1 Jukorinto 5:11 - The Holy Bible In Alur (Lur) Revised Orthography

¹¹ ento calu lembe bedo kumeni, agoro iwu ya kud wuribru, tek ng’atu moko ma julwong’e umego e won tarwang’, kadi ng’atu ma ketho cwinye hai kum piny, kadi ng’atu ma rwo ni ayi gin m’acwia, kadi jacai cac, kadi andrej kong’o, kadi javugdhanu; ku wagi ng’atu ma kumeni, kud wucam kude.

1 Jukorinto 5:11 ပူးပေါင်းရင်းမြစ်များ

Zaburi 10:3

Kum jadubo lule kum yeny ma rac ma adunde yenyo, Man emio mugisa ni ju m’uketho cwinygi hai kum piny, ento ecayu Yehova.

Zaburi 101:5

Abinyotho ng’atu ma yero nying’ jadhugola pare ling’: Abisendra ngo ku ng’atu ma ting’o wang’e malu m’ubedo kud adunde mi kuhaya de.

Ezekiel 22:12

Gigamu jamblembe mi cwiro rimo ii; igamu kuloka ku nyai, man igamu kuloka ba wedu ma kisa mbe, man wii wil pira, Rwoth Yehova wacu.

Matayo 18:17

Man tek ekwero winjogi, yere ni kanisa: tek ekwero winjo kanisa bende, wek ebed iri calu Thekdhanumange ku won ajok bende.

Matayo 23:25

Can i wiwu, jugorcik ku Jufarisayo, weg ambili! kum wulonyo yo ng’ei kikombe ku yo ng’ei atangla, ento kuvuga kud awanya ma rac upong’ yor i igi.

Luka 18:11

Jafarisayo cungo man erwo kumeno i ie gire, Mungu, afoii, kum a calu dhanu mange ngo, ma weg kuvuga, weg gondri, ma weg gier, kadi calu won ajok maeni de ngo.

Luka 21:34

Ento wubed ku weng’wu giwu, kara adundewu kud ucid ku giracama, ku mer kong’o, man ku giki mi bedo maeni, e ceng’ maeno bino i kumwu pio pio pamir uwic:

Tic Mi Jukwenda 1:15

Ceng’ nica Petro cungo malu i kind umego, (nwang’u udul dhanu gicoko dhoggi karacelo, giyenyo romo dak acel ku pier ario,) ewacu kumae,

Tic Mi Jukwenda 9:17

E Anania eidho, man emondo i ot; e kan eketho cinge i kume ewacu kumae, Umira Saul, Rwoth ma Yesu m’uwok i beng’i i yo kan ibino, eora kara imak neno piny, Tipo Maleng’ de uromi.

Jurumi 13:13

Dong’ wawothu calu ma maku wawothu, calu i dieceng’; i cok ma jucokri ko ku vul ungo ku mer ma jumer ko ku kong’o de ngo, i gier ma jugieri ko swa ku sasa de ngo, i dhau ku ngiri de ngo.

Jurumi 16:17

Nie akwayuwu, umego, wunen ju ma giketho pokri man kaka ma ketho dhanu kier, ma tung’ ku ponji ma wugamu ng’eyo: man wulokru woko kud i bang’gi.

1 Jukorinto 10:14

Kum kumeno, jumerna, wuring rwo ma jurwo ko ni ayi gin m’acwia.

1 Jukorinto 11:21

kum ka wubecamu dhanu ceke kubang’gi ng’atuman lar maku cemo pare mir uthieno gire ma fodi wagi kumaku ngo; man acel kec unege, mange ke mer amera.

1 Jukorinto 5:13

Ento ju ma gini woko re Mungu poko lembe migi en. Dong’ wukab jadubo nino woko kud i kindwu.

1 Jukorinto 6:10

kadi jukwo, kadi ju ma ketho cwinygi hai kum piny, kadok ju ma andrej kong’o, kadi jucac, kadi weg kuvuga, gibicamu ker pa Mungu ki ngo.

1 Jukorinto 6:6

ento umego cidho i titi kud umego, gicidho de i wang’ ju ma gi juyic ungo?

