1 Jukorinto 5:8 - The Holy Bible In Alur (Lur) Revised Orthography

⁸ kum kumeno dong’ wakwiru agba, ku thobi ma con re ngo, kadok ku thobi mi cwiny mir akece ku dubo de ngo, ento ku kwen ma thobi mbe i ie mi cwiny ma abombi mbe i ie ku lemandha.

1 Jukorinto 5:8 ပူးပေါင်းရင်းမြစ်များ

Zaburi 32:2

Mugisa ni ng’atu ma Yehova kwanu kier pare ngo, Man ma tipone mbe kud abombi.

Zaburi 42:4

Apoi kum gin maeni, man akonjo ng’e yong’ec para ku yor i ia, Maram acidho ko kud udul, man atelo wigi ba ot pa Mungu, Ku dwal mi mutoro man pak, udul m’ubekuro ceng’ ma leng’.

Ai 12:15

Ceng’ abiro wubicamu kwen ma thobi mbe i ie; i ceng’ ma kwong’ane wubiketho thobi cen kud i udi mu: kum ng’atu ma tek ucamu kwen ma ie ju thobi ugambre i ceng’ ma kwong’ane cil i ceng’ mir abirone, ng’eyong’ec maeno jubikabu woko kud i bang’ Israel.

Ai 12:19

Ceng’ abiro jubinwang’u thobi mbe i udi mu: kum ng’atu ma tek ucamu gin ma thobi ni i ie, jubikabu ng’eyong’ec maeno woko i kind udul mir Israel, kadok en e umondo, kadi jang’om m’anyola.

Ai 12:8

E gibicamu ringe i diewor maeca, ma juvulo ku mac, ku kwen ma thobi mbe i ie; gibicame kud uboko ma kec.

Ai 13:6

Ceng’ abiro ibicamu kwen ma thobi mbe i ie, man ceng’ mir abirone bibedo ceng agba ni Yehova.

Ai 13:7

Jubicamu kwen ma thobi mbe i ie cil ceng’ abiro; man jubineno kwen ma thobi ni i ie i beng’i ngo, kadok thobi de jubineno ngo i beng’i, i kieu peri ceke.

Isaya 25:6

Man Yehova mir udul bitimo agba mi gin ma mio ni kodhidhanu ceke wi got maeni, agba mi pigulok wi thing’, mi gin ma mio pong’ ku mio mi cogo, mi pigulok wi thing’ ma judwoko leng’.

Isaya 30:29

Wubibedo ku wer calu mi diewor kinde ma jukwiro agba ma leng’; man mutoro mi cwiny, calu kinde ma ng’atu moko cidho kud ungbalu kara ebin ba got pa Yehova, ba Cana mir Israel.

Lembe Mi Julawi 23:6

Man i ceng’ apar wi abije mi dwije en e agba mi kwen ma thobi mbe i ie ni Yehova: wubicamu kwen ma thobi mbe i ie ceng’ abiro.

Matayo 16:12

Gilund ging’eyo nia ewacu igi ngo ya gikuri ni thobi mi kwen ento pi ponji mi Jufarisayo ku Jusadukayo.

Matayo 16:6

E Yesu wacu igi kumae, Wubed ku weng’wu wukuru de ni thobi mi Jufarisayo ku Jusadukayo.

Marko 8:15

Man eng’olo igi, ewacu kumae, Wubed ku weng’wu, wukuru ni thobi mi Jufarisayo ku thobi pa Herode.

Luka 12:1

I kinde maeca, kan udul dhanu rubanga dupa gicokri karacelo, ketho ginyondri, elar emaku wacu ni julubne kumae, Wukuru ni thobi mi Jufarisayo, ma en e ambili.

Yohana 1:47

Yesu neno Nathanael ubebino i bang’e, man ewacu pire kumae, Nen, Jaisraeli mandha ma abombi mbe i ie!

1 Jukorinto 3:3

kum fodi wu weg kum: kum ka kumira ku dhau ni i kindwu, meni wu weg kum ungo, man ke wubewotho ve dhanu bewotho gin ungo?

1 Jukorinto 5:1

Lembe yik andha nia tarwang’ ni i kindwu, ma en e tarwang’, ma kadok cil kind Thekdhanumange de embe, ya ng’atu acel m’i kindwu bedo ku ci won.

1 Jukorinto 5:6

Kulula mu e ber ungo. Wung’eyo ngo nia thobi ma nyanok thumo i kwen ceke?

2 Jukorinto 1:12

Kum kulula mwa e eni, lembatuca mi pidocwiny mwa, nia i leng’cwiny man cwiny ma abombi mbe i ie pa Mungu, i rieko mi kum de ngo endre i bero pa Mungu, watimbra giwa i ng’om, ma sagu dit yor i beng’wu.

2 Jukorinto 2:17

Kum wan wa calu dupa ngo, ma gibenyotho lem pa Mungu: ento wayero mwa i Kristu, endre calu ma abombi mbe i cwinywa, ento calu pa Mungu i wang’ Mungu.

2 Jukorinto 8:8

Ayero ma nia amio ko lembang’ola ngo, endre calu amulo ko kit mer mu maeni bende ni kum amora mi jumange.

Juefeso 6:24

Bero bed ba ju m’umaru Rwoth Yesu Kristu mwa ceke ku mer ma nyothre ngo.

Poi Mi Cik 16:16

Wang’ adek i rundi acel dhanu peri ma co ceke biwok i wang’ Yehova Mungu peri i ka m’ebigoyo wie: i agba mi kwen ma thobi mbe i ie, man i agba mi yenga, man i agba mi otbak; man ku giwok i wang’ Yehova ma cing’gi nanu:

Poi Mi Cik 16:3

Kud icam kwen moko ma ie ju thobi kude; cam kwen ma thobi mbe i ie ceng’ abiro kude, en e kwen mi can; kum iai kud i ng’om Misiri ku ng’wec: kara ipoi kum ceng’ m’iai ie woko kud i ng’om Misiri nindo ceke mi kwo peri.

Yocuwa 24:14

Ka kumeno kawono wulwor Yehova, man wutim ire umbe abombi man i lemandha; man wukab mungu ma kwaruwu timo igi loka Kulo, man i Misiri cen; man wutim ni Yehova.

1 Petro 4:2

kara ugambre kawono i dong nindo m’udong’ kud wukwo i kum kud awanya ma rac mi dhanu, ento ku yeny ma Mungu yenyo.