1 Samwil 11:7 - The Holy Bible In Alur (Lur) Revised Orthography

⁷ Man egamu koni dhiang’ ma ku mberembere, man ethumogi ni wath ni wath, man eorogi i kieu ceke mir Israel mba mba ku cing’ jukwenda, ewacu kumae, Ng’atu ma tek uwok ulubo tok Saul man tok Samwil de ngo, ebitimbre kumeca kum koni dhiang’ pare. Man ndiri pa Yehova podho wi dhanune, man giwok woko calu ng’atu acel.

1 Samwil 11:7 ပူးပေါင်းရင်းမြစ်များ

Thangambere 35:5

E giwotho: man ndiri pa Mungu ni wi adhura m’utiekogi gbur, e gilubo tok wot Yakobo ngo.

2 Lemkei 14:14

E gigoyo adhura ceke m’utieko Gemr gbur, kum lworo pa Yehova bino i wrigi: man giyaku adhura ceke; kum ayeki dit ni i igi.

2 Lemkei 17:10

Man lworo pa Yehova podho wi ker ceke m’i ng’om m’utieko Yuda, ketho nia giting’o ali moko ngo kum Yehocafat.

2 Lemkei 19:7

Ka kumeno kawono wek lworo pa Yehova bed i wiwu; wuketh cwinywu i kume man wutime: kum dubo mbe ku Yehova Mungu mwa, kadi dhanu de bedo tung’ tung’ ungo i wang’e, kadi gamu jamblembe de.

Isaya 8:13

Yehova mir udul, wubidwoke leng’ en; man wuwek ebed lworo mu, man wuwek ebed bebe mu.

Jupoklembe 19:29

Man kan ebino i ot pare, egamu pala, man emaku dhaku pare m’araga, man etong’o ie, ku ba cogone, wath apar wi ario, man eore ku ba kieu ceke mir Israel ngung’.

Jupoklembe 20:1

Nyithindho mir Israel ceke gilund giwok woko, man udul dhanu cokri calu ng’atu acel, ugambre Dan cil Ber-ceba, karacelo ku ng’om Gilead, ba Yehova i Mizpa.