1 Jukorinto 5:7 - The Holy Bible In Alur (Lur) Revised Orthography

⁷ Wulwok thobi ma con cen, kara wubed kwen ma nyen, cil calu ma thobi mbe i beng’wu. Kum lam mwa mi kadhukuwijo judaru lamu, ndhu Kristu:

1 Jukorinto 5:7 ပူးပေါင်းရင်းမြစ်များ

Ai 12:15

Ceng’ abiro wubicamu kwen ma thobi mbe i ie; i ceng’ ma kwong’ane wubiketho thobi cen kud i udi mu: kum ng’atu ma tek ucamu kwen ma ie ju thobi ugambre i ceng’ ma kwong’ane cil i ceng’ mir abirone, ng’eyong’ec maeno jubikabu woko kud i bang’ Israel.

Matayo 13:33

Eyero igi lembabola mange de kumae; Ker m’i polo e calu thobi, ma dhaku gamu, ekane de i mogo katoko adek, maram eyenye ko ceke.

Marko 14:12

I ceng’ ma kwong’ane mi kwen ma thobi mbe i ie, kinde ma gilamu kadhukuwijo, julubne giwacu ire kumae, Iyenyo waci wayik ka m’ibicamu ie kadhukuwijo kani?

Yohana 1:29

Urwone eneno Yesu bebino i bang’e, man ewacu kumae, Nen, Nyathi Rombo pa Mungu, ma kabu dubo m’i ng’om woko!

Yohana 1:36

man eneno Yesu kan ewotho, ewacu kumae, Nen, Nyathi Rombo pa Mungu!

Yohana 19:14

Nwang’u en e ceng’ mi Yikopiny mi kadhukuwijo: eyenyo bedo calu en e saa mir abusiende. Man ewacu ni Juyahudi kumae, Nen, Ubimo mu!

Jurumi 3:25

ma Mungu ketho ebed ni lam, ni kum yioyic, i rimo pare, kara enyuth bedopwe pare kum wekodubo m’ular utimbre, i twiocwiny pa Mungu;

1 Jukorinto 10:17

kum wan, ma wa dupa, wa kwen acel, wa kum acel: kum wan ceke wang’wenyo kum kwen acel.

1 Jukorinto 5:13

Ento ju ma gini woko re Mungu poko lembe migi en. Dong’ wukab jadubo nino woko kud i kindwu.

Juefeso 4:22

pi kura bedo mu ma kwong’a, e dong’ wuketh ng’atu ma con cen, m’umaku top tok awanya ma rac mir abombi;

Lembanyutha 5:12

ma giwacu kumae, ku dwal ma dit, Eromo ku Nyathi Rombo ma juthume ya egam tego, ku lonyo, man rieko, man tek, man yung, ku dwong’, man mugisa.