1 Samwil 1:10 - The Holy Bible In Alur (Lur) Revised Orthography

¹⁰ Man ng’eyong’ec pare ni i can ma kec, man erwo ni Yehova, man eywak ku can.

1 Samwil 1:10 ပူးပေါင်းရင်းမြစ်များ

Thangambere 30:1

Man ka Rahel uneno nia enyolo nyithindho ngo ni Yakobo, nyeko timo Rahel kum nyamin; man ewacu ni Yakobo kumae, Mi ira nyithindho, kadi tek kumeno ngo atho.

Thangambere 50:10

Man giwok ba lelacam pa Atad, ma en e loka Yordan, e giywak keca ku ywak mi can ma dit: man eketho ywak pi won ceng’ abiro.

2 Samwil 13:36

Man etimbre, kan edaru weco, nia, nen, wot ubimo gibino, man giting’o dwandgi malu, e giywak: man ubimo bende ku jutic pare ceke giywak hai.

2 Samwil 17:8

Hucai wacu mange kumae, Ing’eyo wuru ku dhanu pare, nia gi dhanu ma tek, man ali ni i pidoigi, calu wai ma jukwalu nyithindhe i thim; man wuru en e dhanu mir ali, e ebigonjo ku dhanu ngo.

2 Ubimo 20:3

Kawono poi, E Yehova, akwei, maram awotho ko i weng’i i lemandha man kud adunde ma ndhu cu, man atimo gin m’ubedo ber i weng’i. E Hezekia ywak dit.

Kitabu Pa Yob 10:1

Ng’eyong’ec para ol ku kwo para; Abicera ngo ni cur para; Abiweco i ulecu mi ng’eyong’ec para.

Kitabu Pa Yob 7:11

Ka kumeno abicero dhoga ngo; Abiweco i ndiba mi tipona; Abiywak i kec mi ng’eyong’ec para.

Kitabu Pa Yob 9:18

Eyio ira ngo ya ayui, Ento epong’a kud adra.

Zaburi 50:15

Man ilwong’a i ceng’ mi can: Abibodhi, man ibiyunga.

Zaburi 91:15

Ebilwong’a, e abidwoko ire lembe; Wabibedo wakude i can: Abibodhe, man abiyunge.

Lembrieko 14:10

Adunde ng’eyo lem ma kec pare gire; Man jawirok ribre ngo ku mutoro pare,

Isaya 38:15

Abiwacu ang’o? eweco i bang’a, man en gire etime: Abicidho yo i rundi para ceke kum ulecu mi ng’eyong’ec para.

Isaya 54:6

Kum Yehova lwong’i calu dhaku ma julandu ma can unego cwinye de, en e dhaku mir aradu, kinde ma jucore cen, Mungu peri wacu.

Yeremia 13:17

Ento tek wubiwinjo maeni ngo, ng’eyong’ec para biywak mung’ mung’ pi kuhaya mu; man wang’a biywak hai, man ebimolo piwang’, kum juyaku udul pa Yehova.

Yeremia 22:10

Kud wuywak pi ng’atu m’utho, kadi kud wuywage; ento wuywak hai pi ng’atu m’ucidho cen; kum ebidwogo kendo ngo, kadi ebineno ng’om ma thugi de ngo.

Ywak 3:15

Epong’a kud ulecu, man eromo kuma kud adra.

Luka 22:44

E en m’eni i ndiba erwo ma tek m’usagu; kwok pare de doko pami ng’idho rimo m’uton i ng’om.

Juebrania 5:7

En ma i ceng’ maeni mi kume, nwang’u ewodho rwo ni Mungu ku kwayukwac ma ku ywak ma tek ku piwang’ ni ng’atu ma copo lare ni tho, m’ewinjre de ni kum lworo pare ma ayi Mungu ni i kume,

Jupoklembe 21:2

Man dhanu gibino Beth-el, e gibedo keca cil uthieno i wang’ Mungu, man giting’o dwandgi malu, e giywak ku can.

Ruth 1:20

Man ewacu igi kumae, Kud wulwong’a Naomi, wulwong’a Mara; kum Ng’atu ma Jategokpo timo rac dit i bang’a.

1 Samwil 1:11

Man eng’olo lembang’ola, man ewacu kumae, E Yehova mir udul, tek ibineno wi can pa bong’ peri andha, man ipoi pira, man wi biwil kum bong’ peri ngo, ento ibimio nyathin ma nico ni bong’ peri, e abilund mie ni Yehova i nindo ceke mi bedo pare, man riedi moko bimulo kum wie ngo.

1 Samwil 1:9

Kum kumeno Hana ai malu yo ng’ei ma gicamu i Cilo, man yo ng’ei ma gimadhu. Nie Eli ma jalam ubedo wi kom pare vut mbegi mi dhugola mi hekalu pa Yehova.