwil 24:10

E adunde Daudi goye yo ng’ei kwanu dhanu m’ekwanu. Man Daudi wacu ni Yehova kumae, Adubo dit kum gin maeni m’atimo: ento kawono, E Yehova, akwei, cor kier pa jatic peri cen; kum atirtio kasegu dit.

1 Ubimo 18:18

Man eloko lembe kumae, Asendo Israel ungo; ento in, ku ot pa wuru, kum wukuno lembang’ola pa Yehova, man ilubo Balim.

1 Ubimo 21:20

E Ahab uwacu ni Elia kumae, Inwang’a, E jadegi para? Man eloko lembe kumae, Anweng’i, kum ing’ieuri giri kara itim gin ma rac i wang’ Yehova.

I Lemkei 10:13

Kum kumeno Saul utho kum dubo pare m’edubo ni Yehova, kum lembe pa Yehova, m’eworo ngo: man kum ekwayu lembapora bende ba ng’atu ma won tipo, kara epenje,

2 Lemkei 16:9

Kum wang’ Yehova ringo kun ku kun i ng’om ngung’ ma mba mba, kara enyuthre gire tek ni ju ma adundegi bedo ndhu cu yor i bang’e. I maeni itimo kasegu; kum ugambre kawono ibibedo kud ali.

2 Lemkei 19:2

Man Yehu ma wod Hanani ma jaeulembe wok woko kara eromb kude, man ewacu ni ubimo ma Yehocafat kumae, Emaku piny nia ikony judubo, man imar ju m’udagu Yehova? kum gin maeni kwinyo m’uai i wang’ Yehova ni i wii.

Kitabu Pa Yob 34:18

Ng’atu m’uwacu ni ubimo kumae, In i rac, Kadi ni weg yung kumae, Wun wu judubo;

Lembrieko 12:8

Jubifoyo dhanu calku rieko pare; Ento jubicayu ng’atu ma kit adundene mbe.

Lembrieko 19:3

Kasegu mi dhanu nyotho yo pare; Man adundene jai ni Yehova.

Isaya 39:5

Isaya lund uwacu ni Hezekia kumae, Winj lembe pa Yehova mir udul:

Yeremia 18:10

tek gitimo gin ma rac i wang’a, ya giworo dwanda ngo, e abilund lokra kum gin ma ber, m’awacu ya abitimo ko kuloka igi.

1 Samwil 1:22

Ento Hana idho malu ngo; kum ewacu ni cware kumae, Abiidho malu ngo maram nyathin ukwir ko cak; i nindo maeni abikele, kara enyuthre i wang’ Yehova, man ebed keca mi nja.

1 Samwil 13:12

ka kumeno awacu kumae, Kawono Jufilisti gibicori piny i wia i Gilgal, man fodi akwayu bero ba Yehova ngo: ka kumeno adwokra gira tek, man athiero lam m’awang’a.

1 Samwil 15:11

Alokra kum ating’o Saul ni ubimo; kum elokre cen kum luba, man etimo lembang’ola para ngo. Man kwinyo nego Samwil; man eywak ba Yehova diewor soro.

1 Samwil 15:22

Man Samwil uwacu kumae, Lam m’awang’a man lam nyayu mutoro ma dit i Yehova, ma calu woro dwand Yehova? Nen, woro e ber ma sagu lam, man winjo e ber ma sagu mio mi nyogi rombe.

1 Samwil 15:28

Man Samwil uwacu ire kumae, Yehova yeco ker mir Israel kud i beng’i tinuni, man emie ni jadhugola peri, m’e ber ma segi.

1 Samwil 16:1

Man Yehova wacu ni Samwil kumae, Ibiywak pi Saul rokani, kum akwere kud ebed ubimo wi Israeli? pong’ tung peri ku mo, man icidhi: abiori ba Yese ma Jabeth-lehemi; kum anwang’u ira ubimo i kind wote.

1 Samwil 26:21

Saul ulund uwacu kumae, Adubo: dwogi, woda Daudi; kum abitimi rac kendo ngo kum pi kwo para bedo tek i weng’i tin: nen, atimo calu adhura, e akier apila.