1 Samwil 1:26 - The Holy Bible In Alur (Lur) Revised Orthography

²⁶ Man ewacu kumae, A, rwoth para, calu ng’eyong’ec peri bedo kwo, rwoth para, an a dhaku m’ucungo keni i vuti, m’arwo ni Yehova.

1 Samwil 1:26 ပူးပေါင်းရင်းမြစ်များ

Thangambere 42:15

jubimulo iwu ku maeni: ku kwo pa Farao wubiai keni ngo, tek umegwu ma nok kubino keni ngo.

2 Samwil 11:11

Man Uria wacu ni Daudi kumae, Sanduk, man Israel, ku Yuda, gibedo i odbak; man rwoth para ma Yoab, ku jutic pa rwoth para, gigonjo i thim ma ngbeng’; abilund mondo i ot para, nicamu man nimadhu, man nivuto ku dhaku para? calu ibedo kwo, man calu ng’eyong’ec peri bedo kwo, abitimo gin maeni ngo.

2 Samwil 14:19

E ubimo penjo kumae, Cing’ Yoab ni kudi i gin maeni ceke? Man dhakune loko lembe man ewacu kumae, Calu ng’eyong’ec peri bedo kwo, rwoth para m’ubimo, ngat’u moko mbe ma copo lokre yo ku cinge ma yor acwic kadi ma yor acam ku ba gin ma rwoth para m’ubimo yero; kum jatic peri Yoab, ewacu ira, man eketho lembe maeni ceke en i dhu bong’ peri;

2 Ubimo 2:2

Man Elia wacu ni Elica kumae, Akwei, dong’ keni: kum Yehova ora cik i Beth-el. Man Elica wacu kumae, Calu Yehova bedo kwo, man calu ng’eyong’ec peri bedo kwo, abiweki ngo. Kum kumeno giloro piny i Beth-el.

2 Ubimo 2:4

Man Elia wacu ire kumae, Elica, akwei, dong’ keni; kum Yehova ora ba Yeriko. Man ewacu kumae, Calu Yehova bedo kwo, man calu ng’eyong’ec peri bedo kwo, abiweki ngo. Kum kumeno gibino Yeriko.

2 Ubimo 2:6

Man Elia wacu ire kumae, Akwei, dong’ keni; kum Yehova ora i Yordan. Man ewacu kumae, Calu Yehova bedo kwo, man calu ng’eyong’ec peri bedo kwo, abiweki ngo. Man gin ario gicikucidho.

2 Ubimo 4:30

E min nyathin uwacu kumae, Calu Yehova bedo kwo, man calu ng’eyong’ec peri bedo kwo, abiweki ngo. E eai, man elubo ng’eye en e dhakune.

I Lemkei 4:10

Man Yabez ulwong’o Mungu pa Israel, ewacu kumae, A tek ibimio mugisa ira andha, man ibimedo kieu para, man tek cingi ubed kuda, man tek ibigwoka ni gin ma rac, kara kud ebed ni can para! E Mungu mio ire gin maeno m’epenjo.

1 Samwil 17:55

Man kinde ma Saul uneno Daudi cidho kum Jafilisti, ewacu ni Abner, ma jego mir udul dhanu kumae, Abner, aradu maeni en e wod ng’a? Man Abner uwacu kumae, Calu ng’eyong’ec peri bedo kwo, E ubimo, acopo yero ngo.

1 Samwil 20:3

Man kendo Daudi kwong’o man ewacu kumae, Wuru ng’eyo andha nia anwang’u bero i weng’i; man ewacu kumae, Yonathan kud ung’ei maeni, can umaru nege: ento andha calu Yehova bedo kwo, man calu ng’eyong’ec peri bedo kwo, dakutielo acel kende ma ni i kindwa waku tho.

1 Samwil 25:26

Ka kumeno kawono, rwoth para, calu Yehova bedo kwo, man calu ng’eyong’ec peri bedo kwo, kum Yehova ceri ku ewiro rimo, man ku culo kwor peri giri ku cingi, ka kumeno kawono dong’ judegi peri, man ju m’uyenyo lem ma rac utimbre kum rwoth para, gibed calu Nabal.