1 Jukorinto 5:1 - The Holy Bible In Alur (Lur) Revised Orthography

¹ Lembe yik andha nia tarwang’ ni i kindwu, ma en e tarwang’, ma kadok cil kind Thekdhanumange de embe, ya ng’atu acel m’i kindwu bedo ku ci won.

1 Jukorinto 5:1 ပူးပေါင်းရင်းမြစ်များ

Thangambere 35:22

Man etimbre, kinde ma Israel ubedo i ng’om maeno, nia Ruben ucidho man evuto ku Bilha ma dhaku m’araga pa won: man Israel uwinjo pire. Nie wot Yakobo gin apar wi ario:

Thangambere 37:2

Maeni dhanum’utuk pa Yakobo. Yusuf, ma rundi pare apar wi abiro, ubekwayu udul rombe karacelo ku utumin mire; man en e nyathin karacelo ku wot Bilha, man ku wot Zilpa, ma gi mon pa won: e Yusuf ukelo rwonglembe ma rac pi joca ba weggi.

Thangambere 49:4

M’ubewali calu pi, ibibedo dit ungo; Kum iidho wi kavuto pa wuru; Ilund icide: eidho malu wi kavuto para.

2 Samwil 16:22

Kum kumeno gipedho hema ni Absalom wi ot; man Absalom umondo wi mon m’araga pa won i wang’ Israel ceke.

2 Samwil 20:3

Man Daudi bino i ot pare i Yerusalem; e Daudi gamu mon pare apar m’araga, m’eweko kara ugwok ot, man ekethogi i ka ma jukuro, emio igi cemo de, ento emondo i bang’gi ngo. Kum kumeno juciko bang’gi cil i ceng’ mi tho migi, ma gibedo ko ni mon landu.

I Lemkei 5:1

Man wot Ruben ma kayu pa Israel (kum en e kayu; ento, kum ecido kavuto pa won, camupacu pare jumio ba Wot Yusuf ma wod Israel; man thekwaru jukwanu calku camupacu ngo.

Yeremia 2:33

Iyiko yo peri nedi kara iyeny mer! ka kumeno cil mon ma judubo de iponjo ku yo peri.

Ezekiel 16:47

Ento iwotho i yo migi ngo, kadi itimo tok ginmajudagu migi de ngo; ento, calu tek maeno en e gin ma nyathigi, in inyothri ma sagu gin i yo peri ceke.

Ezekiel 22:10

Giyabu muneru pa weggi ii; gijwigo dhaku m’ucido i koiri pare.

Lembe Mi Julawi 18:8

Muneru pa ci wuru kud iyabi; en e muneru pa wuru.

Lembe Mi Julawi 20:11

Man ng’atu m’uvuto ku ci won eyabu muneru pa won: jubinego gin ario de andha; rimbgi bibedo i kumgi gigi.

Amos 2:7

gi ju ma giketho cwinygi kum utur mi ng’om ma wi jucan, man giloko yo mi ju ma mol cen: man ng’atu ma nico ku won gimondo wi nyaku acel kara gicid nyinga ma leng’:

Tic Mi Jukwenda 15:20

ento dong’ wagoru igi, ya giceri ni acidi mir ayi gin m’acwia, ku tarwang’, ku gin ma judeyo adeya de, man ku rimo.

Tic Mi Jukwenda 15:29

ya wuceru ni gin ma julamu ni ayi gin m’acwia, man kum rimo, man kum gin ma judeyo adeya, man kum tarwang’; tek wugwokru ni gin maeili nwang’u ebibedo ber iwu. Dong’ wubedi.

1 Jukorinto 1:11

Kum jugolo beng’wu ira, juwada, ku yo ba juot pa Kloe, ya piem ni i kindwu.

1 Jukorinto 5:11

ento calu lembe bedo kumeni, agoro iwu ya kud wuribru, tek ng’atu moko ma julwong’e umego e won tarwang’, kadi ng’atu ma ketho cwinye hai kum piny, kadi ng’atu ma rwo ni ayi gin m’acwia, kadi jacai cac, kadi andrej kong’o, kadi javugdhanu; ku wagi ng’atu ma kumeni, kud wucam kude.

1 Jukorinto 6:13

Cemo en e mi jambic, jambic ke mi cemo: ento Mungu biketho jambic ku cemo de doko mananu. Ento kum re en e mi tarwang’ ungo, ento ni Rwoth re; Rwoth ke ni kum:

1 Jukorinto 6:18

Wuring tarwang’. Dubo ceke kubang’e ma dhanu betimo ubedo woko i kume; ento ng’atu m’utimo tarwang’ meca edubo kum kume gire.

1 Jukorinto 6:9

Kadi wung’eyo ngo ya ju ma gi weg gondri gibicamu ker pa Mungu ngo? ku juwondwu: kadok weg tarwang’, kadi ju ma rwo ni ayi m’acwia, kadok ju ma gigieri swa, kadi ju ma gi calu mon, kadi ju ma timo sasa ku co wagi,

2 Jukorinto 12:21

kara kinde m’abino kendo Mungu para kud ubin ujwiga i weng’wu man abin aywak kum dupa m’i kindgi ma gilar gidubo, ma gikuloko cwinygi ngo kum sasa man tarwang’ man awanya ma rac ma gitimo.

2 Jukorinto 2:5

Ento tek ng’atu moko nyayu can, meca enyayu can, ira ngo, ento kume moko iwu ceke (kara kud anurwu ma sagu).

2 Jukorinto 7:12

Kum kumeno kadok nyamaca agoro iwu, de agoro kum lembe pa ng’atu m’utimo rac ungo, kadok kum lembe pa ng’atu ma jutimo rac i kume de ngo, endre kara kurokur ma dit ma piwa unyuthre iwu i wang’ Mungu.

Jugalatia 5:19

Nie tic mi kum ginyuthri, ma gi eni: tarwang’, ku sasa, kud awanya ma rac,

Juefeso 5:3

Ento tarwang’, ku sasa ceke, ku kethocwiny hai kum piny, dong’ kud elwongre i kindwu ki, calu m’umaku jumaleng’;

Poi Mi Cik 22:30

Ng’atu moko kud ugam ci won, man kud eyab dhu kendi pa won.

Poi Mi Cik 27:20

Kwong’ ubed wi ng’atu m’uvuto ku dhaku pa won, kum eyabu dhu kendi pa won. E dhanu ceke biwacu kumae, Amen.

Jukolosai 3:5

Ka kumeno wuneg wathkumwu ma gini i ng’om: tarwang’, sasa, awanya ma rac, ayiri, ku ketho cwiny hai kum piny, ma en e rwo ma ni gin m’acwia;

1 Jutesaloniki 4:7

Kum Mungu lwong’owa pi sasa ngo, endre i dwokrileng’.

Lembanyutha 2:21

Man amio ire nindo ya elok cwinye; man eyenyo ngo ya elok cwinye kum tarwang’ pare.

Lembanyutha 21:8

Ento ni julworo, ku ju ma gi juyic ungo, ku ju ma gi gin mir adegi, ku juneg nek, ku weg tarwang’, ku weg jogi, ku ju ma rwo ni ayi gin m’acwia, ku jundra ceke bende, maka migi bibedo i nam ma wang’ ku mac ku muganga bende; ma en e tho mir arionde.

1 Samwil 2:24

Ungo, wota; kum en e rwonglembe ma ber ungo m’awinjo: wuketho dhanu pa Yehova kier.