1 Samwil 10:6 - The Holy Bible In Alur (Lur) Revised Orthography

⁶ man Tipo pa Yehova bibino i wi ku tego, man ibiewo lembe karacelo kugi, man ibilokri ni ng’atu mange.

1 Samwil 10:6 ပူးပေါင်းရင်းမြစ်များ

Kitabu Mir Ang’wende Pa Musa Wel 11:17

E abiloro piny man wabiweco kudi kuca: man abigamu kum Tipo ma ni i wii, e abikethe i wigi; man gibiyeyo ter mi dhanu karacelo kudi, kara kud iyeye giri i kendi.

Kitabu Mir Ang’wende Pa Musa Wel 11:25

E Yehova loro piny i afuru, man giweco kude, man egamu kum Tipo ma ni i wie, man ekethe wi judongo pier abiro: man etimbre, nia, kinde ma Tipo bedo i wigi, giewo, ento gitimo kumeca kendo ngo.

Kitabu Mir Ang’wende Pa Musa Wel 11:26

Ento dhanu ario dong’ i kagonjo, nying’ ng’atu acel Eldad, man nying’ ng’atu mucelo Medad: e Tipo bedo i wigi; man gin gi kind ju ma jugoro, ento giwok woko ba hema ngo; e giewo ku i kagonjo.

Kitabu Mir Ang’wende Pa Musa Wel 11:29

E Musa wacu ire kumae, Nyeko timi ni kuma? maku dhanu pa Yehova ceke gibed jubila, ya Yehova keth Tipo pare i wigi!

Matayo 7:22

Dupa biwacu ira i ceng’ maeca kumae, Rwoth, Rwoth, waewo ku nyingi ngo, wawodho pajogi de ngo ku nyingi, man ke tic ma tek de dupa watimo ku nyingi ngo?

Jupoklembe 14:6

Man Tipo Yehova bino i wie ku tego man eyece calu ecopo yeco nyathi diel; man ebedo ku gin moko ngo i cinge: man eyero ngo ni won kadi min pi gin m’etimo.

Jupoklembe 15:14

Man kan ewok ba Lehi, Jufilisti giwoi ka girombo kugi: man Tipo pa Yehova bino i wie ku tego, man uno ma ni wi bote doko va atutu ma juwang’u ku mac, man twic upodho lwany kud i cinge.

Jupoklembe 3:10

E Tipo pa Yehova bino i wie, man epoko lembe mir Israel; man ecidho woko ni lwiny, man Yehova ketho Kucan-ricathaim m’ubimo mi Mesopotamia i cinge: man cinge voyo Kucan-ricathaim.

1 Samwil 10:10

E kinde ma gitundo kuca bang’ ungulu got, nen, udul jubila rombo kude; man Tipo pa Mungu bino i wie ku tego, e eewo i kindgi.

1 Samwil 10:9

Man ebedo kumeno, nia, kinde m’eloko ng’eye m’eai ko ba Samwil, Mungu mio ire adunde mange: man giranyutha maeno ceke gitimbri i ceng’ maeca.

1 Samwil 11:6

Man Tipo pa Mungu bino wi Saul ku tego kan ewinjo lembe maeni, man ng’ecwiny pare opo dit.

1 Samwil 16:13

Samwil ulund ugamu tung mi mo, man ewire i kind utumin mire: e Tipo Yehova bino wi Daudi ma tek ugambre i ceng’ maeca cil ku m’ulube. Kum kumeno Samwil uai malu, man edok I Rama.

1 Samwil 19:20

E Saul uoro jukwenda kara gimak Daudi: man kinde ma gineno udul jubila ma gibegiewo lembe, man Samwil m’ucungo i kumgi ni jawigi, Tipo pa Mungu bino wi jukwenda pa Saul, man gin bende giewo.