1 Jukorinto 6:9

Kadi wung’eyo ngo ya ju ma gi weg gondri gibicamu ker pa Mungu ngo? ku juwondwu: kadok weg tarwang’, kadi ju ma rwo ni ayi m’acwia, kadok ju ma gigieri swa, kadi ju ma gi calu mon, kadi ju ma timo sasa ku co wagi,

1 Jukorinto 7:12

Ento ni dong dhanu awacu kumae, Rwoth re ngo: Tek umego moko bedo ku cege ma jayic ungo, ma cegene de maru ya gibed gikude, dong’ kud eweke.

1 Jukorinto 7:15

Ento tek ng’atu ma jayic ungo ai, wek eai; umego kadi nyamego de gi jumiru ni wagi lembe ma kumeni ngo; ento Mungu lwong’owa i kwiocwiny.

1 Jukorinto 8:11

Kum ni kum ng’e yong’ec peri ng’atu ma ng’ic nica erwinyo, en e umego ma Kristu tho pire.

Jugalatia 2:12

Kum ka fodi dhanu m’uai ba Yakobo foduwok ungo, ecamu ku Thekdhanumange; ento ka giwok, ecoro cen man ekoire gire, m’elworo ko ju ma weg yaa.

Juefeso 5:18

Man kud wumer ku pigulok, ma ie ju rop, ento dong’ Tipo re m’uromwu;

Juefeso 5:5

Kum maeni wung’eyo andhandha, nia won tarwang’, kadok jasasa de, kadok ng’atu ma ketho cwinye hai kum piny, ma en e jarwo ma ni ayi gin ma acwia, umbe ku camupacu i ker pa Kristu ku pa Mungu.

Jukolosai 3:5

Ka kumeno wuneg wathkumwu ma gini i ng’om: tarwang’, sasa, awanya ma rac, ayiri, ku ketho cwiny hai kum piny, ma en e rwo ma ni gin m’acwia;

2 Jutesaloniki 3:14

Man tek ng’atu moko woro lembe mwa ma i waraga nini ngo, wunen ng’atuca, kara kud wuribru wukugi, kara lewic unege.

2 Jutesaloniki 3:6

Nie wang’olo iwu, umego, ku nying Rwoth mwa ma Yesu Kristu, ya wukoiru giwu ni umego kubang’gi nzu ma giwotho ariri swa, man gilubo ponji ma gijolo i bang’wa ngo.

1 Timoteo 3:3

ng’atu ma jakwakwa ngo wi pigulok, ma goyo jo de ngo; ento ng’atu ma mol, ma japiem ungo, ng’atu ma jamar sente hai ngo;

1 Timoteo 6:5

ku dhau mi dhanu ma rieko migi nyothre ma gimbe ku lemandha, ma giwacu nyo bedo ma ayi Mungu ni kume en e yoj kuloka.

2 Yohana 1:10

Tek ng’atu moko bino i beng’i, ma k’ekelo ponji maeni ngo, kud ijole i ot peri, man kud imothe de:

Lembanyutha 2:14

Endre nyalembe moko ni i ia i kumi, kum jumoko ni i beng’i ma gimaku lemponji pa Balam, m’uponjo Balak ya ubol gin ma redho jo i wang’ nyithindho pa Israel, ya gicam gin ma julamu ni ayi gin m’acwia, man’nitimo tarwang’ bende.

Lembanyutha 2:20

Endre lembe moko ni i ia i kumi, kum iweko dhaku ma Yezebel, m’elwongre gire jabila ma dhaku; man eponjo ewingo jumiru para de ya gitim tarwang’, man gicam gin ma julamu ni ayi gin m’acwia.

Lembanyutha 21:8

Ento ni julworo, ku ju ma gi juyic ungo, ku ju ma gi gin mir adegi, ku juneg nek, ku weg tarwang’, ku weg jogi, ku ju ma rwo ni ayi gin m’acwia, ku jundra ceke bende, maka migi bibedo i nam ma wang’ ku mac ku muganga bende; ma en e tho mir arionde.

Lembanyutha 22:15

Yo woko gwogi, man weg jogi, ku weg tarwang’, ku juneg nek, ku ju ma lamu ayi gin m’acwia, ku kwai dhanu ceke m’umaru ndra m’utimo de.