1 Samwil 12:3 - The Holy Bible In Alur (Lur) Revised Orthography

³ Anuti eni: wunyuth lembe i kuma i wang’ Yehova, man i wang’ ng’atu ma juwiro pare: koni dhiang’ pa ng’a m’amaku? kadi kana pa ng’a m’amaku? kadi ng’a m’avugo? ng’a m’asendo? kadi agamu jamblembe i cing’ ng’a kara uum wang’a? man abidwoke iwu.

1 Samwil 12:3 ပူးပေါင်းရင်းမြစ်များ

2 Samwil 22:22

Kum agwoko yo pa Yehova, Man adubo ngo ku weko Mungu para.

Nehemia 5:11

Akwayuwu, wudwok igi, ndhu i ceng’ maeni, pothi migi, man pothi mir ulok migi, ku pothi mir ulam migi, man udi migi man ng’et sente mi dak bende, man mi cam, ku pigulok ma nyen, ku mo, ma wuwodho i bang’gi.

Zaburi 15:5

Ng’atu ma ketho sente pare ngo ni kuloka mir azindi, Kadi ma gamu sukulia ngo kum ju ma lembe mbe i wigi. Ng’atu ma timo gin maeni lembe biringo ku cwinye ki ngo.

Ai 20:17

Kud iketh cwinyi hai kum ot pa wedu, kud iketh cwinyi hai kum ci wedu, kadi kum jamiru pare, kadi kum bong’ pare, kadi dhiang’ pare, kadi kana pare, kadi gin moko ma wedu bedo ko.

Ai 22:4

Tek jurubo jamb kwo i cinge ma kwo, tek en e koni dhiang’, kadi kana, kadi rombo; ebiculo wang’ ario.

Ai 23:8

Man kud igam jamblembe: kum jamblembe eoro wang’ ju ma neno piny, man enyotho lembe mi ju ma pwe.

Lembrieko 15:27

Ng’atu ma ketho cwinye kum kuloka, sendo ot pare gire; Ento ng’atu m’udagu jamblembe bibedo kwo.

Lembe Mi Julawi 6:4

ebilund bedo, tek edubo, man lembe ni i wie, nia ebidwoko gin m’egamu kud ayeki kadi gin m’egamu ku kuvuga, kadi sumba ma jukanu i bang’e, kadi gin m’urwinyo m’enwang’u,

Lembe Mi Julawi 6:5

kadi gin moko m’ekwong’o pire ku ndra; ebidwoke andha bo, man ebimedo ng’ete mir abije mange i kume: ebimio ni ng’atu ma lembe ni i kindgi gikude, i ceng’ ma junwang’u ie lembe i wie.

Kitabu Mir Ang’wende Pa Musa Wel 16:15

E kwinyo ma dit unego Musa, man ewacu ni Yehova kumae, Kud inen girathiera migi ber: amaku kana acel de ngo i bang’gi, kadok ng’atu acel m’i kindgi de atime rac ungo.

Matayo 22:21

Giwacu ire kumae, Pa Kaisari. Elund ewacu igi kumae, Ka kumeno wumi ni Kaisari gin pa Kaisari; ni Mungu de gin ma pa Mungu.

Luka 19:8

Zakayo cungo, man ewacu ni Rwoth kumae, Nen, Rwoth, ng’et piny para kucel amio ni jucan; man tek avugo ng’atu moko ku riu, adwoko wang’e wang’ ang’wen.

Tic Mi Jukwenda 20:33

Ng’atu moko mbe m’aneno mola ma tar pare mit i wang’a, kadi mola ma kwar, kadi kendi de.

2 Jukorinto 12:14

Nen, maeni wang’ adege m’abedo ko ayika m’abin ko i beng’wu; man abibedo ni ter iwu ngo: kum ayenyo gin mu ngo, ento wun re: kum emaku ya nyithindho gikan piny ni junyodo migi ngo, ento junyodo re ni nyithindho.

Poi Mi Cik 16:19

Kud inyoth pokolembe: dhanu kud ubed tung’ tung’ i weng’i; kadi jambng’om de kud igam; kum jambng’om umo wang’ jurieko, man eloko lembe mi weg bedopwe.

1 Jutesaloniki 2:10

Wun wu jumulembe, ku Mungu bende, maram watimbra ko leng’, man pwe, man umbe adote iwu wu ju m’uyio:

1 Jutesaloniki 2:5

Kum nindo moko junwang’u watimo lembe mi pak mananu ngo, calu wung’eyo, kadi ku jambomb mi ketho cwiny hai kum piny de ngo, Mungu en e jamulembe;

1 Petro 5:2

Wukwai udul pa Mungu ma ni i kindwu, wunen wigi de, ma jukucukowu acuka ngo, ento ni kum avane m’unegowu, calku yeny ma Mungu yenyo; kadi kum kuloka ma rac de ngo, endre ku pidoic ma yot;

1 Samwil 10:1

Samwil ulund uting’o cupa mi mo, man ekonje i wie, ecwio limbe de, man ewacu kumae, En e kum Yehova wiri ngo nia ibed jatelwic mir aba pare?

1 Samwil 12:4

Man giwacu kumae, Ivugowa ngo, kadi isendowa de ngo, kadok gamu gin moko kud i cing’ dhanu de igamu ngo.

1 Samwil 12:5

Man ewacu igi kumae, Yehova en e jamulembe i kumwu, man ng’atu pare ma juwiro en e jamulembe i ceng’ maeni, nia wunwang’u gin moko ngo i cinga. Man giwacu kumae, En e jamulembe.

1 Samwil 2:35

Man abiting’o ira jalam mandha, ma bitimo calku maeno ma ni i adundena man i pidoia: man abigomo ire ot ma tek; man ebiwotho i wang’ ng’atu m’awiro mi nja.

1 Samwil 24:11

Mange ke, vwa, nen, eyo, nen dhu kanzu peri ni i cinga; kum athumo dhu kanzu peri, man anegi ngo, e dong’ ing’ei inen de nia kadok dubo kadi kier de mbe i cinga, man adubo iri ngo, kadok ibeyenyo kwo para kara imake.

1 Samwil 24:6

Man ewacu ni dhanu pare kumae, Yehova kwer nia kud atim gin maeni kum rwoth para, ma ng’atu ma Yehova wiro, ya aketh cinga i kume, kum en e ng’atu ma Yehova wiro.

1 Samwil 24:7

Kum kumeno Daudi cero dhanu pare ku lembe maeni, man eyio igi ngo nia gitim ali kum Saul. E Saul uai malu kud i odng’ombe, man ecidho i yo pare.

1 Samwil 26:11

Yehova kwer nia aketh cinga kum ng’atu ma Yehova wiro: ento, akwei, gam tong’ ma ni the wie, ku cupa mi pi, man wek wacidhi.

1 Samwil 26:9

Man Daudi wacu ni Abicai kumae, Kud inyothe; kum ng’a ma copo ketho cinge kum ng’atu ma Yehova wiro, ma dubo bedo umbe kude?