1 Samwil 10:5 - The Holy Bible In Alur (Lur) Revised Orthography

⁵ Yo ku ng’ei maeno ibitundo ba got pa Mungu, ka ma ot ma tek mi Jufilisti ni ie: man ebitimbre, kinde m’iwok kuca i adhura, nia ibirombo kud udul jubila m’uloro piny ku ka ma malu kud adungu, kud umbukulumbu, man ungbalu man nzenze, i wang’gi; e gibibeewo giraewa:

1 Samwil 10:5 ပူးပေါင်းရင်းမြစ်များ

1 Ubimo 18:29

Man ebedo kumeno, kinde ma dieceng’ ma ling’ ukadhu, nia giewo lembe cil i nindo mi thiero girathiera mir uthieno; ento kadok dwal de mbe, kadi ng’atu moko m’ulok lembe de, kadi ng’atu moko mbe m’unen bang’gi.

2 Ubimo 2:15

Man kinde ma wot jubila ma gini i Yeriko ma yor i bang’e ginene, giwacu kumae, Tipo pa Elia udong’ wi Elica. E gibino rombo kude, man girum i wang’e arieba wang’gi.

2 Ubimo 2:3

E wot jubila ma ni i Beth-el giwok woko bang’ Elica, e giwacu ire kumae, Ing’eyo nia Yehova bigamu rwoth peri kud i wii tini? Man ewacu kumae, Eyo, ang’eyo; wuling’.

2 Ubimo 2:5

Man wot jubila ma gini Yeriko gibino ceng’ni bang’ Elica, man giwacu ire kumae, Ing’eyo nia Yehova bigamu rwoth peri kud i wii tini? Man eloko lembe kumae, Eyo, ang’eyo; wuling’.

2 Ubimo 2:7

Man dhanu pier abic ma kind wot jubila gicidho, e gicungo yor i bang’gi ku cen: man gin arione gicungo dhu Yordan.

2 Ubimo 3:15

Ento kawono kel jagoi adungu i bang’a. Man etimbre, kinde ma jagoi adungu goyo, nia cing’ Yehova bino i wie.

2 Ubimo 4:38

E Elica dwogo kendo i Gilgal. E ndru nuti i ng’ombe; man wot jubila gibedo i wang’e; man ewacu ni jatic pare kumae, Keth agulu ma dit, man ited dek ni wot jubila.

2 Ubimo 6:1

Man wot jubila giwacu ni Elica kumae, Kawono nen, ka ma wabedo ie i weng’i e diny ma sagu iwa.

I Lemkei 11:16

E i kinde maeni Daudi ni i kamatek, man njuru asikari mi Jufilisti ni i Beth-lehem.

I Lemkei 13:8

E Daudi kud Israel ceke gituko i wang’ Mungu ku tego migi ceke, cil ku wer, man ku nanga, man kud adungu, man kud usegu, man kud umbukulumbu, man kud agwara.

I Lemkei 16:42

man karacelo kugi Heman ku Yeduthun kud agwara man umbukulumbu pi ju ma biyeke ma tek, man ku jambwer pi wer pa Mungu; man wot Yeduthun gibed dhugang’.

I Lemkei 16:5

Asaf ma jadit, man m’ulube Zekaria, man Yeiel, man Cemiramoth, man Yehiel, man Matithia, man Eliab, man Benaya, man Obed-edom, man Yeiel, kud adungu man ku nanga; man Asaf kud umbukulumbu, m’uwinjre dit;

Zaburi 49:4

Abileng’o itha kum lembabola: Abiyabu lembayera para m’amung’a wi adungu.

Zaburi 92:3

Ku jambwer ma ju thondhe apar, man ku nanga; Ku ba dwal ma cu wi adungu.

1 Jukorinto 14:1

Lub tok mer; ento iyeny k’amora giramia mi tipo, ento ma sagu kara wueu.

1 Samwil 10:10

E kinde ma gitundo kuca bang’ ungulu got, nen, udul jubila rombo kude; man Tipo pa Mungu bino i wie ku tego, e eewo i kindgi.

1 Samwil 10:4

e gibimothi, e gibimio lungu kwen ario iri, m’ibijolo kud i cing’gi.

1 Samwil 13:2

Saul ugoyo wi dhanu mir Israel rubanga adek ire, kind dhanu maeno rubanga ario gini karacelo ku Saul i Mikmac man wi got Beth-el, man rubanga acel gini karacelo ku Yonathan i Gibeya pa Benyamin: man dong’ dhanu eorogi kubang’gi kubang’gi ng’atuman ba hema pare.

1 Samwil 13:3

Man Yonathan ugoyo ot ma tek mi Jufilisti ma ni i Geba; e Jufilisti giwinjo pire. Man Saul ukudho agwara i ng’ombe ceke mba mba, ewacu kumae, Wek Juebrania giwinji.

1 Samwil 19:20

E Saul uoro jukwenda kara gimak Daudi: man kinde ma gineno udul jubila ma gibegiewo lembe, man Samwil m’ucungo i kumgi ni jawigi, Tipo pa Mungu bino wi jukwenda pa Saul, man gin bende giewo.

1 Samwil 9:12

E giloko lembe igi, giwacu kumae, Enuti; nen, eni i weng’i: tim pio kawono, kum ewok tinuni i adhura; kum dhanu gibedo ku lam tin i ka ma malu.