1 Jukorinto 5:10 - The Holy Bible In Alur (Lur) Revised Orthography

¹⁰ awacu ngo ma nia kud wuribru ki ku weg tarwang’ m’i ng’om maeni, kadi ku ju ma ketho cwiny hai kum piny ku juvugdhanu de, kadi ku ju ma rwo ni ayi gin m’acwia; kum tek ebedo kumeni nwang’u wukoai aaia be kud i ng’ombuni:

1 Jukorinto 5:10 ပူးပေါင်းရင်းမြစ်များ

Luka 18:11

Jafarisayo cungo man erwo kumeno i ie gire, Mungu, afoii, kum a calu dhanu mange ngo, ma weg kuvuga, weg gondri, ma weg gier, kadi calu won ajok maeni de ngo.

Yohana 15:19

Dok wun wu mi ng’om, kuno di ng’om umaru ma pare: ento kum wun wu mi ng’om ungo, ento agoyo wiwu kud i ng’om, kum kumeno ng’om udaguwu.

Yohana 17:6

Anyutho nyingi ni ju m’imio ira kud i ng’om: gi peri, man imiogi ira: man gidara woro lembe peri.

Yohana 17:9

Akwayu pigi: akwayu pi ng’om ungo, ento pi ju m’imio ira; kum gi peri:

Yohana 8:23

E ewacu igi kumae, Wun wuai piny; an aai malu: wun wu mi ng’om maeni; an a mi ng’om maeni ngo.

1 Jukorinto 1:20

Jarieko ni kani? jagorcik ni kani? japiem mi rundi maeni ni kani? Mungu dwoko rieko m’i ng’om udoko ni lemkasegu ngo?

1 Jukorinto 10:27

Tek ng’atu moko m’i kindgi m’uyio ngo lwong’owu i agba, e wun bende wuyenyo wucidhi; e gin ma tek juketho i weng’wu, wucam, ma wukupenjo penji moko ngo ni cwinywu m’ubepido.

1 Jukorinto 5:11

ento calu lembe bedo kumeni, agoro iwu ya kud wuribru, tek ng’atu moko ma julwong’e umego e won tarwang’, kadi ng’atu ma ketho cwinye hai kum piny, kadi ng’atu ma rwo ni ayi gin m’acwia, kadi jacai cac, kadi andrej kong’o, kadi javugdhanu; ku wagi ng’atu ma kumeni, kud wucam kude.

1 Jukorinto 5:9

Agoro iwu i waraga para ya kud wuribru ku weg tarwang’;

2 Jukorinto 4:4

i joca mungu mi ng’om maeni yutho wang’ pidoic mi ju ma juyic ungo, kara der mi lembanyong’a ma juboth ko mi dwong’ pa Kristu, ma en e ayi Mungu kud uler igi.

Juefeso 2:2

ma naka wuwotho i ie calku kura mi ng’om maeni, calku jadit mi tego mi lietho, mi tipo ma kawono ubetimo i wot juco;

Jufilipi 2:15

kara wubed ma lembe mbe iwiwuwubed mol de, nyithindho pa Mungu ma poyo de mbe i kind dhanum’utuk m’ugondri ma gi juco de, ma kud i kind joca wubenen calu der i ng’om,

1 Yohana 4:5

Gin gi mi ng’om: kum kumeno giyero calu mi ng’om, ng’om de winjogi.

1 Yohana 4:7

Jumer, dong’ wamara, kum mer en e pa Mungu; man ku ba dhanu ceke ma mer nwang’u Mungu nyole, man eng’eyo Mungu.

1 Yohana 5:19

Wang’eyo nia wa pa Mungu, man ng’om ngung’ de vuto i ng’atu ma rac.

Lembanyutha 12:9

Man jubolo ng’ec ma dwong’ piny, en e thwol ma con, en ma julwong’e Wonabali man Jok, en m’e jawondi mi ng’om ngung’; jubole piny i ng’om, man malaika pare de jubologi piny gikugi.