1 Samwil 1:19 - The Holy Bible In Alur (Lur) Revised Orthography

¹⁹ E giai malu pir kugweno, man girwo i wang’ Yehova, e gidok, man gibino ba ot migi i Rama. Man Elkana ng’eyo Hana ma cege; e Yehova poi pire;

1 Samwil 1:19 ပူးပေါင်းရင်းမြစ်များ

Thangambere 21:1

Man Yehova liewo Sara calu ewacu, man Yehova timo ni Sara calu eyero.

Thangambere 30:22

Man Mungu poi kum Rahel, e Mungu winjo dwande, e eyabu ie.

Thangambere 4:1

E ng’atuca ng’eyo Eva ma cege; e egamu ie, man enyolo Kain, man ewacu kumae, Agamu ng’atu ma nico ku kony pa Yehova.

Thangambere 8:1

E Mungu poi kum Noa, man pi yedi ceke, man pi lim ceke ma gini kude i avurne: man Mungu timo yamu ukadh wi ng’om, e pige dwono;

2 Ubimo 4:17

E dhakune gamu ie, man enyolo nyathin ma nico i nindo maeca, kinde ma nindone romo, calu Elica wacu ire.

Zaburi 119:147

Atheko kugweno kinde ma piny uru, man aywak: Ageno lembe peri.

Zaburi 136:23

M’epoi piwa i jwik mwa; Kum mer mi bero pare bedo mi nja;

Zaburi 25:7

Kud ipoi pi dubo mir aradu para, kadi camuco para; Poi pira calku mer mi bero peri, Kum bero peri, E Yehova.

Zaburi 5:3

E Yehova, kugweno ibiwinjo dwanda; Kugweno abiyiko rwo para iri, man abikuro.

Zaburi 55:17

Uthieno, man kugweno, man dieceng’, abiywak, man abicur acura: Man ebiwinjo dwanda.

Marko 1:35

Kugweno, ma fodi piny nyambiambia, eai malu ewok woko, ecidho ka ma ngele, e erwo keca.

Luka 23:42

Man ewacu kumae, Yesu, poi pira kan imondo i ker peri.

Yocuwa 18:25

Gibeon, man Rama, man Beroth,

1 Samwil 1:1

Nwang’u ng’atu moko nuti m’i Ramathaim-zofim, m’i ng’om gudi pa Efraim, man nyinge Elkana, ma wod Yeroham, ma wod Elihu, ma wod Tohu, ma wod Zuf, ma Jaefraimi:

1 Samwil 1:11

Man eng’olo lembang’ola, man ewacu kumae, E Yehova mir udul, tek ibineno wi can pa bong’ peri andha, man ipoi pira, man wi biwil kum bong’ peri ngo, ento ibimio nyathin ma nico ni bong’ peri, e abilund mie ni Yehova i nindo ceke mi bedo pare, man riedi moko bimulo kum wie ngo.

1 Samwil 15:34

Samwil ulund ucidho Rama; man Saul uidho malu ba ot pare i Gibeya pa Saul.

1 Samwil 16:13

Samwil ulund ugamu tung mi mo, man ewire i kind utumin mire: e Tipo Yehova bino wi Daudi ma tek ugambre i ceng’ maeca cil ku m’ulube. Kum kumeno Samwil uai malu, man edok I Rama.

1 Samwil 19:18

Nie Daudi ringo, eboth de, man ebino ba Samwil i Rama, man eyero ire lembe ceke ma Saul utimo i kume. Man gicidho giku Samwil gibedo i Naioth.

1 Samwil 2:11

Man Elkana cidho Rama ba ot pare. E nyathin maeno timo ni Yehova i wang’ Eli ma jalam.

1 Samwil 25:1

E Samwil utho; man Israel ceke gicokri karacelo, man giywage, e giyike i ot pare i Rama. Man Daudi ai, man eloro piny i langa mi Paran.

1 Samwil 7:17

Man edwogo i Rama, kum ot pare ni keca; man epoko lembe mir Israel keca: eguro pemblam ni Yehova keca de.

1 Samwil 8:4

Judongo mir Israel ceke gilund gicokri gigi karacelo, man gibino ba Samwil i Rama;

1 Samwil 9:26

E giai pir kugweno: man etimbre kinde ma mombwa thumo, nia Samwil ulwong’o Saul ku wi ot, ewacu kumae, Ai, kara aciki. Man Saul uai, man gicidho woko gin ario, en giku Samwil, woko.