1 Samwil 11:6 - The Holy Bible In Alur (Lur) Revised Orthography

⁶ Man Tipo pa Mungu bino wi Saul ku tego kan ewinjo lembe maeni, man ng’ecwiny pare opo dit.

1 Samwil 11:6 ပူးပေါင်းရင်းမြစ်များ

Ai 32:19

Man etimbre, kinde m’ewok ceng’ni kagonjo, nia eneno ayi nyathi dhiang’ ku miel: e ng’ecwiny pa Musa bogre, man ebayu bankidi kud i cinge, e gitur the got.

Kitabu Mir Ang’wende Pa Musa Wel 12:3

Nie ng’atu ma Musa e mol dit, ma sagu dhanu ceke ma gini i wang’ ng’om.

Marko 3:5

E kan eng’iogi gbe ma ng’ecwiny unege, ma can de nege kum adundegi m’udoko nwang’, ewacu ni ng’atuno kumae, Riei cingi. E erieye; man cinge dok kakare.

Juefeso 4:26

Bed ku ng’ecwiny, man kud wudubi: kud wuwek ceng’ umwony wi kwinyo mu:

Jupoklembe 11:29

Tipo pa Yehova lund ubino wi Yeftha man ekadhu kud i Gilead ku Manase, man ekadhu kud i Mizpa mi Gilead ekadhu ba nyithindho mir Amon.

Jupoklembe 13:25

Man Tipo pa Yehova maku ting’o cwinye i Mahanedan i kind Zora kud Ectaol.

Jupoklembe 14:6

Man Tipo Yehova bino i wie ku tego man eyece calu ecopo yeco nyathi diel; man ebedo ku gin moko ngo i cinge: man eyero ngo ni won kadi min pi gin m’etimo.

Jupoklembe 15:14

Man kan ewok ba Lehi, Jufilisti giwoi ka girombo kugi: man Tipo pa Yehova bino i wie ku tego, man uno ma ni wi bote doko va atutu ma juwang’u ku mac, man twic upodho lwany kud i cinge.

Jupoklembe 3:10

E Tipo pa Yehova bino i wie, man epoko lembe mir Israel; man ecidho woko ni lwiny, man Yehova ketho Kucan-ricathaim m’ubimo mi Mesopotamia i cinge: man cinge voyo Kucan-ricathaim.

Jupoklembe 6:34

Ento Tipo pa Yehova ubino wi Gideon; man ekudho agwara; man Abiezer gicokri karacelo i toke.

1 Samwil 10:10

E kinde ma gitundo kuca bang’ ungulu got, nen, udul jubila rombo kude; man Tipo pa Mungu bino i wie ku tego, e eewo i kindgi.

1 Samwil 10:6

man Tipo pa Yehova bibino i wi ku tego, man ibiewo lembe karacelo kugi, man ibilokri ni ng’atu mange.

1 Samwil 16:13

Samwil ulund ugamu tung mi mo, man ewire i kind utumin mire: e Tipo Yehova bino wi Daudi ma tek ugambre i ceng’ maeca cil ku m’ulube. Kum kumeno Samwil uai malu, man edok I Rama.

1 Samwil 16:14

Nwang’u Tipo Yehova ai ku ba Saul, man tipo ma rac m’uai ba Yehova usende.