1 Samwil 12:10 - The Holy Bible In Alur (Lur) Revised Orthography

¹⁰ Man gilwong’o Yehova, e giwacu kumae, Wadubo, kum waweko Yehova, man watimo ni Balim man Actaroth: ento kawono bodhwa kud i cing’ judegi mwa, man wabitimo iri.

1 Samwil 12:10 ပူးပေါင်းရင်းမြစ်များ

Zaburi 106:44

Ento eneno lem ma tek migi, Kinde m’ewinjo ywak migi.

Isaya 26:16

Yehova, giliewi i can; gikonjo rwo kinde ma ponji peri ni i wigi.

Isaya 33:22

Kum Yehova en e japoklembe mwa, Yehova en e jamicik mwa, Yehova en e ubimo mwa; ebibodhowa.

Yocuwa 13:31

man ng’et Gilead, ku Actaroth, man Edrei, adhura mi ker pa Og i Bacan, en e mi nyithindho pa Makir ma wod Manase, en e mi ng’et nyithindho pa Makir calku wat migi.

Jupoklembe 10:10

Man nyithindho mir Israel ulwong’o Yehova, giwacu kumae, Wadubo iri, kum waweko Mungu mwa, man watimo ni Balim.

Jupoklembe 2:11

E nyithindho mir Israel utimo gin ma rac i wang’ Yehova, man gitimo ni Balim;

Jupoklembe 2:13

Man giweko Yehova, e gitimo ni Bal ku Actaroth.

Jupoklembe 3:15

Ento ka nyithindho mir Israel ulwong’o Yehova, Yehova ting’o igi jalar, en e Ehud ma wod Gera, Jabenyamini, ma jafacam. E nyithindho mir Israel uoro ajok i cinge bang’ Eglon m’ubimo mi Moab.

Jupoklembe 3:7

Man nyithindho mir Israel gitimo gin ma rac i wang’ Yehova, man wigi wil kum Yehova Mungu migi, man gitimo ni Balim ku mungu m’araga.

Jupoklembe 3:9

E ka nyithindho mir Israel ulwong’o Yehova, Yehova ting’o jalar ni nyithindho mir Israel, m’ubodhogi, en e Othniel ma wod Kenaz, m’umin Kaleb ma nok.

Jupoklembe 4:3

E nyithindho mir Israel ulwong’o Yehova: kum ebedo ku magali mi nyunyu dak abung’wen; man esendo nyithindho mir Israel dit mi rundi pier ario.

Jupoklembe 6:7

Man etimbre, ka nyithindho mir Israel gilwong’o Yehova kum Midian,

1 Samwil 7:2

Man etimbre, ugambre i ceng’ ma sanduk ubedo i Kiriath-yearim, nia nindo ton; kum en e rundi pier ario: man ot mir Israel ceke giywagu Yehova.

1 Samwil 7:6

Man gicokri karacelo i Mizpa, e gitwomo pi, man gikonje woko i wang’ Yehova, e giweko cam i ceng’ maeca, man giwacu kumae keca, Wadubo ni Yehova. Man Samwil upoko lembe mi nyithindho mir Israel i Mizpa.